Isaías 15:5 - Li Santil hu

⁵ La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Q'eqchi Bible

⁵ Naraho'k linch'ool chirix Mohab; eb' li wankeb' aran xkoheb' eelel toj Sohar, Eklat-Selisiyá. Naq yookeb' chi taqsink Luhit, k'ajo'eb' li xyaab', neke'ruk' wi' li xya'al ruheb' naq yookeb' chi xik Joronáhin.

Isaías 15:5 ပူးပေါင်းရင်းမြစ်များ

Jeremías 48:5

Eb li yo̱keb chi taksi̱nc saꞌ li tzu̱l Luhit yo̱keb chi ya̱bac xban li raylal li yo̱keb chixcꞌulbal. Ut eb li yo̱keb chi cubsi̱nc Horonaim, aꞌaneb li xicꞌ nequeꞌiloc reheb ut teꞌrabi nak yo̱keb chi ya̱bac.

Jeremías 4:20

Tojeꞌ ajcuiꞌ xkacꞌul jun li raylal ut xchal jun chic saꞌ kabe̱n. Xsacheꞌ ru chixjunil li kanaꞌaj. Saꞌ junpa̱t xeꞌsacheꞌ ruheb li kamuheba̱l. Ut eb li tꞌicr xeꞌpejeꞌ.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 9:10

Laj Jeremías quixye: —La̱in tinya̱bak chirix li cꞌaꞌru quixcꞌul li tzu̱l ut li pachꞌayaꞌ. Xeꞌcana chi ma̱cꞌaꞌ chic cuan chiru ut ma̱ ani chic nanumeꞌ aran. Incꞌaꞌ chic nequeꞌabi̱c chi ya̱bac li cuacax. Queꞌe̱lelic li xul li nequeꞌrupupic chiru choxa. Ut queꞌe̱lelic ajcuiꞌ chixjunileb li joskꞌ aj xul, chan.

Isaías 22:5

Li Ka̱cuaꞌ li nimajcual Dios ac quixye nak ta̱cuulak xkꞌehil nak che̱junilex texxucuak ut kꞌaxal ra te̱cꞌul. Telajeꞌxsach e̱naꞌleb saꞌ li ru takꞌa li nacꞌuteꞌ cuiꞌ li visión. Telajeꞌtꞌanekꞌ li tzꞌac li sutsu cuiꞌ li tenamit ut le̱ ya̱b ta̱abi̱k toj saꞌ eb li tzu̱l.

Isaías 16:14

Abanan anakcuan li Ka̱cuaꞌ xye: —Eb laj Moab oxib chihab aj chic teꞌcua̱nk. Bisbil aj chic lix cutaneb joꞌ nak nabiseꞌ rix lix cutan junak li mo̱s. Ta̱isi̱k xcuanquileb laj Moab. Usta kꞌaxal nabaleb, abanan moco nabaleb ta chic li teꞌcolekꞌ ut moco cauhak ta chic ribeb.—

2 Samuel 15:30

Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

2 Samuel 15:23

Chixjunileb li tenamit li yo̱queb chi iloc re queꞌya̱bac chi cau nak co̱ li rey David rochbeneb li cristian li yo̱queb chi ochbeni̱nc re. Chixjunileb queꞌnumeꞌ jun pacꞌal li haꞌ Cedrón, ut li rey quinumeꞌ ajcuiꞌ. Eb li tenamit queꞌco̱eb chi ubej nak yo̱queb chi xic saꞌ li chaki chꞌochꞌ.

Génesis 19:22

Se̱ba a̱cuib. Ayu saꞌ junpa̱t. La̱in ma̱cꞌaꞌ naru tinba̱nu cui ma̱jiꞌ nequexcuulac aran, chan. Joꞌcan nak li tenamit aꞌan queꞌxqꞌue Zoar chokꞌ xcꞌabaꞌ.

Génesis 14:2

Eb li ca̱hib chi rey aꞌin queꞌxpleti ribeb riqꞌuineb o̱b chic li rey. Eb li rey o̱b chic, aꞌaneb aꞌin: laj Bera, aꞌan lix reyeb li tenamit Sodoma; laj Birsa, aꞌan lix reyeb li tenamit Gomorra; laj Sinab, aꞌan lix reyeb li tenamit Adma; laj Semeber, aꞌan lix reyeb li tenamit Zeboim; ut li rey jun chic, aꞌan lix reyeb li tenamit Bela, li nayeman ajcuiꞌ Zoar re.

Génesis 13:10

Laj Lot quiril nak cꞌajoꞌ xchꞌinaꞌusal li ru takꞌa cuan chire li nimaꞌ Jordán. Li naꞌajej aꞌan cha̱bil ut nim. Nacuulac toj cuan cuiꞌ li tenamit Zoar. Ut quiril nak cuan li haꞌ chokꞌ re li acui̱mk. Chanchan li naꞌajej Egipto li queꞌel cuiꞌ chak. Aꞌan quicꞌulman nak li Dios toj ma̱jiꞌ naxsach li tenamit Sodoma ut Gomorra.

Números 21:29

Raylal xchal saꞌ e̱be̱n la̱ex aj Moab. Xsacheꞌ e̱ru la̱ex lix tenamit li yi̱banbil dios Quemos. Quichapeꞌ le̱ tenamit. Eb le̱ ralal queꞌe̱lelic ut eb le̱ rabin queꞌcꞌameꞌ chi pre̱xil xban laj Sehón lix reyeb laj amorreo.

Isaías 59:7

La̱ex nequex-a̱linac chixba̱nunquil li ma̱usilal. Saꞌ junpa̱t nequecamsiheb li ma̱cꞌaꞌeb xma̱c. Junes ma̱usilal nequecꞌoxla ut junes sachoc nequeba̱nu.

Jeremías 4:19

Kꞌaxal ra cuanquin. Incꞌaꞌ chic nincuy. Cau na-ecꞌan li cua̱m. Chanchan e̱lc re saꞌ xnaꞌaj. Incꞌaꞌ naru tincana̱k chi incꞌaꞌ tina̱tinak xban nak yo̱quin chirabinquil xya̱b li trompetas retalil nak ticla̱c re li ple̱t.

Jeremías 48:3

Eb li cuanqueb Horonaim japjo̱keb re xban nak junes raylal ut sachecꞌ yo̱keb chixcꞌulbal.

Jeremías 50:46

Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.