Isaías 13:11 - Li Santil hu

¹¹ Li Ka̱cuaꞌ quixye: —La̱in tinqꞌueheb chixtojbal lix ma̱queb li incꞌaꞌ useb xnaꞌleb. Tinqꞌueheb chixtojbal lix ma̱queb xban li ma̱usilal nequeꞌxba̱nu. Tincubsi xcuanquileb li nequeꞌxnimobresi ribeb ut tinqꞌueheb chixtojbal lix ma̱queb li nequeꞌrahobtesin.

Q'eqchi Bible

¹¹ “Tinraqoq aatin sa' xb'een li ruuchich'och' xb'aan li xmaak -chan li Yos- ut tink'ajtesi ruheb' li ink'a' useb' xna'leb' xmaak li xmaa'usilaleb'. Twisi li xwankil eb' li neke'xnima rib' ut tinkub'siheb' xwankil li q'etq'et.

Isaías 13:11 ပူးပေါင်းရင်းမြစ်များ

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 5:15

Eb li cristian teꞌcubsi̱k xcuanquileb. Ut teꞌcubsi̱k ajcuiꞌ xcuanquileb li nequeꞌxkꞌetkꞌeti ribeb.

Isaías 26:21

Li Ka̱cuaꞌ ta̱cha̱lk chak saꞌ choxa chi rakoc a̱tin saꞌ xbe̱neb li tenamit. Ta̱cꞌutbesi̱k li camsi̱c li qui-uxman chi mukmu saꞌ ruchichꞌochꞌ. Incꞌaꞌ chic ta̱uxma̱nk li camsi̱nc chi mukmu.

Isaías 14:21

Ex tenamit, cauresihomak e̱rib ut te̱camsiheb li ralal xcꞌajol li rey aꞌin xban li ma̱usilal li queꞌxba̱nu lix yucuaꞌeb. Eb aꞌan incꞌaꞌ teꞌre̱chani li naꞌajej chi moco teꞌxyi̱b li xni̱nkal ru tenamit saꞌ ruchichꞌochꞌ.

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Li xHu LAJ JOB 40:12

Cꞌut xxuta̱neb li nequeꞌxnimobresi ribeb ut sach ruheb li incꞌaꞌ useb xnaꞌleb toj bar cuanqueb cuiꞌ.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Isaías 14:5

Li Ka̱cuaꞌ quixsach xcuanquileb li nequeꞌtaklan saꞌ ma̱usilal. Ut quirisi xcuanquileb li nequeꞌnumta saꞌ xbe̱neb li tenamit.

Isaías 22:14

Ut li Ka̱cuaꞌ li nimajcual Dios quia̱tinac cuiqꞌuin ut quixye cue: —Li ma̱c aꞌin li xeba̱nu la̱ex aj Jerusalén incꞌaꞌ tincuy toj retal nak texca̱mk. La̱in li nimajcual Dios xinyehoc re aꞌin, chan.

Isaías 23:9

Li Ka̱cuaꞌ li nimajcual Dios, aꞌan li quicꞌu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kꞌetkꞌeteb. Ta̱isi̱k xlokꞌaleb li nequeꞌqꞌueheꞌ xlokꞌal yalak bar saꞌ ruchichꞌochꞌ.

Isaías 24:21

Ta̱cuulak xkꞌehil nak li Ka̱cuaꞌ tixqꞌueheb chixtojbal xma̱queb li cuanqueb xcuanquil saꞌ choxa joꞌqueb ajcuiꞌ li cuanqueb xcuanquil saꞌ ruchichꞌochꞌ.

Isaías 25:3

Joꞌcan nak eb li tenamit li cauheb rib teꞌxqꞌue a̱lokꞌal. Ut eb li tenamit li kꞌaxal joskꞌeb teꞌxxucua a̱cuu.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.

Isaías 65:7

La̱in tinqꞌueheb chixtojbal rix li ma̱usilal li queꞌxba̱nu eb aꞌan joꞌ ajcuiꞌ li ma̱c li queꞌxba̱nu lix xeꞌto̱nil yucuaꞌeb nak queꞌxcꞌat li pom saꞌ eb li tzu̱l chiru lix artaleb ut quineꞌxtzꞌekta̱na. La̱in tinqꞌueheb lix kꞌajca̱munquil, chan li Dios.

Jeremías 48:29

La̱o xkabi resil nak nequeꞌxnimobresi ribeb laj Moab. Kꞌetkꞌeteb ut joskꞌeb. Nequeꞌxkꞌetkꞌeti ribeb ut aj kꞌetoleb a̱tin.

Habacuc 2:4

Aꞌan aꞌin li ta̱tzꞌi̱ba. Li incꞌaꞌ useb xnaꞌleb nequeꞌxnimobresi rib. Abanan li ti̱queb xchꞌo̱l ta̱cua̱nk xyuꞌameb xban lix pa̱ba̱leb.

Proverbios 11:31

Relic chi ya̱l nak li ti̱queb xchꞌo̱l nequeꞌxcꞌul lix kꞌajca̱munquil arin saꞌ ruchichꞌochꞌ. ¿Ma tojaꞌ ta chic eb laj ma̱c ut eb li incꞌaꞌ useb xnaꞌleb incꞌaꞌ teꞌxcꞌul xtojbal lix ma̱queb?

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Isaías 25:5

Ta̱cubsi xcuanquileb li jalan xtenamit joꞌ nak narisi xtikcual li sakꞌe li chok saꞌ junak li naꞌajej chaki ru. Ta̱cubsi xcuanquileb li nequeꞌxnimobresi ribeb.

Daniel 4:34

—Nak ac xnumeꞌ li cuukub chihab, chan li rey Nabucodonosor, la̱in quin-iloc saꞌ choxa ut quiqꞌueheꞌ cuiꞌchic cue lin naꞌleb. Ut la̱in quinlokꞌoni li nimajcual Dios. Quinqꞌue xlokꞌal li Ka̱cuaꞌ li yoꞌyo chi junelic. Aꞌan li cuan xcuanquil chi junelic kꞌe cutan.