Isaías 17:4 - Li Santil hu

⁴ Saꞌ eb li cutan aꞌan ta̱sachekꞌ lix cuanquilaleb li ralal xcꞌajol laj Jacob. Ut ta̱sachekꞌ ajcuiꞌ lix biomaleb.

Q'eqchi Bible

⁴ “Sa' li kutan a'an taasache'q xloq'al laj Jakob ut maak'a'aq chik li xb'ihomal.

Isaías 17:4 ပူးပေါင်းရင်းမြစ်များ

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Ezequiel 34:20

Joꞌcan nak la̱in ninye e̱re nak tinrakok a̱tin saꞌ xbe̱neb li carner. Tincuisiheb li ni̱nkeb xtibel saꞌ xya̱nkeb li bakeb.

Isaías 24:16

Yalak bar saꞌ ruchichꞌochꞌ takabi nak yo̱keb chixbichanquil xlokꞌal li Ka̱cuaꞌ ut teꞌxye: —Lokꞌoninbil taxak li Ka̱cuaꞌ li ti̱c xchꞌo̱l.— Abanan la̱in ma̱cꞌaꞌ naru ninye xban nak li tenamit toj yo̱keb ajcuiꞌ chi balakꞌi̱nc ut numtajenak li ma̱usil nequeꞌxba̱nu.

Isaías 24:13

Joꞌcan ta̱cꞌulma̱nk saꞌ chixjunileb li tenamit li cuanqueb yalak bar saꞌ ruchichꞌochꞌ. Chanchan nak nachikꞌchikꞌi̱c li cheꞌ olivo re ta̱tꞌanekꞌ li ru. Chanchan nak ac xeꞌrakeꞌ chixsicꞌbal chixjunil li ru li uvas.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Isaías 9:8

Li Ka̱cuaꞌ Dios quixtakla xyebal resil li raylal li ta̱cha̱lk saꞌ xbe̱neb laj Israel, li ralal xcꞌajol laj Jacob.

Génesis 41:3

Quiril ajcuiꞌ nak queꞌel cuukub chic li cuacax saꞌ li nimaꞌ. Kꞌaxal bakeb ut chakiheb. Coxeꞌxakli̱k chixcꞌatk eb li cuacax li cha̱bileb xtibel li cuanqueb chire li nimaꞌ.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

2 Reyes 17:3

Laj Salmanasar lix reyeb laj Asiria quipletic riqꞌuin laj Oseas ut quire̱chani li ple̱t. Joꞌcan nak laj Oseas quicꞌanjelac chiru ut quixtoj rix lix naꞌajeb.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.