Isaías 14:2 - Li Santil hu

² Eb li jalaneb xtenamiteb teꞌxtenkꞌaheb laj Israel chi sukꞌi̱c saꞌ lix naꞌajeb. Nak cuanqueb chic aran, eb li jalaneb xtenamiteb teꞌcꞌanjelak chiruheb laj Israel joꞌ mo̱s saꞌ li naꞌajej li quiqꞌueheꞌ reheb xban li Ka̱cuaꞌ. Eb li queꞌnumta saꞌ xbe̱neb laj Israel junxil, aꞌan eb chic li teꞌchapekꞌ ut teꞌcꞌanjelak chiruheb laj Israel. Eb laj Israel chic teꞌtakla̱nk saꞌ xbe̱neb li queꞌrahobtesin reheb junxil.

Q'eqchi Bible

² Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

Isaías 14:2 ပူးပေါင်းရင်းမြစ်များ

Isaías 61:5

Eb li jalan xtenamit teꞌcꞌanjelak che̱ru. Aꞌaneb teꞌilok reheb le̱ queto̱mk. Teꞌxtrabaji le̱ chꞌochꞌ ut teꞌxcꞌacꞌale le̱ racui̱mk.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Jeremías 30:16

Abanan ta̱cuulak xkꞌehil nak kꞌaxal ra teꞌxcꞌul eb li nequeꞌxba̱nu raylal e̱re. Teꞌchapekꞌ ut teꞌcꞌamekꞌ chi pre̱xil eb li xicꞌ nequeꞌiloc e̱re. Ta̱makꞌekꞌ chiruheb li cꞌaꞌru reheb li nequeꞌmakꞌoc li cꞌaꞌru e̱re la̱ex. Ut ta̱elkꞌa̱k ajcuiꞌ chiruheb li cꞌaꞌru reheb aꞌan li xeꞌelkꞌan re li cꞌaꞌru e̱re la̱ex.

Daniel 7:18

Abanan ta̱cuulak xkꞌehil nak eb li ralal xcꞌajol li nimajcual Dios teꞌqꞌuehekꞌ xcuanquil ut aꞌaneb chic teꞌcua̱nk xcuanquil chi junelic kꞌe cutan, chan.

Isaías 49:23

Eb li rey ut eb li reina chanchanakeb lix naꞌ xyucuaꞌeb la̱ tenamit. Eb li jalan tenamit teꞌxcubsi ribeb cha̱cuu. Teꞌxcuikꞌib ribeb cha̱cuu re xqꞌuebal a̱lokꞌal. Ut la̱at ta̱nau nak la̱in li Ka̱cuaꞌ ut eb li cauheb xchꞌo̱l cuiqꞌuin incꞌaꞌ teꞌchꞌina̱nk xchꞌo̱leb.

Apocalipsis 3:9

Cuanqueb li nequeꞌxba̱nu li cꞌaꞌru naraj laj tza. Nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Yal ticꞌtiꞌ nequeꞌxye. La̱in tincanabeb toj retal teꞌxcuikꞌib ribeb che̱ru re nak teꞌxqꞌue retal nak la̱in ninrahoc e̱re.

Romanos 15:27

Qui-ala saꞌ xchꞌo̱leb xtenkꞌanquileb ut us ajcuiꞌ nak teꞌxba̱nu xban nak eb aꞌan ma̱cuaꞌeb aj judío ut saꞌ xcꞌabaꞌeb laj judío nak queꞌxcꞌul li colba-ib. Joꞌcan nak us nak teꞌxtenkꞌaheb laj pa̱banel aj judío riqꞌuin xqꞌuebal reheb li cꞌaꞌak re ru nacꞌanjelac chiruheb.

Isaías 18:7

Ta̱cuulak xkꞌehil nak li nimajcual Dios ta̱qꞌuehekꞌ xma̱tan xbaneb li tenamit li ni̱nkeb rok ut chꞌinaꞌuseb li cuanqueb saꞌ li naꞌajej li sutsu xbaneb li nimaꞌ. Eb li tenamit li cauheb rib, li nequeꞌxucua̱c ruheb yalak bar teꞌxcꞌam xma̱tan saꞌ li tzu̱l Sión bar nalokꞌoni̱c cuiꞌ li Ka̱cuaꞌ li nimajcual Dios.

Salmos 68:18

At Ka̱cuaꞌ, xattakeꞌ saꞌ la̱ templo aran Sión ut xacꞌameb cha̱cuix li xacue̱chaniheb. Chixjunileb xeꞌxqꞌue a̱lokꞌal. Xeꞌxqꞌue ajcuiꞌ la̱ lokꞌal li xeꞌxkꞌetkꞌeti ribeb cha̱cuu junxil. Ut la̱at tatcua̱nk riqꞌuineb.

Efesios 4:8

Aꞌin qui-uxman joꞌ tzꞌi̱banbil saꞌ li Santil Hu, li naxye chi joꞌcaꞌin: Nak quitakeꞌ saꞌ choxa li Ka̱cuaꞌ, quixcꞌutbesi nak aꞌan kꞌaxal nim xcuanquil saꞌ xbe̱n laj tza joꞌ ajcuiꞌ saꞌ xbe̱neb li nequeꞌcꞌanjelac chiru. Ut li Ka̱cuaꞌ quixqꞌue xma̱taneb li ralal xcꞌajol. (Sal. 68:18)

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

2 Corintios 10:5

Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

Esdras 2:65

Cuanqueb ajcuiꞌ cuukub mil riqꞌuin oxib ciento riqꞌuin cuuklaju xcaꞌcꞌa̱l (7,337) xmo̱seb, ixk ut cui̱nk. Ut cuanqueb ajcuiꞌ cuib ciento (200) aj bichanel, joꞌ cui̱nk joꞌ ixk.

San Lucas 12:45

Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Isaías 31:8

Li tenamit Asiria ta̱sachekꞌ ru saꞌ li ple̱t, abanan ma̱cuaꞌ riqꞌuin xcuanquil cui̱nk chi moco riqꞌuin xchꞌi̱chꞌ cui̱nk ta̱sachekꞌ ruheb. Teꞌe̱lelik saꞌ li ple̱t ut eb lix soldado li toj sa̱jeb teꞌchapekꞌ ut teꞌcana̱k rubel xcuanquileb lin tenamit.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 49:22

Aꞌan aꞌin li naxye li nimajcual Dios: —La̱in tinye reheb li xni̱nkal ru tenamit nak teꞌxqꞌueheb chi sukꞌi̱c cuiꞌchic le̱ tenamit. Tinye reheb nak teꞌxtaklaheb le̱ ralal e̱cꞌajol. Chanchan pakonbil teꞌxba̱nu reheb nak teꞌxtakla cuiꞌchic saꞌ lix tenamiteb.

Isaías 49:25

Li Ka̱cuaꞌ naxye: —Aꞌan aꞌin li ta̱cꞌulma̱nk. Eb li cuanqueb chi pre̱xil teꞌmakꞌekꞌ chiruheb li soldado. Ut li cꞌaꞌru quire̱chani li kꞌaxal joskꞌ ta̱makꞌekꞌ chiru. La̱in tinpletik riqꞌuineb li nequeꞌpletic a̱cuiqꞌuin ut la̱in tincolok reheb la̱ tenamit.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Jeremías 49:2

Ta̱cuulak xkꞌehil nak eb laj Amón li cuanqueb saꞌ li tenamit Rabá teꞌrabi nak eb li tenamit teꞌxjap reheb chi pletic. Ut li tenamit juqꞌuinbil chic ta̱cana̱k. Eb li tenamit li cuanqueb chi xjun sutam teꞌcꞌatekꞌ. Ut eb laj Israel teꞌre̱chani cuiꞌchic li naꞌajej li quimakꞌeꞌ chiruheb xbaneb laj Amón, chan li Ka̱cuaꞌ.

Ezequiel 39:10

Incꞌaꞌ teꞌxic aj siꞌ saꞌ cꞌaleba̱l, chi moco teꞌxyocꞌ xsiꞌeb saꞌ qꞌuicheꞌ xban nak teꞌxcꞌat chokꞌ xsiꞌeb li cꞌaꞌru quicꞌanjelac re pletic. Ut teꞌxmakꞌ chiruheb li xicꞌ nequeꞌiloc reheb li cꞌaꞌru quimakꞌeꞌ chiruheb laj Israel junxil, chan li Ka̱cuaꞌ.

Joel 3:8

La̱in tincꞌayi le̱ ralal e̱cꞌajol reheb laj Judá ut aꞌaneb chic teꞌcꞌayi̱nk reheb riqꞌuineb laj sabeo ut teꞌcꞌamekꞌ chi najt saꞌ jalan tenamit. La̱in li nimajcual Dios xinyehoc re aꞌin, chan.

Abdías 1:17

Abanan eb li cuanqueb saꞌ li tzu̱l Sión teꞌcolekꞌ. Ut teꞌsantobresi̱k. Ut eb li ralal xcꞌajol laj Jacob teꞌre̱chani cuiꞌchic lix naꞌajeb.

Zacarías 2:9

Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.

Levítico 25:44

Naru te̱lokꞌ le̱ mo̱s, joꞌ ixk joꞌ cui̱nk, saꞌ xya̱nkeb li jalan xtenamiteb li cuanqueb che̱jun sutam.

Isaías 60:4

Qꞌuehomak retal li cꞌaꞌru yo̱ chi cꞌulma̱nc. Eb le̱ tenamit yo̱queb chixchꞌutubanquileb rib re nak teꞌxic cuiꞌchic saꞌ xtenamiteb. Eb le̱ ralal e̱cꞌajol yo̱queb chi cha̱lc saꞌ najtil tenamit.

Isaías 66:12

Joꞌcaꞌin naxye li Ka̱cuaꞌ: —La̱in tinqꞌue li tuktu̱quil usilal e̱re la̱ex aj Jerusalén. Chanchanak jun li nimaꞌ incꞌaꞌ nachakic. Lix biomaleb li xni̱nkal ru tenamit teꞌcꞌamekꞌ chak Jerusalén chi nabal. Chanchan li nimaꞌ nak yo̱ chi butꞌu̱nc. Sa textzaca̱nk. Chanchanakex li cꞌulaꞌal li nequeꞌtuꞌuc ut nequeꞌkꞌalu̱c ut nequeꞌkꞌunbesi̱c xban lix naꞌeb.

Zacarías 2:13

Chixjunileb li cuanqueb saꞌ ruchichꞌochꞌ cheꞌxxucua ta ru li Ka̱cuaꞌ ut incꞌaꞌ ta chic teꞌecꞌa̱nk xban nak aꞌan tixcanab chak lix Santil Naꞌaj ut ta̱cha̱lk saꞌ kaya̱nk.