Isaías 13:2 - Li Santil hu

² Taksihomak le̱ bandera saꞌ xbe̱n junak li tzu̱l ma̱cꞌaꞌ cheꞌ chiru. Japomak e̱re chixyebal reheb li soldado nak teꞌoc saꞌ li oqueba̱l li cuanqueb cuiꞌ li nequeꞌtaklan saꞌ xbe̱neb li tenamit.

Q'eqchi Bible

² “Taqsihomaq li reetalil li yalok sa' xb'een li t'ojoch aj tzuul, japomaq eere ut k'utomaq leeruq' chiruheb' laj puub' re naq te'ok sa' li rokeb'aaleb' li ninqeb' xwankil.

Isaías 13:2 ပူးပေါင်းရင်းမြစ်များ

Jeremías 51:58

Aꞌan aꞌin li naxye li Ka̱cuaꞌ li nimajcual Dios: —Ta̱juqꞌui̱k li tzꞌac chi junaj cua li sutsu cuiꞌ li tenamit usta kꞌaxal nim ru. Ut teꞌcꞌatekꞌ li oqueba̱l li kꞌaxal najt xteram. Ma̱cꞌaꞌ aj e nak queꞌxtacuasi ribeb li tenamit chi cꞌanjelac xban nak yal quicꞌateꞌ li cꞌaꞌru queꞌxyi̱b, chan.

Isaías 5:26

Li Ka̱cuaꞌ Dios chanchan nak tixtaksi lix bandera re xbokbaleb li jalan tenamit li cuanqueb chi najt. Chanchan nak xuxbanbil tixba̱nu reheb nak tixbokeb li tenamit li kꞌaxal najt cuanqueb chak. Ut eb li tenamit aꞌan saꞌ junpa̱t teꞌcha̱lk.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Jeremías 51:25

La̱ex aj Babilonia, chanchanex jun li tzu̱l najt xteram. La̱ex li xexsachoc saꞌ chixjunil li ruchichꞌochꞌ. Abanan la̱in li Ka̱cuaꞌ. Yo̱ injoskꞌil saꞌ e̱be̱n. La̱in tinsach ru le̱ tenamit. Cꞌatbil nak ta̱osokꞌ.

Isaías 10:32

Saꞌ li cutan aꞌan eb li xicꞌ nequeꞌiloc e̱re teꞌxyi̱b lix muheba̱leb aran Nob. Ut teꞌxic chi pletic saꞌ li tzu̱l Sión li cuan Jerusalén.

Isaías 18:3

¡Qꞌuehomak retal che̱junilex la̱ex li cuanquex saꞌ ruchichꞌochꞌ! Nak ta̱taksi̱k jun li retalil saꞌ xbe̱n li tzu̱l, ¡ilomak! Ut nak ta̱ya̱basi̱k li trompeta, ¡abihomak!

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Salmos 60:4

Xaqꞌue jun ketalil la̱o li nocorahoc a̱cue. Chanchan nak xaqꞌue jun li bandera re nak takacol rix li ya̱l.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Jeremías 50:41

Qꞌuehomak retal. Yo̱queb chak chi cha̱lc eb li soldado saꞌ li nimla tenamit li cuan saꞌ li norte. Rochbeneb aꞌan cuanqueb nabaleb li rey li teꞌcha̱lk saꞌ chixjunil li ruchichꞌochꞌ.

Jeremías 51:12

Taksihomak li bandera retalil nak te̱tiquib pletic riqꞌuineb li cuanqueb saꞌ xbe̱neb li tzꞌac li sutsu cuiꞌ li tenamit. Qꞌuehomak xtzꞌakobeb li soldado ut qꞌuehomakeb saꞌ xnaꞌaj li nequeꞌqꞌuehoc etal. Taklahomakeb chi pletic. Li Ka̱cuaꞌ tixba̱nu li cꞌaꞌru naraj xba̱nunquil joꞌ quixye nak tixba̱nu reheb laj Babilonia.