Isaías 13:14 - Li Santil hu

¹⁴ Eb li jalaneb xtenamit teꞌe̱lelik re teꞌxic saꞌ lix tenamiteb. Chanchanakeb li quej li nequeꞌe̱lelic chiruheb laj yo. Chanchanakeb li carner li nequeꞌxchaꞌchaꞌi ribeb yalak bar xban nak ma̱cꞌaꞌ aj ilol reheb.

Q'eqchi Bible

¹⁴ “Toja' naq eb' li poyanam jo'kaqeb' li yuk chi elelik malaj kama'aqeb' li karneer li neke'cha'chotk chi maajun chik nach'utub'ank reheb'. Li junjunq tixchap raanil sa' li xtenamit ut taa'eleliq toj sa' li xk'aleb'aal.

Isaías 13:14 ပူးပေါင်းရင်းမြစ်များ

1 Reyes 22:17

Ut li profeta Micaías quixye re: —La̱in xcuil nak chixjunileb li soldado aj Israel yo̱queb chixchaꞌchaꞌinquil ribeb chiru li tzu̱l. Chanchaneb li carner li ma̱cꞌaꞌ aj ilol reheb. Ut li Ka̱cuaꞌ quixye cue, “Eb li cristian aꞌin ma̱cꞌaꞌ aj ilol reheb. Cheꞌsukꞌi̱k saꞌ li rochocheb chixju̱nkaleb chi cꞌojcꞌo xchꞌo̱leb,” chan.—

Jeremías 50:16

Me̱canabeb chi a̱uc eb laj Babilonia chi moco te̱canabeb chi kꞌoloc saꞌ xkꞌehil li kꞌoloc. Xban li ple̱t eb li jalaneb xtenamit teꞌe̱lelik ut teꞌxic saꞌ lix tenamiteb.

1 Reyes 22:36

Nak qui-ecuu quiyeheꞌ resil reheb laj Israel nak tento teꞌsukꞌi̱k saꞌ xtenamiteb ut saꞌ rochocheb chi xju̱nkaleb.

Jeremías 51:9

Eb li cuanqueb aran queꞌxye: —Xkayal xbanbaleb laj Babilonia abanan incꞌaꞌ xeꞌqꞌuira. Kacanabakeb ut yoꞌkeb saꞌ li katenamit. Li Ka̱cuaꞌ quixqꞌueheb laj Babilonia chixtojbal lix ma̱queb xban nak xnumta li ma̱c xeꞌxba̱nu.

Isaías 47:15

Eb aꞌan incꞌaꞌ textenkꞌa usta xesicꞌ e̱tenkꞌanquil riqꞌuineb chalen saꞌ e̱sa̱jilal. Eb aꞌan teꞌxic chixba̱nunquil li cꞌaꞌru nequeꞌraj ut texcanab e̱junes. Ma̱ jun reheb aꞌan ta̱colok e̱re, chan li Ka̱cuaꞌ.

Isaías 17:13

Nak teꞌcha̱lk li tenamit chi pletic chanchanakeb lix cau ok li haꞌ. Abanan nak li Dios tixkꞌuseb, teꞌe̱lelik ut teꞌxic chi najt yalak bar. Chanchanakeb lix mokoj ixim li nacꞌameꞌ xban ikꞌ saꞌ eb li tzu̱l. Chanchanakeb li poks li nacꞌameꞌ xban ikꞌ li naxsuti rib.

San Mateo 9:36

Ut nak quirileb li qꞌuila tenamit, quixtokꞌobaheb ru xban nak tacuajenakeb ut raheb saꞌ xchꞌo̱l. Chanchaneb li carner li ma̱cꞌaꞌ aj ilol reheb.

San Marcos 6:34

Ut nak qui-el li Jesús saꞌ li jucub, quirileb li qꞌuila tenamit. Quixtokꞌoba ruheb xban nak chanchaneb li carner ma̱cꞌaꞌ aj ilol reheb. Ut nabal li cꞌaꞌak re ru quixtzoleb cuiꞌ.

1 Pedro 2:25

La̱ex sachso̱quex saꞌ le̱ ma̱c nak quexcuan chak. Chanchanex li carner sachenak li nachaꞌchaꞌi rib yalak bar chi ma̱cꞌaꞌ aj ilol re. Abanan anakcuan xexchal cuiꞌchic riqꞌuin li Cristo ut aꞌan chic ta̱ilok e̱re.

Isaías 21:15

Yo̱queb chi e̱lelic re nak incꞌaꞌ teꞌcamsi̱k chi chꞌi̱chꞌ chi moco riqꞌuin tzimaj. Yo̱queb chi e̱lelic re nak incꞌaꞌ teꞌcamsi̱k saꞌ li ple̱t.

Jeremías 25:12

Abanan nak acak xnumeꞌ li laje̱b xca̱cꞌa̱l chihab, la̱in tinqꞌue lix reyeb laj Babilonia chixtojbal lix ma̱c, joꞌ eb ajcuiꞌ li tenamit. La̱in tincanab lix naꞌajeb chi ma̱cꞌaꞌ cuan chi saꞌ chi junelic, chan li Dios.

Nahum 3:18

Ma̱cꞌaꞌ yo̱queb laj ilol reheb la̱ tenamit, at xreyeb laj Asiria. Chanchan junes cua̱rc yo̱queb. Junes hila̱nc nequeꞌxba̱nu li cauheb rib saꞌ la̱ tenamit ut chixjunileb li tenamit quilajeꞌxchaꞌchaꞌi ribeb saꞌ eb li tzu̱l. Ma̱ ani naru nachꞌutuban reheb.