Isaías 17:14 - Li Santil hu

¹⁴ Saꞌ li ecuu teꞌcha̱lk chikasachbal. Abanan nak ta̱sake̱uk, ac ma̱ anihakeb chic. Joꞌcaꞌin nak nequeꞌosoꞌ chixjunileb li nequeꞌraj xchapbal chokꞌ reheb li cꞌaꞌru ke la̱o.

Q'eqchi Bible

¹⁴ Xiwajelaq rilb'aleb' naq taa'ewuuq, ab'anan naq taahik'e'q, maajunaqeb' chik. Jo'ka'in naq te'oso'q eb' li neke'rahob'tesink qe; a'in toxe'raqe'q wi' li neke'elq'ank li k'aru qe.

Isaías 17:14 ပူးပေါင်းရင်းမြစ်များ

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.

Proverbios 22:23

Li Ka̱cuaꞌ, aꞌan ta̱colok reheb li nebaꞌ ut tixrahobtesiheb li nequeꞌrahobtesin reheb li nebaꞌ.

Ezequiel 39:10

Incꞌaꞌ teꞌxic aj siꞌ saꞌ cꞌaleba̱l, chi moco teꞌxyocꞌ xsiꞌeb saꞌ qꞌuicheꞌ xban nak teꞌxcꞌat chokꞌ xsiꞌeb li cꞌaꞌru quicꞌanjelac re pletic. Ut teꞌxmakꞌ chiruheb li xicꞌ nequeꞌiloc reheb li cꞌaꞌru quimakꞌeꞌ chiruheb laj Israel junxil, chan li Ka̱cuaꞌ.

Jeremías 13:25

Joꞌcaꞌin te̱cꞌul la̱ex aj Israel xban nak aꞌan li tenebanbil saꞌ e̱be̱n inban la̱in xban nak xine̱tzꞌekta̱na ut xecꞌojob e̱chꞌo̱l saꞌ xbe̱neb li yi̱banbil dios.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Salmos 37:36

Abanan li jun aꞌan quisacheꞌ. Nak quinnumeꞌ aran, ma̱ ani chic xban nak ac xsacheꞌ.

Li xHu LAJ JOB 20:29

Li Dios quixye nak joꞌcan teꞌxcꞌul li incꞌaꞌ useb xnaꞌleb. Ac yebil nak joꞌcan teꞌxcꞌul, chan laj Zofar.

2 Reyes 19:3

Queꞌxye re laj Isaías: —Aꞌan aꞌin li naxye laj Ezequías. Chiru li cutan aꞌin yo̱co chi cꞌuluc raylal xban li ma̱c xkaba̱nu. Yo̱queb chikamajecuanquil li xicꞌ nequeꞌiloc ke ut yo̱queb chikahobbal. Chanchano jun li ixk oc re chi qꞌuira̱c, ut ma̱cꞌaꞌ chic xmetzꞌe̱u.

Jueces 5:31

Joꞌcaꞌin taxak nak cheꞌosokꞌ chixjunileb li xicꞌ nequeꞌiloc a̱cue, at Ka̱cuaꞌ. Ut eb li nequeꞌrahoc a̱cue, chanchanakeb taxak li sakꞌe nak nalemtzꞌun cuaꞌleb, chanqueb saꞌ lix bich. Nak ac xnumeꞌ li ple̱t aꞌin, li tenamit Israel queꞌcuan saꞌ usilal chiru caꞌcꞌa̱l chihab.

Isaías 10:25

Chi se̱b ta̱numekꞌ lin joskꞌil saꞌ e̱be̱n. Tojoꞌnak tincuisi injoskꞌil saꞌ xbe̱neb laj Asiria ut tinsach ruheb, chan.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 29:7

Ut chixjunileb li tenamit li yo̱queb chi pletic riqꞌuineb laj Jerusalén joꞌ eb li nequeꞌrahobtesin reheb telajeꞌosokꞌ. Chanchanakeb li matcꞌ malaj ut jun li visión chiru kꞌojyi̱n li yal nanumeꞌ.

Isaías 33:18

Ta̱julticokꞌ e̱re chanru nak xiu xiu quexcuan rubeleb xcuanquil li jalan tenamit. Ut te̱ye: —¿Bar cuan laj tzꞌi̱b? ¿Bar cuan laj titzꞌol toj? Ut, ¿bar cuan li quitaklan saꞌ eb li cab li nequeꞌxcol cuiꞌ rib? ¿Cꞌaꞌru queꞌxcꞌul?—

Isaías 34:17

Aꞌ li Ka̱cuaꞌ, aꞌan li quiqꞌuehoc reheb saꞌ xnaꞌajeb li junju̱nk. Aꞌan quisicꞌoc re lix naꞌajeb. Ut aran teꞌcua̱nk junelic kꞌe cutan.

Isaías 41:12

Usta nequesiqꞌueb li xicꞌ nequeꞌiloc e̱re, abanan incꞌaꞌ te̱tauheb xban nak ma̱cꞌaꞌakeb chic li nequeꞌpletic e̱riqꞌuin.

Jeremías 49:10

Abanan la̱in tinmakꞌ chiruheb li ralal xcꞌajol laj Esaú chixjunil li cꞌaꞌru cuan reheb. Tincanab chi cutanquil li naꞌajej li nequeꞌxmuk cuiꞌ ribeb. Teꞌsachekꞌ ruheb li ralal xcꞌajol, eb li rechꞌalal ut eb li rech cabal. Teꞌsachekꞌ ruheb chi junaj cua.

Isaías 21:12

Ut li yo̱ chi cꞌacꞌale̱nc quixye: —Cutanocꞌ re, abanan aꞌ que cuiꞌchic na-oc li kꞌojyi̱n. Cui ta̱cuaj patzꞌoc, tatsukꞌi̱k cuiꞌchic, chan.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Isaías 30:28

Nak namusikꞌac li Ka̱cuaꞌ, aꞌan chanchan jun li nimaꞌ li yo̱ chi butꞌi̱nc ut lix chamal nacuulac toj saꞌ xcuxeb li cristian ut naxsach chixjunil. Li Ka̱cuaꞌ tixtzꞌil rix li nequeꞌxba̱nu li xni̱nkal ru tenamit ut tixram xbeheb li yo̱queb chixba̱nunquil li ma̱usilal. Chanchan nak naqꞌueheꞌ li chꞌi̱chꞌ saꞌ re li cacua̱y.

Zacarías 2:12

Ut li Ka̱cuaꞌ ta̱cua̱nk cuiꞌchic aran Judá saꞌ li Santil Naꞌajej ut teꞌsiqꞌuekꞌ cuiꞌchic ruheb laj Jerusalén xban li Ka̱cuaꞌ.