Isaías 16:6 - Li Santil hu

⁶ Eb laj Judá nequeꞌxye: —La̱o nakabi resil nak kꞌaxal kꞌetkꞌeteb laj Moab. Nequeꞌxnimobresi ribeb ut nequeꞌxkꞌetkꞌeti ribeb. Abanan ma̱cꞌaꞌ rajbal nak nequeꞌxnimobresi ribeb, chanqueb.

Q'eqchi Bible

⁶ Ak qab'ihom resil li xq'etq'etil eb' laj Mohab: q'etq'eteb', josq' aj winqeb' ut neke'xnimob'resi li xwankileb' chi maak'a' rajb'al.

Isaías 16:6 ပူးပေါင်းရင်းမြစ်များ

Amós 2:1

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Moab. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxcꞌat lix bakel lix reyeb laj Edom toj retal quichair.

Jeremías 48:42

Li nimla tenamit Moab ta̱sachekꞌ ru xban nak queꞌxkꞌetkꞌeti ribeb chiru li Ka̱cuaꞌ.

Jeremías 48:26

Qꞌuehomakeb laj Moab chi cala̱c xban nak xeꞌxnimobresi ribeb chiru li Ka̱cuaꞌ. Qꞌuehomakeb laj Moab chixtolcꞌosinquil ribeb saꞌ lix xaꞌauheb. Qꞌuehomakeb laj Moab chi hobecꞌ.

Jeremías 50:36

Ta̱cha̱lk li ple̱t saꞌ xbe̱neb laj kꞌe ut teꞌsachk xnaꞌlebeb. Ta̱cha̱lk li ple̱t saꞌ xbe̱neb li cauheb rib ut teꞌxucuak.

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.

Isaías 28:18

Ta̱sachekꞌ xcuanquil li contrato li queba̱nu riqꞌuin li ca̱mc joꞌ ajcuiꞌ li contrato li queba̱nu riqꞌuin lix naꞌajeb li camenak. Kꞌaxal ra te̱cꞌul nak ta̱cha̱lk li raylal saꞌ e̱be̱n.

Isaías 28:15

La̱ex nequeye: —La̱o xkaba̱nu jun li contrato riqꞌuin li ca̱mc ut riqꞌuin lix naꞌajeb li camenak. La̱o incꞌaꞌ takacꞌul li raylal saꞌ eb li cutan nak nachal. Xkacꞌojob kachꞌo̱l riqꞌuin li balakꞌi̱nc ut li ticꞌtiꞌic, chanquex.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

1 Pedro 5:5

Ut anakcuan, ex herma̱n, tinye cuib oxibak a̱tin e̱re la̱ex li toj sa̱jex. Chex-abi̱nk chiruheb li nequeꞌcꞌamoc be saꞌ e̱ya̱nk. Me̱nimobresi e̱rib che̱ribil e̱rib. Chetenkꞌa ban e̱rib che̱ribil e̱rib che̱junilex joꞌ tzꞌi̱banbil saꞌ li Santil Hu: Li Dios naxtzꞌekta̱naheb li kꞌetkꞌeteb ut naxba̱nu usilal reheb li nequeꞌxcubsi ribeb. (Prov. 3:34)

Proverbios 21:24

Kꞌetkꞌet ut aj hobonel nayeheꞌ reheb li ani nequeꞌxnimobresi rib, li incꞌaꞌ nequeꞌra̱tina ras ri̱tzꞌin saꞌ xya̱lal.

Isaías 25:11

Teꞌxyeꞌ li rukꞌeb re xba̱nunquil li cꞌaꞌru nequeꞌraj joꞌ nequeꞌxba̱nu li nequeꞌnumxic. Abanan incꞌaꞌ teꞌru̱k xban nak li Dios tixcubsi xcuanquileb.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Jeremías 48:14

La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?