Isaías 13:4 - Li Santil hu

⁴ Abihomak li choki̱nc saꞌ xbe̱n li tzu̱l. Aꞌaneb li qꞌuila soldado. Aꞌaneb li qꞌuila tenamit li queꞌxjunaji ribeb. Li Ka̱cuaꞌ li nimajcual Dios yo̱ chixcauresinquileb lix soldado re teꞌpletik.

Q'eqchi Bible

⁴ Na'ab'imank li choqink sa'atqeb' li tzuul, chanchan wi' xyaab' xkuxeb' li k'iila poyanam. Tz'aapixik tz'aqal rab'inkileb' li tenamit, eb' li k'iila poyanam li xe'xch'utub' rib' aran. Li Nimajwal Yos yo xtzolob'ankileb' laj puub' li te'xik chi yalok.

Isaías 13:4 ပူးပေါင်းရင်းမြစ်များ

Joel 3:14

Numtajenak xqꞌuialeb li tenamit li cuanqueb saꞌ li ru takꞌa. Aran ta̱rakekꞌ a̱tin saꞌ xbe̱neb xban nak cuulac re xkꞌehil nak la̱in li Ka̱cuaꞌ tinrakok a̱tin.

Joel 2:25

Li Ka̱cuaꞌ tixye: —La̱in tinqꞌue re̱kaj e̱re li quisach che̱ru saꞌ eb li chihab nak queꞌxcuaꞌ le̱ racui̱mk laj sa̱cꞌ, li torob, li motzoꞌ ut li chiliꞌ, li chanchaneb jun tu̱b chi soldado nak quebintakla e̱riqꞌuin re xsachbal le̱ racui̱mk.

Apocalipsis 18:8

Joꞌcan nak chiru jun cutan talajeꞌcha̱lk li raylal saꞌ xbe̱n li tenamit aꞌan. Ta̱cha̱lk ca̱mc, ut ya̱bac ut cueꞌej saꞌ xbe̱neb. Li tenamit ta̱sachekꞌ ru riqꞌuin xam xban nak kꞌaxal nim xcuanquil li Ka̱cuaꞌ li ta̱rakok a̱tin saꞌ xbe̱neb, chan.

Isaías 5:26

Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Isaías 5:30

Japjo̱k reheb li soldado nak teꞌoc chi pletic. Chanchan nak na-ecꞌan ru li palau. Li ani ta̱ilok re li tenamit aꞌan tixqꞌue retal nak junes raylal ut rahil chꞌo̱lej cuan aran. Chanchan nak ta̱kꞌojyi̱nokꞌ ru li cutan xban li chok.

Isaías 17:12

Raylal ta̱cha̱lk saꞌ xbe̱neb li xni̱nkal ru tenamit li nequeꞌchokin nak nequeꞌchal chi pletic. Chanchan li choki̱nc li naxba̱nu li palau, malaj ut joꞌ nak na-ecꞌan lix cau ok li haꞌ.

Isaías 48:14

Chꞌutubomak e̱rib ut abihomak li cꞌaꞌru tinye. ¿Ani junak e̱re ta̱yehok re cꞌaꞌru ta̱cꞌulma̱nk mokon? La̱in xinsicꞌ ru jun li cui̱nk. Aꞌan ta̱ba̱nu̱nk re li cꞌaꞌru xincꞌoxla xba̱nunquil reheb laj Babilonia ut reheb laj Caldea.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

Jeremías 25:14

Nabaleb li xni̱nkal ru tenamit ut eb li rey teꞌnumta̱k saꞌ xbe̱neb ut teꞌcana̱k rubel xcuanquileb. La̱in tinqꞌueheb chixtojbal xma̱queb aꞌ yal chanru lix yehom xba̱nuhomeb,” chan li Ka̱cuaꞌ.