Isaías 13:20 - Li Santil hu

²⁰ Ma̱ ani chic teꞌcua̱nk aran. Chalen anakcuan incꞌaꞌ chic ta̱cua̱nk tenamit saꞌ li naꞌajej aꞌan. Eb laj árabe incꞌaꞌ chic teꞌxyi̱b lix muheba̱leb aran, chi moco eb laj ilol xul teꞌxqꞌue lix queto̱mkeb aran.

Q'eqchi Bible

²⁰ Maajoq'e chik toxtenamito'q a'an, maajun chik tixtaw xch'ool kanaak aran. Ink'a' chik toxe'hilanq eb' laj Arabia sa' li na'ajej a'an, chi moko eb' laj ilol ketomq te'xk'eheb' li xkarneer chi ichajib'k aran.

Isaías 13:20 ပူးပေါင်းရင်းမြစ်များ

Jeremías 51:43

Ma̱cꞌaꞌ chic ta̱cana̱k saꞌ eb li tenamit li cuanqueb Babilonia. Ma̱ ani chic teꞌcua̱nk aran ut ma̱ ani chic teꞌnumekꞌ saꞌ li naꞌajej aꞌan.

Isaías 14:23

La̱in tinsukꞌisi li tenamit Babilonia chokꞌ xnaꞌajeb li cuarom. Tinsukꞌisi chokꞌ xsa̱b haꞌ. Chanchan mesunbil ta̱cana̱k li naꞌajej nak tinsach ru, chan li nimajcual Dios.

Jeremías 51:29

Lix tenamit laj Babilonia ta̱ecꞌa̱nk saꞌ xnaꞌaj ut ta̱rahokꞌ saꞌ xchꞌo̱l xban nak li Ka̱cuaꞌ oc re chixba̱nunquil li cꞌaꞌru quixye nak tixba̱nu reheb laj Babilonia. Tixsukꞌisi chaki chꞌochꞌ ut ma̱cꞌaꞌak chic cua̱nk aran.

Jeremías 51:25

La̱ex aj Babilonia, chanchanex jun li tzu̱l najt xteram. La̱ex li xexsachoc saꞌ chixjunil li ruchichꞌochꞌ. Abanan la̱in li Ka̱cuaꞌ. Yo̱ injoskꞌil saꞌ e̱be̱n. La̱in tinsach ru le̱ tenamit. Cꞌatbil nak ta̱osokꞌ.

Jeremías 50:45

Abihomak li cꞌaꞌru quixcꞌu̱b ru xba̱nunquil reheb laj Babilonia li Ka̱cuaꞌ. Abihomak li cꞌaꞌru tixba̱nu reheb li cuanqueb Babilonia. Quelonbil nak teꞌisi̱k li cocꞌal saꞌ li tenamit aꞌan ut ta̱sachekꞌ ru lix naꞌajeb.

Jeremías 50:39

Joꞌcan nak li nimla tenamit Babilonia ta̱sukꞌi̱k chokꞌ chaki chꞌochꞌ. Eb laj xoj ut eb li avestruz, ut eb li joskꞌ aj xul re li chaki chꞌochꞌ teꞌcua̱nk aran. Ma̱ jaruj chic teꞌcua̱nk cristian aran chalen anakcuan.

Jeremías 50:21

Li Ka̱cuaꞌ quixye: —Ayukex chi pletic riqꞌuineb li cuanqueb Merataim ut Pecod, ut camsihomakeb. Ba̱nuhomak li cꞌaꞌru xexintakla cuiꞌ, chan li Ka̱cuaꞌ.

Jeremías 50:13

Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

2 Crónicas 17:11

Cuanqueb laj filisteo queꞌxqꞌue xma̱tan laj Josafat ut queꞌxqꞌue ajcuiꞌ li plata chokꞌ xtojeb. Joꞌcaneb ajcuiꞌ laj árabes. Queꞌxsi xqueto̱mk laj Josafat. Queꞌxqꞌue cuukub mil riqꞌuin cuukub ciento li te̱lom carner ut queꞌxqꞌue ajcuiꞌ cuukub mil riqꞌuin cuukub ciento li te̱lom chiba̱t.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Cantares 1:7

At cui̱nk, la̱in nacatinra. Ye cue bar nacacꞌam la̱ queto̱mk re teꞌcuaꞌak. ¿Bar nacaqꞌueheb chi hila̱nc cuaꞌleb? ¿Cꞌaꞌut nak tento nak tinbeni cuib cha̱sicꞌbal saꞌ lix naꞌajeb lix queto̱mkeb laj ilol xul?

Isaías 21:1

Aꞌan aꞌin resil li raylal li ta̱cha̱lk saꞌ xbe̱neb laj Babilonia, li cuanqueb saꞌ li chaki chꞌochꞌ li cuan chire li palau. Eb li xicꞌ nequeꞌiloc reheb chanchanakeb li ca̱k-sut-ikꞌ nak teꞌcha̱lk saꞌ li chaki chꞌochꞌ, li naꞌajej li kꞌaxal yibru.

Jeremías 49:33

Li tenamit Hazor ta̱cana̱k chokꞌ xnaꞌajeb laj xoj. Ma̱cꞌaꞌ chic cua̱nk aran. Ma̱cꞌaꞌak chic cristian sa li tenamit aꞌan, chi moco teꞌnumekꞌ aran.

Li xHu LAJ JOB 3:7

Us raj nak junes rahil chꞌo̱lej quicuan saꞌ li kꞌojyi̱n nak quinyoꞌla. Ut ma̱ ani raj quibichan xban xsahil xchꞌo̱l.

Isaías 25:2

Xasacheb ru li xni̱nkal tenamit ut xajuqꞌueb li tzꞌac li sutsu cuiꞌ li nequeꞌxcol cuiꞌ rib li cuanqueb aran. Xapoꞌ chi junaj cua eb li palacio li queꞌxyi̱b li xicꞌ nequeꞌiloc ke. Ut ma̱ jokꞌe chic ta̱ru̱k xyi̱banquileb.

Isaías 34:17

Aꞌ li Ka̱cuaꞌ, aꞌan li quiqꞌuehoc reheb saꞌ xnaꞌajeb li junju̱nk. Aꞌan quisicꞌoc re lix naꞌajeb. Ut aran teꞌcua̱nk junelic kꞌe cutan.