Isaías 15:2 - Li Santil hu

² Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Q'eqchi Bible

² Eb' li wankeb' Dibón xkoheb' chi yaab'ak sa' li tijob'aal wank chi tzuul; ut eb' laj Mohab xyot'e'k xch'ooleb' xb'aan li nimla rahilal li xe'xk'ul li tenamit Nebo ut Mádaba. Chixjunileb' xe'xjo li rismal xjolomeb' ut li xmacheb'.

Isaías 15:2 ပူးပေါင်းရင်းမြစ်များ

Jeremías 48:1

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel, chirixeb laj Moab: —Raylal ta̱cha̱lk saꞌ xbe̱neb laj Nebo xban nak ta̱sachekꞌ ruheb. Quiriataim ta̱chapekꞌ ut ta̱cꞌutekꞌ xxuta̱n. Ta̱chapekꞌ ut ta̱sachekꞌ ru li tenamit Misgab.

Levítico 21:5

Laj tij incꞌaꞌ tixbes li rismal xjolom chixcꞌatk lix xic, chi moco tixset ruꞌuj lix mach, chi moco tixset lix tibel xban xrahil xchꞌo̱l.

Jeremías 48:18

La̱ex li cuanquex saꞌ li tenamit Dibón, cubsihomak e̱rib ut chunlankex saꞌ li poks xban nak cha̱lc re laj sachonel, li yo̱ chak chi pletic riqꞌuineb laj Moab ut yo̱ chixjuqꞌuinquil li cab li nequeꞌxcol cuiꞌ ribeb.

Isaías 3:24

Chokꞌ re̱kaj li sununquil ban ta̱cua̱nk xchuhil li camenak. Chokꞌ re̱kaj lix cꞌa̱mal xsaꞌ ta̱cua̱nk li cꞌa̱m. Chokꞌ re̱kaj li rismal jolom yi̱banbil chi cha̱bil, tꞌuruꞌak saꞌ lix jolomeb. Chokꞌ re̱kaj li cha̱bil akꞌej teꞌxqꞌue li kꞌes ru tꞌicr. Chokꞌ re̱kaj lix chꞌinaꞌusaleb, cꞌatalak lix tibeleb.

Deuteronomio 34:1

Laj Moisés qui-el saꞌ li ru takꞌa aran Moab ut quitakeꞌ chiru li tzu̱l Nebo ut co̱ saꞌ xbe̱n li tzu̱l Pisga li cuan saꞌ xcaꞌyaba̱l li tenamit Jericó. Ut li Ka̱cuaꞌ quixcꞌut chiru chixjunil li nimla naꞌajej li cuan Galaad toj saꞌ li naꞌajej li teꞌre̱chani li ralal xcꞌajol laj Dan.

Números 21:30

Anakcuan la̱o aj Israel xkasach ruheb le̱ ralal e̱cꞌajol. Xkasach ruheb chixjunil naticla Hesbón nacuulac toj Dibón. Queꞌsacheꞌ ruheb li cuanqueb Nofa ut li cuanqueb Medeba.—

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Jeremías 48:31

Joꞌcan nak la̱in tinya̱bak chirixeb laj Moab. Chirixeb chixjunileb tinya̱bak. Nayotꞌeꞌ inchꞌo̱l chirixeb li cuanqueb saꞌ li tenamit Kir-hares.

Jeremías 47:5

Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Jeremías 7:29

La̱ex aj Jerusalén, besomak li rismal le̱ jolom ut cutumak chi najt. Ut ocankex chi ya̱bac saꞌ xbe̱neb li tzu̱l. Li Ka̱cuaꞌ xextzꞌekta̱na xban nak yo̱ xjoskꞌil saꞌ e̱be̱n la̱ex lix tenamit.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

Isaías 16:12

Nequeꞌxtacuasi ribeb laj Moab nak nequeꞌxic saꞌ li naꞌajej li najt xteram chixlokꞌoninquileb li jalanil dios. Ma̱cꞌaꞌ rajbal nak nequeꞌxic chi tijoc chiru lix artaleb.

Isaías 16:7

Eb laj Moab teꞌya̱bak xban li raylal li teꞌxcꞌul. Chixjunileb teꞌya̱bak nak ta̱julticokꞌ reheb lix tzacae̱mkeb yi̱banbil riqꞌuin chaki uvas li xeꞌxcuaꞌ aran Kir-hareset.

Isaías 15:3

Teꞌxqꞌue li kꞌes ru tꞌicr chirixeb nak teꞌxic saꞌ be. Yo̱keb chi ya̱bac saꞌ eb li cꞌayil ut saꞌ xbe̱neb li cab. Chixjunileb huyhutkeb chi ya̱bac.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Li xHu LAJ JOB 1:20

Nak quirabi aꞌan, laj Job quicuacli ut quixpej li rakꞌ ut quixbes li rismal retalil lix rahil xchꞌo̱l ut quixcuikꞌib rib saꞌ chꞌochꞌ ut quixlokꞌoni li Dios.

Deuteronomio 14:1

La̱ex ralal xcꞌajol li Ka̱cuaꞌ le̱ Dios. Joꞌcan nak incꞌaꞌ te̱set le̱ tibel xban xrahil e̱chꞌo̱l chirix junak camenak, chi moco te̱jo le̱ rismal li cuan saꞌ xbe̱n le̱ pe̱quem.

Números 32:38

ut Nebo ut Baal-meón, li cuib chi tenamit li queꞌxjal xcꞌabaꞌeb mokon. Ut queꞌxyi̱b ajcuiꞌ li tenamit Sibma. Ut queꞌxqꞌue jalan xcꞌabaꞌeb li tenamit li queꞌxyi̱b.

Números 32:3

—Qꞌuehomak retal chanru eb li naꞌajej Atarot, Dibón, Jazer, Nimra, Hesbón, Eleale, Sebam, Nebo ut Beón.

Levítico 13:40

Cui junak cui̱nk ta̱tꞌanekꞌ li rismal, ut tꞌuruꞌ xjolom ta̱cana̱k, li cui̱nk aꞌan moco muxbil ta ru.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

2 Samuel 10:4

Joꞌcan nak laj Hanún quixchapeb li cui̱nk ut quixtakla xjobal yijach lix macheb ut queꞌxset li rakꞌeb toj chiru li raꞌeb. Quixchakꞌrabiheb ut quixtaklaheb cuiꞌchic saꞌ xnaꞌajeb.

Jeremías 3:21

Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Jeremías 47:2

Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Jeremías 48:35

La̱in tinsach ruheb li nequeꞌmayejac saꞌ eb li naꞌajej li najt xteram li cuanqueb Moab ut nequeꞌxcꞌat li pom chiruheb lix dioseb, chan li Ka̱cuaꞌ.

Ezequiel 27:31

Teꞌxjo li rismal xjolomeb xban xrahil xchꞌo̱leb ut teꞌxqꞌue li kꞌes ru tꞌicr chirixeb. Teꞌya̱bak chi kꞌaxal ra saꞌ xchꞌo̱leb xban nak xsacheꞌ e̱ru.

Ezequiel 30:2

—At ralal cui̱nk, ta̱ye resil li cꞌaꞌru ta̱cꞌulma̱nk. Ta̱ye: Joꞌcaꞌin xye li Ka̱cuaꞌ li nimajcual Dios. Chexya̱bak ut te̱ye, “Cuulac re xcutanquil nak ta̱cha̱lk li raylal saꞌ kabe̱n.”

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

1 Crónicas 19:4

Joꞌcan nak laj Hanún quixchapeb lix takl laj David ut quixtakla xjobal lix macheb ut queꞌxjach saꞌ xyi li rakꞌeb. Quicuulac toj chiru li raꞌeb. Quixtaklaheb cuiꞌchic saꞌ lix tenamiteb.

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.