Isaías 15:1 - Li Santil hu

¹ Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Q'eqchi Bible

¹ A'an a'in jun li esil chirix Mohab. Chiru jun q'oqyink ajwi' xsache'k li tenamit Ar ut Kir, ut ch'anch'o xkanaak li na'ajej Mohab.

Isaías 15:1 ပူးပေါင်းရင်းမြစ်များ

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Isaías 16:11

Narahoꞌ inchꞌo̱l xban li raylal li queꞌxcꞌul laj Moab. Nayotꞌeꞌ inchꞌo̱l xban li raylal li queꞌxcꞌul laj Kir-hareset.

Isaías 16:7

Eb laj Moab teꞌya̱bak xban li raylal li teꞌxcꞌul. Chixjunileb teꞌya̱bak nak ta̱julticokꞌ reheb lix tzacae̱mkeb yi̱banbil riqꞌuin chaki uvas li xeꞌxcuaꞌ aran Kir-hareset.

Isaías 14:28

Saꞌ li chihab nak quicam li rey Acaz, laj Isaías quixye li esilal aꞌin:

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Isaías 13:1

Aꞌan aꞌin li quicꞌutbesi̱c chiru laj Isaías li ralal laj Amoz xban li Dios chirix li raylal li tixcꞌul li tenamit Babilonia.

2 Reyes 3:25

Ut queꞌxsach ruheb lix naꞌajeb. Nak queꞌnumeꞌ cuan cuiꞌ li racui̱mkeb, eb laj Israel quilajeꞌxtu̱b li pec toj retal queꞌxpoꞌi chixjunil lix naꞌajeb li racui̱mkeb. Ut queꞌxbutꞌ eb li yuꞌam haꞌ. Ut quilajeꞌxtꞌan eb li cha̱bil cheꞌ. Caꞌaj cuiꞌ li nimla tenamit Kir-hareset quicana. Eb li cui̱nk li nequeꞌcutuc riqꞌuin rantꞌin queꞌxsuti li tenamit aꞌan, ut queꞌxcut chi pec toj retal queꞌxsach ru.

Deuteronomio 2:18

“Anakcuan texnumekꞌ saꞌ li naꞌajej Ar, li cuanqueb cuiꞌ eb laj Moab.

Deuteronomio 2:9

Ut li Ka̱cuaꞌ quixye cue, “Me̱chꞌiꞌchꞌiꞌiheb laj Moab li ralal xcꞌajol laj Lot. Me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue lix naꞌajeb chokꞌ e̱re la̱ex. La̱in ac quinqꞌue li naꞌajej Ar reheb”.

Isaías 25:12

Li Dios tixsach li ni̱nki cab li nequeꞌxcol cuiꞌ ribeb joꞌ ajcuiꞌ li tzꞌac li najt xteram li sutsu̱queb cuiꞌ li tenamit. Tixjuqꞌueb ut tꞌantꞌo teꞌcana̱k saꞌ chꞌochꞌ.

Deuteronomio 2:19

Nak texcuulak cuanqueb cuiꞌ eb li ralal xcꞌajol laj Amón, me̱chꞌiꞌchꞌiꞌiheb ut me̱chikꞌ xjoskꞌileb re teꞌpletik xban nak la̱in incꞌaꞌ tinqꞌue e̱re lix naꞌajeb. La̱in quinqꞌue li naꞌajej aꞌan chokꞌ reheb li ralal xcꞌajol laj Lot,” chan.

Isaías 16:6

Eb laj Judá nequeꞌxye: —La̱o nakabi resil nak kꞌaxal kꞌetkꞌeteb laj Moab. Nequeꞌxnimobresi ribeb ut nequeꞌxkꞌetkꞌeti ribeb. Abanan ma̱cꞌaꞌ rajbal nak nequeꞌxnimobresi ribeb, chanqueb.