Isaías 16:10 - Li Santil hu

¹⁰ Incꞌaꞌ chic teꞌsahokꞌ saꞌ xchꞌo̱leb nak yo̱keb chixsicꞌbal ru li racui̱mkeb. Ma̱ ani chic ta̱bicha̱nk saꞌ xnaꞌajeb li uvas. Ma̱ ani chic ta̱yatzꞌok uvas saꞌ li yatzꞌleb. Ma̱ ani chic na-ecꞌan xban nak la̱in xcuisi lix sahil xchꞌo̱leb.

Q'eqchi Bible

¹⁰ Ink'a' chik taawanq li sahil ch'oolejil ut li b'ichank sa' xna'ajeb' li awimq; maak'a'aq chik li japok e xb'aan li ninq'ehik. Ink'a' chik taayatz'e'q li uub' re naq wanq b'iin ut maajun chik b'ich taa'ab'imanq aran.

Isaías 16:10 ပူးပေါင်းရင်းမြစ်များ

Jeremías 48:33

Ma̱cꞌaꞌak chic li sahil chꞌo̱lej saꞌ li xnaꞌaj li acui̱mk ut saꞌ li cꞌaleba̱l li cuanqueb Moab. Incꞌaꞌ chic ta̱yatzꞌma̱nk ru li uvas. Ma̱ ani chic tixyatzꞌ li uvas chi sa saꞌ xchꞌo̱leb. Nequeꞌxjap reheb, abanan ma̱cuaꞌ xban xsahil xchꞌo̱leb. Nequeꞌxjap ban reheb xban xrahileb xchꞌo̱l.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.

Amós 5:11

Querahobtesiheb li nebaꞌ ut querelkꞌa li ruheb lix trigo. Joꞌcan nak incꞌaꞌ texcua̱nk saꞌ le̱ rochoch li xeyi̱b chi cha̱bil riqꞌuin pec. Ut incꞌaꞌ chic te̱rucꞌ li vino yi̱banbil riqꞌuin li ru li cha̱bil uvas li xerau.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.

Isaías 32:10

Anakcuan ma̱cꞌaꞌ e̱cꞌaꞌux. Abanan saꞌ li chihab jun chic cꞌajoꞌ nak texxucuak xban nak ma̱cꞌaꞌak ru le̱ racui̱mk. Ut incꞌaꞌ chic te̱sicꞌ ru li uvas.

Li xHu LAJ JOB 24:11

Yo̱queb chixyatzꞌbal li aceite oliva saꞌ li molino ut yo̱queb chixyatzꞌbal li uvas. Teꞌchakik reheb, abanan ma̱ ani naqꞌuehoc bayak rucꞌaheb.

Isaías 24:11

Japjo̱queb re saꞌ eb li be xban nak ma̱cꞌaꞌ chic li vino. Li sahil chꞌo̱lejil quixsukꞌisi rib chokꞌ rahil chꞌo̱lejil. Ma̱ bar chic natauman li sahil chꞌo̱lej.

Joel 1:12

Xchakic lix cheꞌel li uvas. Ma̱cꞌaꞌ chic lix cheꞌel li higo. Xchakic lix cheꞌel li granado ut li calaꞌ joꞌqueb ajcuiꞌ lix cheꞌel li manzana. Chixjunileb li cheꞌ xelajeꞌchakic saꞌ li cꞌaleba̱l. Xban aꞌan nak li tenamit junelic ra saꞌ xchꞌo̱l.

Amós 9:13

Li Ka̱cuaꞌ naxye chi joꞌcaꞌin: —Ta̱cuulak xkꞌehil nak li acui̱mk tixqꞌue chi nabal li ru. Ma̱jiꞌak ajcuiꞌ nequeꞌrakeꞌ chi kꞌoloc nak teꞌoc cuiꞌchic chi a̱uc. Ut toj ma̱jiꞌak ajcuiꞌ nequeꞌrakeꞌ chixyatzꞌbal li ru li uvas nak teꞌoc cuiꞌchic chi a̱uc. Ut li uvas li cuanqueb yalak bar saꞌ eb li tzu̱l teꞌu̱chi̱nk chi us ut nabal li xyaꞌal ta̱e̱lk.

Ezequiel 7:7

Xchal le̱ rosoꞌjic la̱ex li cuanquex saꞌ li naꞌajej aꞌin. Xcuulac xkꞌehil nak incꞌaꞌ chic texninkꞌei̱k saꞌ eb li tzu̱l. Incꞌaꞌ chic sahak saꞌ e̱chꞌo̱l. Junes saꞌ rahil chꞌo̱lejil chic cua̱nkex.