Isaías 14:1 - Li Santil hu

¹ Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Q'eqchi Bible

¹ Naq li Qaawa' tixtoq'ob'a ru laj Jakob ut tixsik' wi' chik ru laj Israel, tixk'ojob'eb' wi' chik laj Israel sa' li xtenamiteb' ut eb' laj jalanil tenamit te'xjunaji rib' rik'ineb' li ralal xk'ajol laj Jakob.

Isaías 14:1 ပူးပေါင်းရင်းမြစ်များ

Salmos 102:13

At Ka̱cuaꞌ, la̱at ta̱cuil xtokꞌoba̱l ku. Ta̱cuosobtesi cuiꞌchic la̱ tenamit Sión. Ac xcuulac xkꞌehil nak ta̱tenkꞌa cuiꞌchic.

Zacarías 1:17

Ut quixye ajcuiꞌ cue li ángel: —Ta̱ye ajcuiꞌ resil aꞌin: Joꞌcaꞌin xye li nimajcual Dios. Tinqꞌue cuiꞌchic chi nabal li cꞌaꞌru reheb lin tenamit Jerusalén ut tebincuosobtesi. Chanchan nak toj xinsiqꞌueb ru chokꞌ cualal incꞌajol, chan li Dios.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Jeremías 50:33

Joꞌcaꞌin naxye li Ka̱cuaꞌ li nimajcual Dios: —Eb li ralal xcꞌajol laj Israel ut eb li ralal xcꞌajol laj Judá rahobtesinbileb xbaneb li tenamit li queꞌcꞌamoc reheb chi pre̱xil ut incꞌaꞌ nequeꞌxcanabeb chi xic.

Isaías 49:13

At choxa, jap a̱cue xban xsahil a̱chꞌo̱l. At ruchichꞌochꞌ, chisahokꞌ a̱chꞌo̱l. Ut la̱ex tzu̱l chisahokꞌ saꞌ e̱chꞌo̱l xban nak li Ka̱cuaꞌ tixcꞌojob cuiꞌchic xchꞌo̱leb lix tenamit ut ta̱ril cuiꞌchic xtokꞌoba̱l ruheb nak yo̱queb chi cꞌuluc raylal.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Isaías 66:20

Ut teꞌxcꞌam chak chixjunileb li ras ri̱tzꞌin li cuanqueb saꞌ eb li najtil tenamit chokꞌ inmayej. Teꞌxcꞌameb saꞌ lin santil tzu̱l aran Jerusalén. Teꞌcha̱lk chirix cacua̱y, chirix bu̱r ut chirix camello. Ut teꞌcha̱lk ajcuiꞌ saꞌ carruaje ut saꞌ carre̱t. Teꞌxcꞌameb chak joꞌ nak eb laj Israel nequeꞌxcꞌam saꞌ lin templo lix mayej saꞌ eb li secꞌ li kꞌaxtesinbil chi cꞌanjelac chicuu.

Isaías 49:7

Li Dios santo, laj Colol reheb laj Israel quixye re li jun li xicꞌ qui-ileꞌ xbaneb li xni̱nkal ru tenamit ut quitzꞌekta̱na̱c xbaneb usta quicꞌanjelac chiruheb: —Eb li rey tateꞌril ut teꞌxqꞌue a̱lokꞌal. Eb li cuanqueb saꞌ xcuanquil teꞌxcuikꞌib ribeb cha̱cuu. Teꞌxqꞌue a̱lokꞌal xban nak la̱in xinsicꞌoc a̱cuu. La̱in ti̱c inchꞌo̱l ut ninba̱nu li cꞌaꞌru ninye. La̱in lix santil Dioseb laj Israel.—

Isaías 44:1

—Cherabihak la̱ex aj Israel ralal xcꞌajolex laj Jacob laj cꞌanjel chicuu. La̱ex li sicꞌbil e̱ru inban.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Isaías 27:6

Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

Salmos 143:12

Xban taxak xnimal la̱ cuuxta̱n saꞌ inbe̱n, ta̱sacheb ru li xicꞌ nequeꞌiloc cue. Ta̱sach ta ruheb chixjunileb li xicꞌ nequeꞌiloc cue xban nak la̱in laj cꞌanjel cha̱cuu.

Salmos 98:3

Xban nak li Dios naxba̱nu li cꞌaꞌru naxye, quijulticoꞌ re lix rahom saꞌ xbe̱neb laj Israel. Chixjunileb li tenamit li cuanqueb jun sut rubel choxa queꞌril nak li Dios quixcoleb laj Israel chiruheb li xicꞌ nequeꞌiloc reheb.

Ester 8:17

Saꞌ li junju̱nk chi tenamit li quitakla̱c cuiꞌ li chakꞌrab li quixqꞌue li rey, cꞌajoꞌ nak quisahoꞌ saꞌ xchꞌo̱leb laj judío ut queꞌninkꞌei̱c xban nak aꞌan jun nimla cutan chokꞌ reheb. Ut nabaleb li ma̱cuaꞌeb aj judío queꞌoc saꞌ xya̱nkeb xban nak qui-oc xxiuheb xbaneb laj judío.

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

San Lucas 1:54

Aꞌan junelic quixtenkꞌaheb laj Israel lix tenamit ut incꞌaꞌ quisach saꞌ xchꞌo̱l ruxta̱nanquil ruheb,

Isaías 41:9

La̱in xin-isin chak e̱re saꞌ li najtil tenamit. Xexinbok nak cuanquex chak saꞌ xmaril li ruchichꞌochꞌ. Ut xinye e̱re: —La̱ex texcꞌanjelak chicuu. La̱in xinsicꞌoc e̱ru ut incꞌaꞌ xexintzꞌekta̱na.

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 49:10

Incꞌaꞌ chic teꞌtzꞌoca̱k chi moco ta̱chakik reheb, ut lix tikcual li sakꞌe incꞌaꞌ ta̱chꞌiꞌchꞌiꞌi̱nk reheb xban nak li Jun li na-uxta̱nan ruheb tixberesiheb ut tixcꞌameb cuan cuiꞌ li yuꞌam haꞌ.

Isaías 49:15

Li Dios quixye: —¿Ma nasach ta biꞌ saꞌ xchꞌo̱l lix cꞌulaꞌal junak naꞌbej? ¿Ma tixcanab ta biꞌ xra̱bal? Usta li naꞌbej nasach saꞌ xchꞌo̱l lix cꞌulaꞌal, la̱in incꞌaꞌ texsachk saꞌ inchꞌo̱l.

Isaías 49:25

Li Ka̱cuaꞌ naxye: —Aꞌan aꞌin li ta̱cꞌulma̱nk. Eb li cuanqueb chi pre̱xil teꞌmakꞌekꞌ chiruheb li soldado. Ut li cꞌaꞌru quire̱chani li kꞌaxal joskꞌ ta̱makꞌekꞌ chiru. La̱in tinpletik riqꞌuineb li nequeꞌpletic a̱cuiqꞌuin ut la̱in tincolok reheb la̱ tenamit.

Isaías 54:3

La̱ex te̱nimobresi le̱ nuba̱l saꞌ le̱ nim ukꞌ ut saꞌ le̱ tzꞌe. Eb le̱ ralal e̱cꞌajol teꞌre̱chani cuiꞌchic li naꞌajej li cuanqueb cuiꞌ li jalan tenamit anakcuan. Eb le̱ ralal e̱cꞌajol teꞌcua̱nk saꞌ eb li tenamit li ma̱cꞌaꞌ cuiꞌ cristian.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Isaías 56:3

Cui cuan junak li jalan xtenamit tixpa̱b li Ka̱cuaꞌ incꞌaꞌ naru tixye nak li Ka̱cuaꞌ incꞌaꞌ tixcꞌul saꞌ xya̱nkeb li ralal xcꞌajol. Chi moco junak li eunuco naru tixye, “ma̱cꞌaꞌ nin-oc cuiꞌ xban nak incꞌaꞌ naru nacuan cualal incꞌajol”.

Isaías 60:10

Li Ka̱cuaꞌ quixye reheb li cuanqueb Jerusalén: —Eb li jalaneb xtenamit teꞌxyi̱b cuiꞌchic li tzꞌac li sutsu cuiꞌ le̱ tenamit. Eb lix reyeb teꞌcꞌanjelak che̱ru. Nak yo̱ injoskꞌil la̱in quexinqꞌue chixtojbal e̱ma̱c. Abanan anakcuan xban nak xcuil xtokꞌoba̱l e̱re, xcuuxta̱na cuiꞌchic e̱ru.

Isaías 60:14

Eb li ralal xcꞌajoleb li queꞌrahobtesin e̱re teꞌcha̱lk ut teꞌxcuikꞌib ribeb che̱ru. Chixjunileb li xicꞌ queꞌiloc e̱re teꞌcha̱lk ut teꞌxcuikꞌib ribeb ut teꞌxye nak la̱ex “lix tenamit li Dios”, la̱ex li cuanquex Sión saꞌ lix tzu̱l li Ka̱cuaꞌ, lix santil Dioseb laj Israel.

Ezequiel 47:22

Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.

Salmos 102:14

Eb li nequeꞌcꞌanjelac cha̱cuu nequeꞌxra li tenamit Sión usta juqꞌuinbil chic. Nequeꞌril xtokꞌoba̱l ru usta poꞌinbil chixjunil.

Isaías 19:18

Saꞌ eb li cutan aꞌan cua̱nkeb o̱b li tenamit aran Egipto li teꞌa̱tinak saꞌ li ra̱tinoba̱leb laj Judá. Eb li cuanqueb aran teꞌxba̱nu li juramento nak teꞌxlokꞌoni li Ka̱cuaꞌ. Jun reheb li tenamit aꞌan ta̱qꞌuehekꞌ “Herez” chokꞌ xcꞌabaꞌ.

Isaías 21:1

Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

Jeremías 16:15

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.

Jeremías 30:8

Saꞌ li cutan aꞌan, chan li Ka̱cuaꞌ, la̱in tincuisi li raylal li cuanqueb cuiꞌ. Chanchan nak tintok li yugo ut tincuisi li cadena li bacꞌbo̱queb cuiꞌ. Incꞌaꞌ chic teꞌqꞌuehekꞌ saꞌ cacuil cꞌanjel xbaneb li jalaneb xtenamit.

Jeremías 31:4

La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Jeremías 51:51

La̱ex nequeye, “Xuta̱nal xo-el ut xohobeꞌ ut nocoxuta̱na̱c xban nak eb li jalaneb xtenamit queꞌoc saꞌ eb li santil naꞌajej saꞌ lix templo li Ka̱cuaꞌ.”

Ezequiel 16:60

Abanan toj cuan saꞌ inchꞌo̱l cꞌaꞌru quinye saꞌ li contrato li quinba̱nu a̱cuiqꞌuin saꞌ a̱sa̱jilal. La̱in tinxakab xcuanquil li contrato chi junelic.