Isaías 14:6 - Li Santil hu

⁶ Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.

Q'eqchi Bible

⁶ li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Isaías 14:6 ပူးပေါင်းရင်းမြစ်များ

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Jeremías 50:31

La̱in li nimajcual Dios tinsach e̱ru la̱ex aj Babilonia, xban nak xekꞌetkꞌeti e̱rib chicuu. Xcuulac xkꞌehil nak la̱in texinqꞌue chixtojbal rix li ma̱c xeba̱nu.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Jeremías 25:26

joꞌ eb ajcuiꞌ chixjunileb li rey li cuanqueb saꞌ li norte, ut eb li cuanqueb chi nachꞌ joꞌ ajcuiꞌ li cuanqueb chi najt. Teꞌcꞌuluk raylal chixjunileb li naꞌajej li cuanqueb saꞌ ruchichꞌochꞌ. Ut mokon chic lix reyeb laj Babilonia tixcꞌul li raylal.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Isaías 33:1

Raylal ta̱cha̱lk saꞌ e̱be̱n la̱ex li xicꞌ nequex-iloc ke. La̱ex li nequex-elkꞌan ut nequexbalakꞌin ke. La̱ex ma̱ ani xeꞌelkꞌan re li cꞌaꞌru e̱re chi moco xexbalakꞌi̱c. Abanan ta̱cuulak xkꞌehil nak la̱ex chic ta̱elkꞌa̱k cꞌaꞌru e̱re ut texbalakꞌi̱k.

Isaías 10:14

La̱in xinchap lix biomaleb li tenamit ut ma̱ ani xchꞌeꞌoc cue. Chanchan nak xinxoqueb li mol li ma̱ ani naa̱tinac chirix ut laj xicꞌanel xul incꞌaꞌ quirecꞌasi xxicꞌ chinseꞌbesinquil, chi moco quixjap re chixcolbal, chan lix reyeb laj Asiria.

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

Li xHu LAJ JOB 9:13

Nak li Dios najoskꞌoꞌ moco nanumeꞌ ta lix joskꞌil chi junpa̱t. Ut eb li kꞌaxal kꞌetkꞌeteb nequeꞌxcubsi ribeb rubel xcuanquil.

2 Crónicas 36:17

Xban lix ma̱usilaleb laj Judá, li Ka̱cuaꞌ quixcanab lix reyeb laj Babilonia chi numta̱c saꞌ xbe̱neb. Queꞌxcamsiheb chi chꞌi̱chꞌ saꞌ li templo li toj sa̱jeb. Incꞌaꞌ queꞌril xtokꞌoba̱l ruheb li sa̱j cui̱nk ut li sa̱j ixk, chi moco queꞌril xtokꞌoba̱l ruheb li ti̱xeb ut eb li incꞌaꞌ nequeꞌbe̱c. Quixkꞌaxtesiheb ban chixjunileb saꞌ rukꞌ lix reyeb laj Babilonia.

Isaías 14:5

Li Ka̱cuaꞌ quixsach xcuanquileb li nequeꞌtaklan saꞌ ma̱usilal. Ut quirisi xcuanquileb li nequeꞌnumta saꞌ xbe̱neb li tenamit.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Habacuc 1:17

¿Ma junelic yo̱keb chixchapbal li tenamit riqꞌuin lix yoy eb laj Caldea? Ut, ¿ma rajlal yo̱keb chixsachbal ru li tenamit chi incꞌaꞌ teꞌril xtokꞌoba̱l ruheb?

Proverbios 28:15

Nak junak li acuabej incꞌaꞌ us xnaꞌleb ta̱oc chi takla̱nc saꞌ xbe̱neb li tenamit nebaꞌ, aꞌan chanchan li cakcoj xban nak joskꞌ. Malaj ut chanchan li oso li ta̱tzꞌoca̱k.

Jeremías 48:17

Ilomak xtokꞌoba̱l ruheb laj Moab, la̱ex li cuanquex chixjun sutam, la̱ex li xenau chanru lix lokꞌal junxil. Yehomak, “Qui-isi̱c xcuanquilal. Xtokeꞌ lix xukꞌ retalil lix cuanquil.”

Habacuc 2:5

Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani.