Isaías 14:18 - Li Santil hu

¹⁸ Chixjunileb lix reyeb li tenamit queꞌmukeꞌ saꞌ xya̱lal ut aran yo̱queb chi hila̱nc chi xju̱nkaleb saꞌ lix mukleba̱leb.

Q'eqchi Bible

¹⁸ Jo'k'ihaleb' li neke'awab'ejink sa' xb'eeneb' li tenamit yookeb' chi hilank chi wankeb' xloq'al ut li junjunq wank sa' li xmuqleb'aal.

Isaías 14:18 ပူးပေါင်းရင်းမြစ်များ

Isaías 22:16

“¿Cꞌaꞌru a̱cuanquil la̱at? ¿Ani quiqꞌuehoc a̱lese̱ns chixyi̱banquil li mukleba̱l arin? ¿Ani xyehoc a̱cue nak ta̱yi̱b la̱ hiloba̱l saꞌ li sako̱nac aꞌin li najt xteram?

Li xHu LAJ JOB 30:23

La̱in ninnau nak la̱at ta̱cuaj tinca̱mk. Ninnau nak la̱at ta̱cuaj nak tinxic saꞌ li naꞌajej li teꞌxic cuiꞌ chixjunileb li nequeꞌcam.

2 Crónicas 24:25

Nak queꞌco̱eb laj Siria queꞌxcanab chi tꞌantꞌo chi ca̱mc re li rey Joás. Eb li queꞌcꞌanjelac chiru queꞌxcꞌu̱b ru cꞌaꞌru teꞌxba̱nu re xqꞌuebal re̱kaj nak quixqꞌue chi camsi̱c laj Zacarías li ralal laj Joiada laj tij. Queꞌxcamsi laj Joás nak cuan saꞌ xchꞌa̱t. Chirix aꞌan queꞌxmuk saꞌ lix tenamit laj David, abanan ma̱cuaꞌ saꞌ li naꞌajej li queꞌmukeꞌ cuiꞌ eb li rey.

2 Crónicas 24:16

Quimukeꞌ saꞌ lix tenamit laj David saꞌ li naꞌajej li queꞌmukeꞌ cuiꞌ eb li rey xban nak quicuan saꞌ ti̱quilal saꞌ xya̱nkeb laj Israel ut chiru li Dios. Ut quixba̱nu ajcuiꞌ li us saꞌ lix templo li Dios.

Eclesiastés 12:5

Tatxucuak chi cubec saꞌ junak naꞌajej najt xteram. Yo̱k a̱xiu nak tatbe̱k ut sakak chic la̱ cuismal, chanchanak xsakal li ratzꞌum li almendro. Incꞌaꞌ chic ta̱cuy xban nak ti̱xakat chic chi us. Incꞌaꞌ chic tatcuaꞌak ut ma̱cꞌaꞌ chic ta̱ra ru. Chi se̱b tatca̱mk ut tatxic chi hila̱nc saꞌ la̱ naꞌaj chi junaj cua. Ut nak eb laj mukunel yo̱keb chi xic cha̱mukbal, yo̱keb chi ya̱bac xban nak ac xatcam.

Eclesiastés 6:3

Junak cui̱nk naru nacuan jun cientak li ralal xcꞌajol. Ut naru ajcuiꞌ nacuan nabalak chihab saꞌ ruchichꞌochꞌ. Usta kꞌaxal najt rok lix yuꞌam saꞌ ruchichꞌochꞌ, ma̱cꞌaꞌ na-oc cuiꞌ cui incꞌaꞌ naxyal xsahil li cꞌaꞌru cuan re chi moco namukeꞌ saꞌ xya̱lal. La̱in nincꞌoxla nak kꞌaxal us junak li cꞌulaꞌal yal nanumeꞌ chiru li cui̱nk aꞌan.

Isaías 14:17

¿Ma ma̱cuaꞌ ta biꞌ aꞌin li cui̱nk li quisachoc ruheb li xni̱nkal ru tenamit ut quixsukꞌisi li qꞌuicheꞌ chokꞌ chaki chꞌochꞌ? ¿Ma ma̱cuaꞌ ta biꞌ aꞌin li cui̱nk li incꞌaꞌ quirachꞌabeb li cristian li queꞌcꞌameꞌ chi pre̱xil? chanqueb.

Isaías 14:19

Abanan la̱at incꞌaꞌ catmukeꞌ saꞌ xya̱lal. Xattzꞌekeꞌ joꞌ nak natzꞌekman li rukꞌ cheꞌ. Tzꞌektzꞌo̱cat saꞌ xya̱nkeb li queꞌcamsi̱c chi chꞌi̱chꞌ. Tatcutekꞌ saꞌ chamal jul rochbeneb joꞌ eb li camenak li yekꞌinbileb.

2 Reyes 9:35

Abanan nak queꞌcuulac cuan cuiꞌ li camenak re teꞌxmuk, incꞌaꞌ chic queꞌxtau. Caꞌaj cuiꞌ lix bakel lix jolom, li rok ut li rukꞌ.

Li xHu LAJ JOB 3:14

Cuochbeneb raj li rey li queꞌcuan saꞌ ruchichꞌochꞌ ut eb li nequeꞌqꞌuehoc naꞌleb, li queꞌxyi̱b xni̱nkal ru cab nak toj yoꞌyo̱queb.