Isaías 14:14 - Li Santil hu

¹⁴ Tinxic toj takecꞌ toj jun pacꞌal li chok. Chanchanakin li nimajcual Dios, chancat.

Q'eqchi Bible

¹⁴ Tintaqe'q toj sa' xb'eeneb' li choql ut kama'aqin li Nimajwal Yos», chankat sa' laach'ool.

Isaías 14:14 ပူးပေါင်းရင်းမြစ်များ

Isaías 47:8

Joꞌcan nak cherabihak li yo̱quin chixyebal e̱re, la̱ex li nequexcuan chi sa saꞌ e̱chꞌo̱l. La̱ex cꞌojcꞌo e̱chꞌo̱l ut nequecꞌoxla nak ma̱cꞌaꞌ te̱cꞌul ut nequeye saꞌ e̱chꞌo̱l: La̱o cuan kacuanquil. Ma̱ ani chic cuan xcuanquil joꞌ li kacuanquil la̱o, chanquex. Saꞌ e̱chꞌo̱l la̱ex nak ma̱ jaruj te̱cꞌul li raylal joꞌ nequeꞌxcꞌul li ixk li nequeꞌcam xbe̱lomeb malaj ut joꞌ eb li nequeꞌcam li ralal xcꞌajol.

Génesis 3:5

Li Dios naxnau nak jokꞌe te̱lou ru li cheꞌ, te̱nau chic chixjunil. Chanchanakex chic li Dios. Te̱nau chic cꞌaꞌru li us ut cꞌaꞌru li incꞌaꞌ us, chan.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Li xHu LAJ JOB 20:6

Usta kꞌaxal nimak xcuanquil li cui̱nk ut usta nacuulac toj saꞌ choxa lix kꞌetkꞌetil, abanan ta̱osokꞌ.

Ezequiel 28:2

—At ralal cui̱nk, ta̱ye re lix reyeb laj Tiro nak la̱in li nimajcual Dios ninye chi joꞌcaꞌin: Xban nak kꞌaxal nacanimobresi a̱cuib, nacaye saꞌ a̱chꞌo̱l “La̱in diosin”. Nacaye nak la̱at cꞌojcꞌo̱cat saꞌ xcꞌojariba̱l li Dios xban nak la̱ tenamit sutsu xban li palau. Abanan la̱at moco diosat ta. Yal cui̱nkat usta nacacꞌoxla nak cuan a̱naꞌleb joꞌ Dios.

Ezequiel 31:10

Joꞌcaꞌin xye li nimajcual Dios: —Xban nak kꞌaxal najt xteram xcuulac li cheꞌ aꞌin ut xban nak kꞌaxal nim lix mu, joꞌcan nak quixkꞌetkꞌeti rib.

Isaías 21:1

Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

Jeremías 51:1

Joꞌcaꞌin naxye li Ka̱cuaꞌ: —La̱in tintakla junak li tenamit chi pletic riqꞌuineb laj Babilonia ut riqꞌuineb ajcuiꞌ li cuanqueb aran li nequeꞌxkꞌetkꞌeti ribeb chicuu. Eb li tintakla chanchanakeb li ikꞌ li nasachoc nak teꞌxic chi pletic.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Daniel 11:37

Li rey li cuan saꞌ li norte tixtzꞌekta̱naheb lix dioseb lix xeꞌto̱nil yucuaꞌ ut tixtzꞌekta̱na ajcuiꞌ li dios li nequeꞌxlokꞌoni li ixk. Ma̱ jun li dios tixqꞌue xcuanquil xban nak tixcꞌoxla nak caꞌaj cuiꞌ aꞌan li kꞌaxal nim xcuanquil saꞌ xbe̱neb chixjunileb.