Isaías 17:1 - Li Santil hu

¹ Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Q'eqchi Bible

¹ Xyehom li Qaawa' chirix Damaask: “Damaask moko tenamitaq ta chik, xb'aan naq tkanaaq chi tub'tuukil pek.

Isaías 17:1 ပူးပေါင်းရင်းမြစ်များ

Zacarías 9:1

Li Ka̱cuaꞌ quixye re laj Zacarías li raylal li teꞌxcꞌul li tenamit Hadrac ut li tenamit Damasco. Li Ka̱cuaꞌ naxnau cꞌaꞌru nequeꞌxba̱nu chixjunileb laj Israel ut naxnau ajcuiꞌ cꞌaꞌru nequeꞌxba̱nu li jalan tenamit.

Isaías 25:2

Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Hechos 9:2

Ut quixtzꞌa̱ma lix hu chiru re tixkꞌaxtesi saꞌ eb li cab li nequeꞌxchꞌutub cuiꞌ ribeb laj judío aran Damasco re ta̱ru̱k tixchapeb laj pa̱banel li tixtau aran, joꞌ cui̱nk joꞌ ixk. Tixchapeb ut tixcꞌameb chi pre̱xil Jerusalén.

Miqueas 1:6

Joꞌcan nak quixye li Ka̱cuaꞌ: —La̱in tinsach ru chixjunil li cꞌaꞌru cuan reheb laj Samaria ut tincanab li naꞌajej aꞌan chokꞌ xnaꞌaj li acui̱mk uvas. Tinjucꞌ li tzꞌac li sutsu cuiꞌ li tenamit joꞌqueb ajcuiꞌ li rochocheb ut li pec li ta̱e̱lk saꞌ li cimiento tincuteb saꞌ takꞌa.

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.

Isaías 7:8

Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

Génesis 14:15

Chiru kꞌojyi̱n laj Abram queꞌco̱eb chi ma̱cꞌaꞌ resileb chixcolbal laj Lot. Ma̱cꞌaꞌ saꞌ xchꞌo̱leb li queꞌelkꞌan re laj Lot nak queꞌcuulac laj Abram. Nak queꞌril, xaka̱mileb laj Abram chiruheb. Queꞌxtiquib pletic ut li queꞌcꞌamoc re laj Lot ticto queꞌe̱lelic. Laj Abram quira̱linaheb toj saꞌ li tenamit Hoba. Li tenamit aꞌan cuan jun pacꞌal li tenamit Damasco.

Miqueas 3:12

Joꞌcan utan xban li ma̱usilal li yo̱quex chixba̱nunquil, li naꞌajej Sión ta̱becma̱nk chokꞌ xnaꞌaj li acui̱mk. E̱ma̱c la̱ex nak ta̱juqꞌuekꞌ li ni̱nki cab li cuanqueb Jerusalén. Ut li tzu̱l li cuan cuiꞌ li templo ta̱cana̱k joꞌ li tzu̱l qꞌuicheꞌ ru.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Isaías 19:1

Aꞌan aꞌin li resil li cꞌaꞌru tixcꞌul li tenamit Egipto. Li Ka̱cuaꞌ ta̱cha̱lk Egipto saꞌ junpa̱t saꞌ jun li chok. Li Dios tixqꞌueheb chi ecꞌa̱nc saꞌ xnaꞌajeb lix dioseb laj Egipto. Cꞌajoꞌ nak ta̱oc xxiuheb laj Egipto.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

2 Crónicas 28:23

Quixqꞌue xmayej chiruheb lix dioseb laj Damasco li queꞌnumta saꞌ xbe̱neb laj Judá. Ut quixye: —Eb lix reyeb laj Siria queꞌtenkꞌa̱c xbaneb lix dioseb. Joꞌcan nak la̱in tinmayejak chiruheb re nak tineꞌxtenkꞌa ajcuiꞌ la̱in, chan. Abanan xban li ma̱c aꞌan li quixba̱nu laj Acaz, joꞌcan nak qui-isi̱c xcuanquil ut qui-isi̱c ajcuiꞌ xcuanquil chixjunileb laj Judá.

2 Crónicas 28:5

Joꞌcan nak li Ka̱cuaꞌ Dios quixkꞌaxtesi li rey Acaz saꞌ rukꞌ lix reyeb laj Siria. Eb laj Siria queꞌnumta saꞌ xbe̱neb laj Judá ut queꞌxchap nabaleb ut queꞌxcꞌam chi pre̱xil toj Damasco. Ut quitꞌaneꞌ ajcuiꞌ li rey Acaz saꞌ rukꞌ lix reyeb laj Israel ut nabaleb li queꞌcamsi̱c xban.

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

1 Crónicas 18:5

Eb laj Siria li cuanqueb Damasco queꞌchal chixtenkꞌanquil laj Hadad-ezer lix reyeb laj Soba. Abanan laj David quinumta saꞌ xbe̱neb laj Siria ut quixcamsiheb cuib xcaꞌcꞌa̱l mil (22,000) chi cui̱nk.

1 Reyes 11:24

Laj Rezón, aꞌan li nacꞌamoc be chiruheb jun chꞌu̱tal li cui̱nk incꞌaꞌ useb xnaꞌleb. (Aꞌin quicꞌulman junxil nak laj David ac xsach ruheb li tenamit Soba.) Laj Rezón ut eb li rochben queꞌco̱eb chi cua̱nc aran Damasco. Ut laj Rezón qui-oc chokꞌ xreyeb laj Damasco, li cuan saꞌ xcue̱nt Siria.

Deuteronomio 13:16

Te̱chꞌutub saꞌ xyi li tenamit chixjunil li cꞌaꞌak re ru cuan saꞌ li tenamit aꞌan ut te̱cꞌat chixjunil li tenamit joꞌ ajcuiꞌ li cꞌaꞌru cuan chi saꞌ chokꞌ cꞌatbil mayej chiru li Ka̱cuaꞌ le̱ Dios. Ut poꞌbilak chic li tenamit aꞌan chi junaj cua. Incꞌaꞌ chic ta̱yi̱ba̱k.

Isaías 7:16

Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.