Isaías 17:13 - Li Santil hu

¹³ Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

Q'eqchi Bible

¹³ Ab'anan naq li Yos tixq'useb' chi kaw, eelel te'xik chi najt ut te'aanilasiiq jo' naq na'apuuk li mul xb'aan li iq' toj sa'eb' li tzuultaq'a, chanchanaqeb' xmuqyax li kaqsut-iq'.

Isaías 17:13 ပူးပေါင်းရင်းမြစ်များ

Salmos 9:5

La̱at xatkꞌusuc reheb li incꞌaꞌ nequeꞌpa̱ban cha̱cuu. La̱at ajcuiꞌ xatsachoc reheb aꞌan, xban nak incꞌaꞌ useb xnaꞌleb. Xasacheb chi junaj cua ut incꞌaꞌ chic teꞌabi̱k resileb.

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Li xHu LAJ JOB 21:18

¿Ma xeꞌchaꞌchaꞌi̱c ta biꞌ jun sutak ruheb aꞌan joꞌ nak nacꞌameꞌ li qꞌuim xban li ikꞌ malaj ut joꞌ nak nacꞌameꞌ lix mokoj li ixim xban li ikꞌ li naxsuti rib?

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Oseas 13:3

Ut xban lix ma̱usilal teꞌosokꞌ li tenamit aꞌin. Chanchanakeb li chok li yal nanumeꞌ ekꞌela. Ut chanchanakeb li xchuꞌque li yal natꞌaneꞌ ut na-osoꞌ saꞌ junpa̱t. Chanchanakeb lix mokoj li trigo li nacꞌameꞌ xban cacuil ikꞌ ut aran na-osoꞌ. Ut chanchanakeb ajcuiꞌ li sib li na-el saꞌ releba̱l sib ut yal na-osoꞌ.

Daniel 2:35

Ut quimuchꞌeꞌ ajcuiꞌ li hierro, li cꞌatbil saklun, li bronce, li plata ut li oro. Ut poks quicana chanchan xpoksil li trigo li nacana nak nayekꞌiman re risinquil saꞌ rix. Ut lix poksil li chꞌi̱chꞌ ut li cꞌatbil saklun quicꞌameꞌ chi junaj cua xban ikꞌ. Abanan li pec quicana ut quiniman toj retal quicuulac xnimal joꞌ jun li tzu̱l ut quixtzꞌap chixjunil li ruchichꞌochꞌ.

Isaías 27:1

Saꞌ eb li cutan aꞌan li Ka̱cuaꞌ tixqꞌueheb chixtoj xma̱queb laj Leviatán li nimla xul li se̱b xchꞌo̱l chixba̱nunquil li incꞌaꞌ us, ut li nimla cꞌantiꞌ li naxkꞌotkꞌoti rib, joꞌ ajcuiꞌ li dragón li cuan saꞌ li palau. Riqꞌuin lix nimla chꞌi̱chꞌ cau tixcamsiheb.

Isaías 14:25

La̱in tinsach ruheb laj Asiria li cuanqueb saꞌ xnaꞌajeb laj Israel lin tenamit. Tinyekꞌiheb saꞌ cuok aran saꞌ eb lin tzu̱l. Tojoꞌnak tincuisi li a̱lal i̱k li xeꞌxqꞌue saꞌ xbe̱neb laj Israel lin tenamit.

Salmos 35:5

Chanchanakeb lix mokoj ixim li nacꞌameꞌ xban li ikꞌ nak teꞌa̱lina̱k xban lix ángel li Ka̱cuaꞌ.

Li xHu LAJ JOB 38:11

Ut quinye re: Caꞌaj cuiꞌ arin tatnumekꞌ ut incꞌaꞌ ta̱numekꞌ jun pacꞌal la̱ cau ok, chanquin re.

Salmos 65:7

La̱at nacattukuban ru lix cau ok li palau nak naxcutle rib. Ut la̱at ajcuiꞌ nacattukuban ruheb li tenamit nak nequeꞌchokoknac chixpletinquil ribeb.

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

Isaías 21:15

Yo̱queb chi e̱lelic re nak incꞌaꞌ teꞌcamsi̱k chi chꞌi̱chꞌ chi moco riqꞌuin tzimaj. Yo̱queb chi e̱lelic re nak incꞌaꞌ teꞌcamsi̱k saꞌ li ple̱t.

Isaías 22:18

Tatxqꞌue saꞌ jalan tenamit kꞌaxal nim. Chanchan nak tixcut jun li pelota. Aran tatca̱mk ut eb la̱ carruaje li cꞌajoꞌ xchꞌinaꞌusaleb teꞌcana̱k aran. Riqꞌuin aꞌan ta̱cꞌutekꞌ xxuta̱n li ani nataklan saꞌ a̱be̱n.

Isaías 34:17

Aꞌ li Ka̱cuaꞌ, aꞌan li quiqꞌuehoc reheb saꞌ xnaꞌajeb li junju̱nk. Aꞌan quisicꞌoc re lix naꞌajeb. Ut aran teꞌcua̱nk junelic kꞌe cutan.

Isaías 40:15

Chiru li Ka̱cuaꞌ eb li xni̱nkal ru tenamit ma̱cꞌaꞌ nequeꞌoc cuiꞌ. Chanchaneb jun tzꞌukul chi haꞌ malaj ut chanchan li poks li na-osoꞌ. Ma̱cꞌaꞌ na-oc cui. Ut eb li chꞌochꞌ li sutsu saꞌ haꞌ naxqꞌue chi sachc.

Isaías 40:24

Eb aꞌan teꞌosokꞌ. Chanchan li ma̱ jun sut queꞌcuan saꞌ ruchichꞌochꞌ. Chanchaneb li acui̱mk li tojeꞌ xmok ut toj ma̱jiꞌ xchap xxeꞌ chi us. Nak li Ka̱cuaꞌ naxtakla li ikꞌ, nequeꞌchakic ut nequeꞌcꞌameꞌ xban li ikꞌ joꞌ li qꞌuim.

Isaías 41:11

Chixjunileb li nequeꞌjoskꞌoꞌ e̱riqꞌuin teꞌcꞌutekꞌ xxuta̱n. Ut eb li nequeꞌxyal e̱tꞌanbal teꞌsachekꞌ xcuanquil ut teꞌsachekꞌ ruheb. Chanchan nak incꞌaꞌ queꞌcuan saꞌ ruchichꞌochꞌ.

Sofonías 2:2

Checꞌoxla rix li cꞌaꞌru te̱ba̱nu nak toj ma̱jiꞌ nequecꞌul li raylal li tenebanbil saꞌ e̱be̱n xban nak saꞌ junpa̱t ta̱numekꞌ li cutan joꞌ nak nacꞌameꞌ lix mokoj li trigo xban li ikꞌ. Checꞌoxla rix li cꞌaꞌru te̱ba̱nu nak toj ma̱jiꞌ nachal lix joskꞌil li Dios saꞌ e̱be̱n. Checꞌoxla rix cꞌaꞌru te̱ba̱nu nak toj ma̱jiꞌ nacuulac xkꞌehil nak li Dios tixcꞌutbesi lix joskꞌil che̱ru.

Salmos 65:8

Chixjunileb li cuanqueb saꞌ ruchichꞌochꞌ nequeꞌsach xchꞌo̱leb chirilbal li sachba chꞌo̱lej li nacaba̱nu. Junelic nequeꞌxjap reheb xban xsahil xchꞌo̱leb chi kꞌek chi cutan.

Isaías 30:28

Nak namusikꞌac li Ka̱cuaꞌ, aꞌan chanchan jun li nimaꞌ li yo̱ chi butꞌi̱nc ut lix chamal nacuulac toj saꞌ xcuxeb li cristian ut naxsach chixjunil. Li Ka̱cuaꞌ tixtzꞌil rix li nequeꞌxba̱nu li xni̱nkal ru tenamit ut tixram xbeheb li yo̱queb chixba̱nunquil li ma̱usilal. Chanchan nak naqꞌueheꞌ li chꞌi̱chꞌ saꞌ re li cacua̱y.