Isaías 17:6 - Li Santil hu

⁶ Incꞌaꞌ chic qꞌui li cristian li teꞌcolekꞌ Israel. Chanchan li cheꞌ olivo nak nachikꞌeꞌ. Natꞌaneꞌ chixjunil li ru. Cuib oxib aj chic nacana saꞌ li ruꞌuj malaj ut saꞌ eb li rukꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Q'eqchi Bible

⁶ aran junes roq awimq aj chik taakanaaq. Taak'ulmanq jo' naq najiliik li ru eb' li oliiw chi che': wiib' oxib' aj chik nakanaak chiru li xmisik', kaahib' malaj oob'aq li ru natawmank chiru li xche'el”, chan li Qaawa', li xYos laj Israel.

Isaías 17:6 ပူးပေါင်းရင်းမြစ်များ

Isaías 24:13

Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Deuteronomio 4:27

Li Ka̱cuaꞌ Dios tixchaꞌchaꞌi e̱ru saꞌ eb li jalan tenamit ut moco qꞌuihex ta chic li texcana̱k chi yoꞌyo saꞌ eb li naꞌajej li texcꞌamekꞌ cuiꞌ xban li Ka̱cuaꞌ.

Romanos 9:27

Joꞌcaꞌin quixye laj Isaías chirixeb laj Israel: Usta nabaleb li ralal xcꞌajol laj Israel joꞌ xqꞌuial li samaib chire li palau, aban moco qꞌuiheb ta li teꞌcolekꞌ.

Abdías 1:5

Li Ka̱cuaꞌ quixye: —Us raj chokꞌ e̱re nak aj e̱lkꞌ ta teꞌcha̱lk chiru kꞌojyi̱n chi elkꞌa̱c e̱riqꞌuin. Teꞌxcꞌam raj caꞌaj cuiꞌ li joꞌ qꞌuial teꞌraj. Ut cui teꞌxsicꞌ li ru li uvas, ¿ma incꞌaꞌ ta biꞌ teꞌxcanab raj caꞌchꞌinak chic e̱re? Abanan, eb li xicꞌ nequeꞌiloc e̱re, teꞌcha̱lk ut teꞌxsach e̱ru chi junaj cua.

Jueces 8:2

Ut laj Gedeón quixye reheb: —¿Cꞌaꞌru xinba̱nu la̱in? ¿Ma ma̱cuaꞌ ta biꞌ la̱ex nabal xeba̱nu chiku la̱o? La̱o caꞌchꞌin ajcuiꞌ xkaba̱nu. Abanan la̱ex nabal xeba̱nu.

Romanos 11:26

Joꞌcan nak teꞌcolekꞌ chixjunileb laj Israel joꞌ tzꞌi̱banbil retalil saꞌ li Santil Hu li quixye li Dios: Aran Sión ta̱cha̱lk chak laj Colonel ut aꞌan tixcuy xma̱queb li ralal xcꞌajol laj Israel. (Isa. 59:20-21)

Miqueas 7:1

Tokꞌob xak cuu. Chanchanin jun li cui̱nk li naxsicꞌ li ru li acui̱mk saꞌ sakꞌehil abanan ma̱cꞌaꞌ chic ru. Ac sicꞌbil. Xinsicꞌ li ru li uva abanan ac sicꞌbil ajcuiꞌ ut la̱in aꞌ raj li xbe̱n ru xcuaj, abanan incꞌaꞌ chic xintau.

Ezequiel 39:29

Ut ma̱ jaruj chic tincanabeb xjuneseb xban nak tinqꞌue lin musikꞌ reheb li ralal xcꞌajol laj Israel, chan li nimajcual Dios.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Isaías 10:22

Usta kꞌaxal nabaleb laj Israel, joꞌ xqꞌuial li samaib li cuan chire li palau, abanan ta̱cuulak xkꞌehil nak incꞌaꞌ chic qꞌuihakeb. Aꞌaneb li teꞌsukꞌi̱k riqꞌuin li Ka̱cuaꞌ. Ac yebil nak ta̱rakekꞌ a̱tin saꞌ xbe̱neb laj Israel ut ta̱sachekꞌ ruheb lix qꞌuialeb.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

1 Reyes 19:18

Tincanabeb chi yoꞌyo li cuukub mil laj Israel li incꞌaꞌ queꞌxcuikꞌib rib chixlokꞌoninquil laj Baal, chi moco queꞌrutzꞌ ru, chan li Ka̱cuaꞌ.

Jeremías 4:27

Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.