Isaías 13:9 - Li Santil hu

⁹ Cuulac re xkꞌehil nak li Ka̱cuaꞌ ta̱rakok a̱tin saꞌ xbe̱neb li tenamit. Cꞌajoꞌ li raylal teꞌxcꞌul saꞌ li cutan aꞌan nak li Dios tixcꞌutbesi lix joskꞌil chiruheb. Tixsach chixjunil li cuan Babilonia ut tixsach ajcuiꞌ ruheb chixjunileb laj ma̱c.

Q'eqchi Bible

⁹ We' chaq xkutankil li Qaawa', xiwajelaq li xxamlel li xjosq'il, re xkanab'ankil li ruuchich'och' chi nakirirnak aj chik, jo' ajwi' re xsachb'aleb' laj maak li wankeb' chisa'.

Isaías 13:9 ပူးပေါင်းရင်းမြစ်များ

Malaquías 4:1

Li Ka̱cuaꞌ Dios quixye: —Relic chi ya̱l cuulac re xkꞌehil nak la̱in tinrakok a̱tin. Chanchan li xam li cuan saꞌ li horno nak tinrakok a̱tin saꞌ xbe̱neb li tenamit. Aran teꞌosokꞌ li nequeꞌxnimobresi ribeb joꞌqueb ajcuiꞌ li nequeꞌba̱nun ma̱usilal. Chanchanakeb li qꞌuim nak teꞌcꞌatk saꞌ li cutan aꞌan. Ut ma̱ jun chic teꞌcolekꞌ.

Nahum 1:6

¿Ani ta biꞌ ta̱ru̱k ta̱cuyuk re lix joskꞌil li Dios? Ut, ¿ani ta biꞌ ta̱ru̱k tixcol rib chiru li Dios nak ta̱joskꞌokꞌ? Aꞌan chanchan li xam nak naxcꞌut lix joskꞌil. Ut nak najoskꞌoꞌ li Dios nalajeꞌjacheꞌ li sako̱nac.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Nahum 1:2

Li Ka̱cuaꞌ naraj nak caꞌaj cuiꞌ aꞌan ta̱lokꞌoni̱k. Aꞌan naqꞌuehoc re̱kaj reheb li xicꞌ nequeꞌiloc re. Li Ka̱cuaꞌ Dios najoskꞌoꞌ saꞌ xbe̱neb li xicꞌ nequeꞌiloc re ut aꞌan naxqꞌue re̱kaj reheb li cꞌaꞌru nequeꞌxba̱nu.

Salmos 104:35

Cheꞌisi̱k ta saꞌ ruchichꞌochꞌ eb laj ma̱c ut cheꞌsachekꞌ ta ruheb li incꞌaꞌ useb xnaꞌleb. Aban la̱in tinqꞌue xlokꞌal li Ka̱cuaꞌ chi anchal inchꞌo̱l. Lokꞌoninbil taxak ru li nimajcual Dios.

Proverbios 2:22

Abanan eb li nequeꞌxba̱nu li ma̱usilal teꞌsachekꞌ ruheb ut teꞌisi̱k saꞌ lix naꞌajeb.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Isaías 9:19

Xban nak yo̱ xjoskꞌil, li nimajcual Dios yo̱ chixqꞌuebaleb li tenamit chixtojbal lix ma̱queb. Eb li tenamit yo̱queb chi sachc. Chanchan nak nacꞌat li pim. Ut ma̱ ani ta̱ril xtokꞌoba̱l ru li ras ut li ri̱tzꞌin.

Ezequiel 13:5

Moco queꞌxyi̱b ta li tzꞌac li queꞌjuqꞌueꞌ chi moco queꞌxyi̱b li tzꞌac sutsu cuiꞌ li tenamit Israel re te̱col cuiꞌ e̱rib saꞌ li ple̱t. Eb aꞌan incꞌaꞌ queꞌxchꞌolob xya̱lal che̱ru re nak ta̱ru̱k te̱col e̱rib saꞌ li cutan nak ta̱cha̱lk li Ka̱cuaꞌ chi rakoc a̱tin saꞌ e̱be̱n.

Joel 1:15

Tokꞌob xak ku xban nak cuulac re xcutanquil nak li Ka̱cuaꞌ li nimajcual Dios ta̱rakok a̱tin saꞌ kabe̱n. Aꞌan ta̱cha̱lk chixsachbal ru li tenamit.

Joel 2:31

Ta̱kꞌojyi̱nokꞌ ru li sakꞌe ut li po ta̱cakokꞌ ru chanchan li quicꞌ nak toj ma̱jiꞌ nacuulac xkꞌehil li cutan, li kꞌaxal xiu xiu, nak la̱in tinrakok a̱tin, chan li Dios.

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Zacarías 14:1

Cuulac re xkꞌehil nak li Ka̱cuaꞌ ta̱rakok a̱tin. Ut che̱ru ajcuiꞌ la̱ex ta̱jeqꞌui̱k re jalan chixjunil li cꞌaꞌru cuan e̱re.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Isaías 34:8

xban nak aꞌan li cutan nak li Ka̱cuaꞌ tixqꞌue re̱kaj reheb laj Edom li raylal queꞌxba̱nu reheb laj Israel. Aꞌan li chihab nak teꞌxcꞌul re̱kaj li ma̱usilal queꞌxba̱nu.

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Isaías 66:17

Li Ka̱cuaꞌ quixye: —Teꞌsachekꞌ ruheb li tenamit li nequeꞌxsantobresi ribeb ut nequeꞌxkꞌaxtesi ribeb chixlokꞌoninquil li yi̱banbil dios. Nequeꞌxic chi tzoltzo saꞌ xnaꞌajeb li utzꞌuꞌuj chi lokꞌoni̱nc rochbeneb li nequeꞌxtiu lix tibel a̱k ut li chꞌo ut li cꞌaꞌak re ru chi xulil li moco tiꞌecꞌ ta naraj. Jun xiquic nak teꞌsachekꞌ ruheb.

Ezequiel 30:3

Cuulac re xcutanquil nak li Ka̱cuaꞌ ta̱rakok a̱tin. Cuulac re xkꞌehil li rahil chꞌo̱lejil nak li Ka̱cuaꞌ ta̱rakok a̱tin saꞌ xbe̱neb li xni̱nkal ru tenamit.

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

Sofonías 1:15

Saꞌ li cutan aꞌan li Dios tixcꞌutbesi lix joskꞌil chiruheb. Kꞌaxal nabal li raylal ut li rahil chꞌo̱lejil teꞌxcꞌul. Teꞌsachekꞌ ruheb. Ta̱kꞌojyi̱nokꞌ ru li choxa xban li chok ut ta̱mo̱yk ru li cutan.