Isaías 13:17 - Li Santil hu

¹⁷ Tinqꞌue saꞌ xchꞌo̱leb laj Medo re nak teꞌxic chi pletic riqꞌuineb. Eb laj Medo incꞌaꞌ nequeꞌxra ru li oro chi moco li plata.

Q'eqchi Bible

¹⁷ Tinchiq' xjosq'ileb' laj Media chi yalok rik'ineb'; eb' a'an ink'a' naxik xch'ooleb' chirix li tumin chi moko neke'xrahi ru li oor.

Isaías 13:17 ပူးပေါင်းရင်းမြစ်များ

Jeremías 51:11

Li Ka̱cuaꞌ xqꞌue saꞌ xchꞌo̱leb lix reyeb laj Media nak teꞌxsach ruheb laj Babilonia. Li Ka̱cuaꞌ tixqꞌue re̱kaj li queꞌxba̱nu re lix templo li Ka̱cuaꞌ. La̱ex aj Media, cauresihomak le̱ tzimaj ut cauresihomak le̱ chꞌi̱chꞌ li nequecol cuiꞌ re le̱ chꞌo̱l.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

2 Reyes 17:6

Yo̱ chic xbele chihab roquic laj Oseas chokꞌ xreyeb laj Israel nak lix reyeb laj Asiria quire̱chani li tenamit Samaria ut quixcꞌameb chi pre̱xil laj Israel aran Asiria. Cuan li quixcanabeb saꞌ li naꞌajej Halah. Cuan li quixcanabeb saꞌ li naꞌajej Habor li cuan nachꞌ riqꞌuin li nimaꞌ Gozán. Ut cuan ajcuiꞌ li quixcanabeb saꞌ eb li tenamit li cuanqueb saꞌ xcue̱nt li tenamit Medo.

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Jeremías 50:3

Jun li nimla tenamit ta̱cha̱lk chak saꞌ li norte chi pletic riqꞌuineb laj Babilonia ut tixsach ruheb. Ma̱cꞌaꞌ chic ta̱cua̱nk aran, chi moco cristian, chi moco xul.”

Jeremías 50:30

Joꞌcan nak eb li cui̱nk li toj sa̱jeb teꞌcamsi̱k saꞌ eb li be ut eb lix soldados teꞌsachekꞌ ru saꞌ li ple̱t saꞌ li cutan aꞌan, chan li Ka̱cuaꞌ.

Jeremías 50:42

Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Daniel 5:26

Li xya̱lal aꞌan, joꞌcaꞌin na-el: Mene: Li Dios xrajla joꞌ najtil tatcua̱nk chokꞌ rey ut anakcuan xrakeꞌ la̱ cuanquil.