Isaías 17:11 - Li Santil hu

¹¹ Nak nequex-au, nequeril chi us re nak nayoꞌla ut joꞌ cuulaj nequeroybeni nak tixqꞌue li ratzꞌum. Abanan nak ta̱cha̱lk li raylal saꞌ e̱be̱n chixjunil li cꞌaꞌru xerau ta̱sachk.

Q'eqchi Bible

¹¹ Chiru jun kutan xawil chi moqk li awimq, sa' xkab' li kutan xawil chi atz'umak, ab'anan naq taachalq li yajel, taa'tz'umaaq ut q'axal nimaq chik li rahilal taak'ulmanq.

Isaías 17:11 ပူးပေါင်းရင်းမြစ်များ

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Li xHu LAJ JOB 4:8

La̱in ninqꞌue retal nak li ani naxba̱nu ma̱usilal, ma̱usilal ajcuiꞌ naxcꞌul.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Oseas 9:16

Eb li ralal xcꞌajol laj Efraín ra teꞌxcꞌul. Chanchanakeb li cheꞌ li yo̱ chi chakic xxeꞌ. Incꞌaꞌ chic teꞌcua̱nk xcocꞌaleb. Ut cui ta teꞌcua̱nk, la̱in tinmakꞌeb chiruheb, usta kꞌaxal raro xbaneb, chan li Dios.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Salmos 90:6

Chiru li ekꞌela na-atzꞌumac ut rax rax ru. Abanan chiru li ecuu natzꞌumar ut nachakic.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Deuteronomio 28:39

Te̱rau le̱ uvas ut te̱sabesi, abanan incꞌaꞌ te̱rucꞌ li xyaꞌal le̱ uvas, chi moco te̱sicꞌ li ru xban nak eb li motzoꞌ teꞌxcuaꞌ.

Isaías 17:5

Li naꞌajej Israel nayamnac ta̱cana̱k joꞌ jun lix naꞌaj li acui̱mk nak ac xsiqꞌueꞌ li ru. Chanchanak li ru takꞌa re Refaim nak ac sicꞌbil chixjunil li ru li acui̱mk li na-el saꞌ li naꞌajej aꞌan.

Joel 1:17

Li iyaj quikꞌa saꞌ li chꞌochꞌ ut incꞌaꞌ quimok. Ma̱cꞌaꞌ chic cuan saꞌ eb li naꞌajej bar nequeꞌxxoc cuiꞌ ru li acui̱mk. Queꞌxjucꞌ li naꞌajej li naxocman cuiꞌ ru li acui̱mk xban nak incꞌaꞌ chic quixqꞌue ru li trigo.