Isaías 15:4 - Li Santil hu

⁴ Eb li cuanqueb Hesbón ut Eleale teꞌxjap reheb. Ut ta̱abi̱k lix ya̱beb toj saꞌ li tenamit Jahaza. Joꞌcan nak teꞌxucuak li soldado li cuanqueb Moab ut teꞌchꞌina̱nk xchꞌo̱leb.

Q'eqchi Bible

⁴ Japjookeb' re laj Jesbón ut eb' laj Elalé: li xyaab' xkuxeb' na'ab'imank toj Yahás. Eb' laj puub' re Mohab neke'siksotk ajwi' xb'aaneb' xxiw ut natentotk li raanmeb'.

Isaías 15:4 ပူးပေါင်းရင်းမြစ်များ

Jeremías 48:34

Eb li cuanqueb Hesbón yo̱queb chi ya̱bac ut lix ya̱beb nacuulac toj Eleale ut Jahaza. Lix ya̱beb na-abi̱c toj Zoar ut Horonaim ut Eglat-selisiya xban nak queꞌchakic li yuꞌam haꞌ li cuanqueb Nimrim.

Apocalipsis 9:6

Saꞌ eb li cutan aꞌan, eb li cristian teꞌxsicꞌ raj xcamiqueb xban li raylal yo̱keb chixcꞌulbal. Teꞌxra raj ru ca̱mc, abanan incꞌaꞌ teꞌca̱mk.

Jonás 4:8

Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan.

Jonás 4:3

Joꞌcan nak nintzꞌa̱ma cha̱cuu, at Ka̱cuaꞌ, china̱cuisi saꞌ ruchichꞌochꞌ xban nak kꞌaxal us chokꞌ cue li ca̱mc chiru nak yoꞌyo̱kin, chan laj Jonás.

Jeremías 20:18

¿Cꞌaꞌut nak quinyoꞌla? ¿Ma caꞌaj cuiꞌ re trabajic ut cꞌuluc raylal? ¿Ma caꞌaj cuiꞌ re cꞌuluc xuta̱n nak quinyoꞌla? chan laj Jeremías.

Jeremías 8:3

Ut li joꞌ qꞌuial chic li teꞌcana̱k chi yoꞌyo reheb lin tenamit li incꞌaꞌ useb xnaꞌleb tinjeqꞌuiheb ru yalak bar. Chokꞌ reheb aꞌan kꞌaxal us li ca̱mc chiru li cua̱nc saꞌ jalanil tenamit.

1 Reyes 19:4

Ut laj Elías co̱ xjunes saꞌ li chaki chꞌochꞌ. Jun cutan quibe̱c. Nak yo̱ chi ecuu̱c, qui-oc chi hila̱nc rubel jun to̱n li cheꞌ enebro xcꞌabaꞌ. Quiraj raj ca̱mc ut xban xrahil xchꞌo̱l quixye re li Dios: —At Ka̱cuaꞌ, tzꞌakal li raylal ac xincꞌul. Us raj cui tina̱qꞌue chi ca̱mc. La̱in moco kꞌaxal cha̱bilin ta chiruheb lin xeꞌto̱nil yucuaꞌ, chan.

Jueces 11:20

Abanan laj Sehón incꞌaꞌ cꞌojcꞌo xchꞌo̱l riqꞌuineb laj Israel. Joꞌcan nak incꞌaꞌ quixcanabeb chi numecꞌ saꞌ lix naꞌajeb. Quixchꞌutubeb ban lix soldado ut queꞌxyi̱b lix muheba̱leb aran Jahaza ut queꞌxtiquib pletic riqꞌuineb laj Israel.

Josué 13:18

Jahaza, Cademot, Mefaat,

Deuteronomio 2:32

Ut laj Sehón rochbeneb chixjunileb lix soldado queꞌchal chikacꞌulbal ut queꞌpletic kiqꞌuin saꞌ li tenamit Jahaza.

Números 21:23

Abanan li rey Sehón incꞌaꞌ quixcanabeb laj Israel chi numecꞌ saꞌ lix naꞌaj. Quixchꞌutubeb ban chixjunileb lix soldado ut queꞌco̱eb chixcꞌulbaleb laj Israel saꞌ li chaki chꞌochꞌ. Nak queꞌcuulac Jahaza queꞌxtiquib pletic riqꞌuineb.

Números 11:15

Cui la̱at yo̱cat chixba̱nunquil cue chi joꞌcaꞌin, kꞌaxal us cui ta̱cuisi lin yuꞌam cui ya̱l nak niquina̱ra, re nak incꞌaꞌ chic yo̱kin chi cꞌuluc nabal raylal, chan laj Moisés.

Génesis 27:46

Joꞌcan nak lix Rebeca co̱ chi a̱tinac riqꞌuin laj Isaac ut quixye re: —La̱in xintitzꞌ xbaneb li rixakil laj Esaú. Eb aꞌan aj hitita. Cui laj Jacob naxcꞌam junak li ixk aj hitita chokꞌ rixakil, ¿cꞌaꞌru aj e nak cua̱nkin arin? Us raj nak tinca̱mk, chan lix Rebeca re laj Isaac.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

Jeremías 48:21

Xcuulac xkꞌehil nak ta̱rakekꞌ a̱tin saꞌ xbe̱neb li cuanqueb saꞌ li ru takꞌa. Ta̱rakekꞌ a̱tin saꞌ xbe̱neb li cuanqueb Holón, Jahaza, ut Mefaat.