Isaías 16:11 - Li Santil hu

¹¹ Narahoꞌ inchꞌo̱l xban li raylal li queꞌxcꞌul laj Moab. Nayotꞌeꞌ inchꞌo̱l xban li raylal li queꞌxcꞌul laj Kir-hareset.

Q'eqchi Bible

¹¹ Jo'kan naq nachiq'lok xsa' linsa' xb'aan Mohab ut nayot'e'k li waanm chirix Kir-Jaréset.

Isaías 16:11 ပူးပေါင်းရင်းမြစ်များ

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Filipenses 2:1

Anakcuan nacuaj xpatzꞌbal e̱re: ¿Ma cuan xya̱lal chokꞌ e̱re la̱ex nak xepa̱b li Cristo? ¿Ma cꞌojcꞌo e̱chꞌo̱l xban nak raro̱quex xban li Cristo? ¿Ma junaj ru le̱ chꞌo̱l che̱junilex xban li Santil Musikꞌej li cuan e̱riqꞌuin? ¿Ma nequera e̱rib chi ribil e̱rib? ¿Ma nequeruxta̱na e̱ru chi ribil e̱rib?

Oseas 11:8

¿Chanru nak texincanab e̱junes, la̱ex ralal xcꞌajol laj Efraín? ¿Chanru nak texinkꞌaxtesi saꞌ rukꞌeb li xicꞌ nequeꞌiloc e̱re, la̱ex aj Israel? ¿Ma ta̱ru̱k ta biꞌ texinsach joꞌ xinba̱nu riqꞌuineb laj Adma ut riqꞌuineb laj Zeboim? La̱in cꞌajoꞌ nak nequexinra. Joꞌcan nak nayotꞌeꞌ inchꞌo̱l e̱ban.

Jeremías 48:36

Nayotꞌeꞌ inchꞌo̱l chirixeb li cuanqueb Moab ut chirixeb li cuanqueb Kir-hares. Lix rahil inchꞌo̱l, aꞌan chanchan nak nachꞌeꞌman jun li bich saꞌ li xo̱lb re rahil chꞌo̱lejil xban nak ma̱cꞌaꞌ chic xbiomaleb laj Moab.

Isaías 63:15

At Ka̱cuaꞌ, li cuancat saꞌ li santil choxa, qꞌue chak retal li cꞌaꞌru yo̱co chixcꞌulbal toj saꞌ li lokꞌlaj naꞌajej li cuancat cuiꞌ. ¿Ma incꞌaꞌ narahoꞌ a̱chꞌo̱l chikilbal? ¿Cꞌaꞌut nak incꞌaꞌ nacaqꞌue a̱chꞌo̱l chikatenkꞌanquil riqꞌuin la̱ cuanquil? ¿Ma incꞌaꞌ ta̱ru̱k ta̱cuuxta̱na ku?

Jeremías 31:20

Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Jeremías 48:31

Joꞌcan nak la̱in tinya̱bak chirixeb laj Moab. Chirixeb chixjunileb tinya̱bak. Nayotꞌeꞌ inchꞌo̱l chirixeb li cuanqueb saꞌ li tenamit Kir-hares.

Lamentaciones 1:20

At Ka̱cuaꞌ, at kaDios, chaqꞌue taxak retal li raylal li yo̱co chixcꞌulbal. Ta̱qꞌue taxak retal lix rahil li kachꞌo̱l. Cꞌajoꞌ nak nayotꞌeꞌ li kachꞌo̱l xban li ma̱c xkaba̱nu. Saꞌ eb li be yo̱queb chi camsi̱c li kalal kacꞌajol ut yo̱queb ajcuiꞌ chi ca̱mc saꞌ li kochoch.