Isaías 17:8 - Li Santil hu

⁸ Incꞌaꞌ chic teꞌxcꞌojob xchꞌo̱leb riqꞌuineb li artal li queꞌxyi̱b riqꞌuin rukꞌeb. Incꞌaꞌ chic teꞌxlokꞌoni lix jalam u̱ch lix Asera li queꞌxyi̱b, chi moco teꞌxlokꞌoni li sakꞌe.

Q'eqchi Bible

⁸ Ink'a' chik te'iloq wan wi' li xyiib'ahomeb', chi moko te'xka'ya chik li k'aru ke'xyiib' rik'in ruq'eb': a'eb' li xtoon che' ut eb' li artal nak'atmank wi' li pom chiru li xyoseb'.

Isaías 17:8 ပူးပေါင်းရင်းမြစ်များ

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Isaías 27:9

Li Dios tixcuy xma̱queb laj Israel nak telajeꞌxjuqꞌui chixjunil li artal li nequeꞌlokꞌoni̱c cuiꞌ li jalanil dios. Tixcuy xma̱queb nak ma̱cꞌaꞌak chic li yi̱banbil dios xAsera, chi moco li naꞌajej li nacꞌatman cuiꞌ li pom.

Isaías 2:8

Lix tenamit laj Israel numtajenak chi yi̱banbil dios. Li cuanqueb aran nequeꞌxlokꞌoni li jalanil dios, li yal yi̱banbil riqꞌuin ukꞌej. Nequeꞌxcuikꞌib ribeb chiruheb li dios li nequeꞌxyi̱b riqꞌuin rukꞌeb.

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Sofonías 1:3

Tinsacheb ru chixjunileb li cristian ut tinsach ajcuiꞌ ruheb chixjunileb li xul. Tinsach ruheb li xul li nequeꞌrupupic chiru choxa joꞌqueb ajcuiꞌ li car li cuanqueb saꞌ li nimaꞌ. Tinsach ruheb li incꞌaꞌ useb xnaꞌleb. Tinsacheb ru chixjunileb li cristian, chan li Ka̱cuaꞌ.

Oseas 14:8

Eb li ralal xcꞌajol laj Efraín teꞌxye: —¿Cꞌaꞌ chic ru teꞌoc cuiꞌ ke li yi̱banbil dios? Ut la̱in tinsume ut tinye reheb: —La̱in yo̱quin che̱rabinquil ut yo̱quin che̱rilbal. La̱in chanchanin li cheꞌ rax rax ru. La̱in tin-ilok e̱re ut la̱in tin-osobtesi̱nk e̱re re nak ta̱cua̱nk cuiꞌchic nabal cꞌaꞌru e̱re, chaꞌak li Dios reheb.

Ezequiel 36:25

Chanchan nak texinchꞌajobresi riqꞌuin sak ru haꞌ nak tincuisi li ma̱usilal xeba̱nu nak xemux e̱rib riqꞌuin xlokꞌoninquil li jalanil dios.

Isaías 44:15

Li cui̱nk naxyocꞌ li cheꞌ chokꞌ xsiꞌ ut riqꞌuin aꞌan naxkꞌixna rib. Naxtzꞌab lix xam re tixyi̱b lix caxlan cua. Ut riqꞌuin ajcuiꞌ li cheꞌ aꞌan naxyi̱b lix dios re tixlokꞌoni. Naxyi̱b lix jalam u̱ch ut naxcuikꞌib rib chiru.

Isaías 1:29

La̱ex texxuta̱na̱k xban nak xelokꞌoni li ni̱nki cheꞌ ji. Cꞌajoꞌ nak texxuta̱na̱k nak te̱ril lix naꞌaj li utzꞌuꞌuj li quesicꞌ ru re te̱lokꞌoni.

2 Crónicas 34:4

Ut quixtakla ajcuiꞌ xpoꞌbal eb li artal li queꞌxlokꞌoni cuiꞌ laj Baal lix dioseb. Queꞌxpoꞌi ajcuiꞌ eb li yi̱banbil dios li cuanqueb saꞌ xbe̱neb li artal. Ut queꞌxpuqꞌui ajcuiꞌ lix jalam u̱ch lix Asera, joꞌ ajcuiꞌ eb lix dios li yi̱banbil riqꞌuin chꞌi̱chꞌ ut pec. Cocꞌ muchꞌ queꞌcana. Ut lix cꞌaj eb li yi̱banbil dios queꞌxchap ut queꞌxcut saꞌ xbe̱neb li mukleba̱l li cuanqueb cuiꞌ li queꞌlokꞌonin re li yi̱banbil dios.

2 Crónicas 14:5

Ut quirisiheb ajcuiꞌ li naꞌajej li najt xteram li nequeꞌxlokꞌoni cuiꞌ li jalanil dios ut quixpoꞌ eb li artal li queꞌxcꞌat cuiꞌ li incienso saꞌ chixjunileb li tenamit li cuanqueb Judá. Ut chirix aꞌan quicuan tuktu̱quil usilal joꞌ najtil quicuan saꞌ xcuanquil.

Éxodo 34:13

Te̱jucꞌ chi junaj cua lix artaleb ut te̱poꞌ ajcuiꞌ lix dioseb Asera xcꞌabaꞌ. Te̱yoqꞌui li cheꞌ li nequeꞌxxakaxi aran li nequeꞌxlokꞌoni ru.

Deuteronomio 7:5

Li cꞌaꞌru tento te̱ba̱nu, aꞌan aꞌin: te̱sach chi junaj cua lix artaleb. Te̱sach chixjunil li joꞌ qꞌuial cuan saꞌ li naꞌajej li nequeꞌxlokꞌoni cuiꞌ li jalanil dios. Te̱sach lix jalam u̱cheb lix Asera xcꞌabaꞌ ut te̱cꞌat chixjunileb lix yi̱banbil dios.

2 Samuel 22:42

Xeꞌxjap reheb chixtzꞌa̱manquil xtenkꞌanquil, abanan ma̱ ani quicoloc reheb. Queꞌxtzꞌa̱ma xtenkꞌanquileb a̱cue, at Ka̱cuaꞌ. Abanan la̱at incꞌaꞌ casume lix tijeb.

Isaías 10:20

Saꞌ eb li cutan aꞌan eb laj Israel, li ralal xcꞌajol laj Jacob, li incꞌaꞌ queꞌsach ruheb, incꞌaꞌ chic teꞌxcꞌojob xchꞌo̱l riqꞌuineb li cui̱nk li queꞌsachoc ruheb. Teꞌyoꞌoni̱nk ban riqꞌuin li Ka̱cuaꞌ, li Dios Santo, lix Dioseb laj Israel.

Isaías 17:9

Saꞌ eb li cutan aꞌan, eb li tenamit li cauresinbileb chi us re xcolbaleb rib teꞌtzꞌekta̱na̱k joꞌ eb li tenamit li queꞌsacheꞌ nak xeꞌe̱lelic chiruheb laj Israel. Chanchanakeb chic li ru li cheꞌ li xcanaba̱c toj saꞌ ruꞌuj. Eb li tenamit teꞌcanaba̱k chi ma̱cꞌaꞌ chic cuan chi saꞌ.

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Jeremías 17:2

Jultic reheb le̱ ralal e̱cꞌajol eb li artal ut li yi̱banbil dios xAsera li quelokꞌoni rubeleb li cheꞌ li ni̱nk xmuheb ut saꞌ eb li naꞌajej li ni̱nkeb xteram.

2 Crónicas 31:1

Nak queꞌrakeꞌ chi ninkꞌei̱c, eb laj Israel li cuanqueb Jerusalén queꞌco̱eb saꞌ eb li tenamit li cuanqueb saꞌ xcue̱nt Judá. Queꞌxjuqꞌui li ni̱nki pec li nequeꞌxlokꞌoni cuiꞌ li yi̱banbil dios ut queꞌxjori lix jalam u̱ch lix Asera. Queꞌxjuqꞌui li naꞌajej li najt xteram ut eb li artal li cuanqueb yalak bar saꞌ lix naꞌajeb li ralal xcꞌajol laj Judá, laj Benjamín, laj Efraín ut laj Manasés. Nak queꞌxchoy xsachbal chixjunil, eb laj Israel quilajeꞌco̱eb saꞌ lix naꞌajeb saꞌ lix tenamiteb.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.