Isaías 17:10 - Li Santil hu

¹⁰ La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Q'eqchi Bible

¹⁰ Xb'aan naq xatz'eqtaana li Yos, laj kolol aawe, ut xsachk sa' laach'ool naq A'an li nak'ehok aakawilal. Jo'kan naq xawaw eb' li ch'ina'usil awimq rik'in jalanil iyaj li chalenaq sa' ab'l tenamit.

Isaías 17:10 ပူးပေါင်းရင်းမြစ်များ

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Isaías 26:4

Checꞌojobak e̱chꞌo̱l riqꞌuin li Ka̱cuaꞌ xban nak aꞌan laj Colol e̱re chi junelic. Aꞌan chanchan jun li sako̱nac li incꞌaꞌ najala.

Deuteronomio 32:18

Queꞌxtzꞌekta̱na li Ka̱cuaꞌ li quicoloc reheb. Queꞌxtzꞌekta̱na li Ka̱cuaꞌ li quiyoꞌobtesin reheb.

Salmos 106:21

Queꞌsach saꞌ xchꞌo̱leb li Dios li quicoloc reheb. Queꞌxcanab xlokꞌoninquil li Dios li quiba̱nun re li sachba chꞌo̱lej re xcolbaleb nak cuanqueb aran Egipto.

Deuteronomio 32:4

Li Ka̱cuaꞌ, aꞌan li nacoloc ke joꞌ jun li sako̱nac li nequeꞌxcol cuiꞌ ribeb li tenamit. Li Ka̱cuaꞌ, aꞌan kꞌaxal cha̱bil ut ti̱c xchꞌo̱l. Naxba̱nu li ti̱quilal. Li Ka̱cuaꞌ kꞌaxal cha̱bil. Incꞌaꞌ naxba̱nu li incꞌaꞌ us. Junelic ban naxba̱nu li us ut li ti̱quilal.

Oseas 8:14

Xsach saꞌ xchꞌo̱leb laj Israel nak la̱in quiyoꞌobtesin reheb. Yo̱queb chixyi̱banquil lix ni̱nkal ru cab xnaꞌajeb lix dioseb. Ut eb laj Judá queꞌxyi̱b lix ni̱nkal ru tenamit ut queꞌxcauresi re nak cauhakeb rib. Abanan la̱in tintakla chak xam saꞌ xbe̱neb ut ta̱cꞌatekꞌ lix naꞌaj lix dioseb ut teꞌcꞌatekꞌ ajcuiꞌ lix ni̱nkal ru tenamit li xeꞌxyi̱b, chan li Dios.

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Salmos 106:13

Abanan saꞌ junpa̱t queꞌsach saꞌ xchꞌo̱l li usilal li quixba̱nu li Dios reheb. Incꞌaꞌ queꞌxtzꞌa̱ma chiru li Dios nak aꞌan tixqꞌue xnaꞌlebeb.

Salmos 85:4

Choa̱cꞌam cuiꞌchic a̱cuiqꞌuin, at Ka̱cuaꞌ, at aj Colol ke. Ut chie̱lk taxak chi junaj cua la̱ joskꞌil saꞌ kabe̱n.

Deuteronomio 32:31

Eb li xicꞌ nequeꞌiloc reheb nequeꞌxqꞌue retal nak lix jalanil dios moco juntakꞌe̱t ta riqꞌuin lix Dioseb laj Israel.

Salmos 79:9

At Dios, la̱at aj Colol ke. Choa̱tenkꞌa taxak ut choa̱col. Chacuy chasach taxak li kama̱c re nak ta̱qꞌuehekꞌ a̱lokꞌal.

1 Crónicas 16:35

Yehomak, “Choa̱col taxak, at Ka̱cuaꞌ, at kaDios. La̱at laj Colol ke. Choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ kanaꞌaj re nak ta̱ru̱k takaye resil la̱ santil cꞌabaꞌ ut takaqꞌue a̱lokꞌal chi sa saꞌ kachꞌo̱l.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

Deuteronomio 28:30

Usta tzꞌa̱manbilak junak xkaꞌal e̱ban, abanan jalan ta̱cꞌamok re. Texcablak, abanan incꞌaꞌ texcua̱nk saꞌ li cab li te̱yi̱b. Te̱rau le̱ racui̱mk uvas, abanan incꞌaꞌ te̱yal xsahil li ru li tixqꞌue.

Deuteronomio 8:19

Abanan cui la̱ex ta̱sachk saꞌ e̱chꞌo̱l li Ka̱cuaꞌ le̱ Dios ut cui te̱cuikꞌib e̱rib chiruheb li jalanil dios re xlokꞌoninquileb, la̱in ninye e̱re nak relic chi ya̱l ta̱sachekꞌ e̱ru.

Deuteronomio 8:14

Nak acak xtam li cꞌaꞌru e̱re, incꞌaꞌ taxak te̱nimobresi e̱rib. Ut incꞌaꞌ taxak ta̱sachk saꞌ e̱chꞌo̱l nak li Ka̱cuaꞌ le̱ Dios, aꞌan li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Deuteronomio 8:11

Cheqꞌuehak retal chi us re nak incꞌaꞌ te̱canab xpa̱banquil li Ka̱cuaꞌ le̱ Dios. Junelic te̱ba̱nu li chakꞌrab li quixqꞌue e̱re. Cheba̱nuhak le̱ taklanquil li quixqꞌue. Junelic taxak te̱ba̱nu chixjunil li yo̱quin chixyebal e̱re anakcuan.

Deuteronomio 6:12

Nak sa cua̱nkex, incꞌaꞌ taxak ta̱sachk saꞌ e̱chꞌo̱l li Ka̱cuaꞌ le̱ Dios, li qui-isin chak e̱re Egipto, li quexcuan cuiꞌ chak chokꞌ rahobtesinbil mo̱s.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Levítico 26:16

la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Habacuc 3:18

Usta chixjunil li cꞌaꞌak re ru aꞌin ma̱cꞌaꞌak chic, abanan la̱in ta̱sahokꞌ saꞌ inchꞌo̱l riqꞌuin li Ka̱cuaꞌ laj Colol cue.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Salmos 65:5

At kaDios, at aj Colol ke, riqꞌuin xni̱nkal ru usilal nacasume li cꞌaꞌru nakatzꞌa̱ma a̱cue, ut nacaqꞌue ke saꞌ ti̱quilal. Li cuanqueb saꞌ chixjunil li ruchichꞌochꞌ, junes a̱cuiqꞌuin nequeꞌyoꞌonin joꞌqueb ajcuiꞌ li cuanqueb toj jun pacꞌal li ni̱nki palau.

Salmos 31:2

Chacuabi taxak li nintzꞌa̱ma cha̱cuu ut chase̱ba taxak a̱cuib chincolbal. La̱at taxak joꞌ jun li sako̱nac bar naru tincol cuiꞌ cuib.

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Salmos 9:17

Chixjunileb li incꞌaꞌ useb xnaꞌleb teꞌtakla̱k saꞌ xbalba xban nak nequeꞌxtzꞌekta̱na li Dios.

Isaías 17:9

Saꞌ eb li cutan aꞌan, eb li tenamit li cauresinbileb chi us re xcolbaleb rib teꞌtzꞌekta̱na̱k joꞌ eb li tenamit li queꞌsacheꞌ nak xeꞌe̱lelic chiruheb laj Israel. Chanchanakeb chic li ru li cheꞌ li xcanaba̱c toj saꞌ ruꞌuj. Eb li tenamit teꞌcanaba̱k chi ma̱cꞌaꞌ chic cuan chi saꞌ.

Isaías 18:5

Nak tojeꞌ xtꞌaneꞌ li ratzꞌum li uvas ut toj yo̱queb chi kꞌanocꞌ li ru nak toj ma̱jiꞌ nequeꞌxsicꞌ li ru, ta̱cha̱lk junak ut tixyoqꞌui li rukꞌ li uvas. Joꞌcan ajcuiꞌ ta̱uxk e̱re la̱ex aj Etiopía. Eb li xicꞌ nequeꞌiloc e̱re teꞌcha̱lk ut teꞌxsach e̱ru.

Isaías 25:4

La̱at xatenkꞌaheb li nebaꞌ. Xatenkꞌaheb li tenkꞌa̱c nequeꞌraj. Xacoleb chiruheb li joskꞌ aj cristian li nequeꞌrahobtesin reheb. Chanchan nak xacoleb chiru li ca̱k-sut-ikꞌ ut chiru xtikcual li sakꞌe.

Isaías 30:29

Abanan la̱ex, lix tenamit li Dios, texbicha̱nk xban xsahil e̱chꞌo̱l joꞌ nequeba̱nu saꞌ li kꞌojyi̱n nak yo̱quex chixninkꞌeinquil li pascua. Ta̱sahokꞌ saꞌ e̱chꞌo̱l joꞌ nak eb li tenamit yo̱queb chixchꞌeꞌbal lix xo̱lb nak nequeꞌxic saꞌ lix tzu̱l li Ka̱cuaꞌ laj Colol reheb laj Israel.

Isaías 33:2

At Ka̱cuaꞌ, chacuuxta̱na taxak ku. La̱at li kayoꞌon. Chaqꞌue taxak xcacuil li kok kukꞌ chi cuulaj cuulaj. Ut choa̱col nak yo̱ko chixcꞌulbal li raylal.

Isaías 44:8

Ex intenamit, mexxucuac. La̱ex nequenau nak chalen chak junxil la̱in quinchꞌolob xya̱lal cꞌaꞌru ta̱cꞌulma̱nk. ¿Ma cuan ta biꞌ junak chic Dios chicuu la̱in? La̱ex nequenau nak ma̱cꞌaꞌ chic junak dios chicuu la̱in. Caꞌaj cuiꞌ la̱in.—

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Jeremías 3:21

Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Ezequiel 23:35

Joꞌcaꞌin naxye li nimajcual Dios: —Xban nak quine̱tzꞌekta̱na ut incꞌaꞌ chic niquine̱cꞌoxla, joꞌcan nak texinqꞌue chixtojbal le̱ ma̱c ut li ma̱usilal li xeba̱nu.—

Joel 1:17

Li iyaj quikꞌa saꞌ li chꞌochꞌ ut incꞌaꞌ quimok. Ma̱cꞌaꞌ chic cuan saꞌ eb li naꞌajej bar nequeꞌxxoc cuiꞌ ru li acui̱mk. Queꞌxjucꞌ li naꞌajej li naxocman cuiꞌ ru li acui̱mk xban nak incꞌaꞌ chic quixqꞌue ru li trigo.

Ezequiel 22:12

Cuanqueb cui̱nk nequeꞌtumina̱c ru re teꞌxcamsi ras ri̱tzꞌin. Cuanqueb li nequeꞌxpatzꞌ nabal li ral li tumin li nequeꞌxqꞌue chi toꞌ. Cuanqueb li nequeꞌxsicꞌ lix biomaleb riqꞌuin xmakꞌbal xtumineb li ras ri̱tzꞌin. Incꞌaꞌ chic niquineꞌxcꞌoxla la̱in. La̱in li Ka̱cuaꞌ Dios ninyehoc re aꞌin.