Isaías 12:6 - Li Santil hu

⁶ Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Q'eqchi Bible

⁶ Japomaq eere chi b'ichank xb'aan xsahil leech'ool laa'ex li wankex Sión, xb'aan naq li Yos, li xSant laj Israel, wank sa' eeyanq rik'in xnimal xwankil”.

Isaías 12:6 ပူးပေါင်းရင်းမြစ်များ

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Salmos 9:11

Bichahomak xlokꞌal li Ka̱cuaꞌ Dios li cuan saꞌ li santil naꞌajej Sión. Ut cheserakꞌihak resil saꞌ eb li tenamit li cꞌaꞌru quixba̱nu li Dios.

Isaías 41:14

Mexxucuac, la̱ex li ralal xcꞌajolex laj Jacob. Mexxucuac la̱ex aj Israel usta ma̱cꞌaꞌ e̱cuanquil ut usta incꞌaꞌ qꞌuihex. La̱in tintenkꞌa̱nk e̱re, chan li Ka̱cuaꞌ. La̱in aj Colol e̱re. La̱in le̱ santil Dios la̱ex aj Israel.

Ezequiel 48:35

Chixjunil li tzꞌac li sutsu̱k cuiꞌ li tenamit, aꞌan bele̱b kilómetro xnimal. Ut chalen saꞌ li cutan aꞌan, lix cꞌabaꞌ li tenamit aꞌan Jehová-sama. Chi jalbil ru naraj naxye “Li Ka̱cuaꞌ cuan arin.”

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Salmos 71:22

At inDios, la̱in tinqꞌue a̱lokꞌal riqꞌuin li salterio. Ut tinbicha̱nk riqꞌuin arpa re xyebal resil lix ti̱quilal la̱ chꞌo̱l. La̱at li Dios Santo reheb laj Israel.

Sofonías 2:5

Ra cha̱lc re saꞌ e̱be̱n la̱ex aj Creta li cuanquex chire li palau. Li Ka̱cuaꞌ xqꞌue ajcuiꞌ jun li raylal saꞌ e̱be̱n la̱ex aj filisteo nak quixye: —La̱ex aj filisteo li cuanquex saꞌ li naꞌajej Canaán, tinsach e̱ru chi junaj cua. Ma̱ jun chi cristian ta̱cana̱k saꞌ le̱ tenamit.

Ezequiel 43:7

Quixye cue: —At ralal cui̱nk, aꞌan aꞌin lix naꞌaj lin cꞌojariba̱l. Aꞌan aꞌin xnaꞌaj li cuok. La̱in tincua̱nk arin chi junelic saꞌ xya̱nkeb li ralal xcꞌajol laj Israel. La̱in tintakla̱nk saꞌ xbe̱neb chi junelic kꞌe cutan. Incꞌaꞌ chic teꞌxmux ru lin cꞌabaꞌ riqꞌuin xlokꞌoninquil li jalanil dios. Chi moco laj Israel chi moco lix reyeb teꞌxba̱nu li ma̱usilal aꞌan. Chi moco teꞌxyi̱b saꞌ li naꞌajej li najt xteram lix jalam u̱ch lix reyeb li queꞌcam.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Isaías 30:19

Relic chi ya̱l la̱ex texcua̱nk cuiꞌchic aran Sión saꞌ li tenamit Jerusalén. Incꞌaꞌ chic texya̱bak. Kꞌaxal nim li ruxta̱n li Ka̱cuaꞌ. Nak te̱ya̱ba lix cꞌabaꞌ, li Ka̱cuaꞌ ta̱rabi le̱ tij.

Isaías 24:23

Ta̱kꞌojyi̱nokꞌ ru li sakꞌe joꞌ ajcuiꞌ li po nak li nimajcual Dios cua̱nk chokꞌ tzꞌakal rey. Ut aꞌan ta̱takla̱nk saꞌ xbe̱neb li cuanqueb Jerusalén saꞌ li tzu̱l Sión. Ut li nequeꞌtaklan saꞌ xbe̱neb li tenamit teꞌril lix lokꞌal li Ka̱cuaꞌ.

Isaías 10:24

Li Ka̱cuaꞌ li nimajcual Dios naxye reheb lix tenamit li cuanqueb Sión: —Ex intenamit, mexxucuac chiruheb laj Asiria usta teꞌxba̱nu raylal e̱re joꞌ queꞌxba̱nu eb laj Egipto.

Isaías 8:18

La̱in cuanquin arin cuochbeneb li cualal li quixqꞌue cue li Ka̱cuaꞌ. Cotakla̱c chak xban li nimajcual Dios li nacuan saꞌ li tzu̱l Sión joꞌ jun retalil chokꞌ reheb laj Israel.

Salmos 132:14

Quixye: —Aꞌan aꞌin li naꞌajej nacuaj chokꞌ innaꞌaj. Aran tincua̱nk chi junelic xban nak nacuulac chicuu li naꞌajej aꞌan.

Salmos 89:18

At nimajcual Dios, la̱at li nacatcoloc ke. La̱at li karey la̱o aj Israel. La̱at santo.

Salmos 68:16

Eb li tzu̱l aꞌan chanchan nak nequeꞌxcakali li tzu̱l Sión. Usta kꞌaxal najt xterameb ut chꞌinaꞌuseb, abanan li tzu̱l Sión kꞌaxal cuiꞌchic lokꞌ chiruheb aꞌan xban nak li Dios quiraj nak aran ta̱cua̱nk lix templo. Ut li Ka̱cuaꞌ ta̱cua̱nk aran chi junelic kꞌe cutan.

Salmos 46:5

Li Dios cuan riqꞌuin lix tenamit junelic ut aꞌan ta̱colok re. Li Dios ta̱tenkꞌa̱nk re chi sake̱uc.

Salmos 99:2

Kꞌaxal nim xcuanquil li Ka̱cuaꞌ li cuan Sión ut kꞌaxal nim xcuanquil saꞌ xbe̱neb chixjunileb li tenamit.

Isaías 1:24

Joꞌcan nak li Ka̱cuaꞌ li nimajcual Dios, li cau rib saꞌ xbe̱neb laj Israel, naxye chi joꞌcaꞌin: —La̱in tincuisi injoskꞌil saꞌ e̱be̱n la̱ex li xicꞌ nequex-iloc cue. Tinqꞌue re̱kaj e̱re li cꞌaꞌru nequeba̱nu cue.

Isaías 24:14

Eb li incꞌaꞌ teꞌsachekꞌ teꞌbicha̱nk xban xsahil xchꞌo̱leb ut eb li cuanqueb chire li palau teꞌxye nak kꞌaxal nim xcuanquil li Ka̱cuaꞌ.

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Jeremías 10:6

At Ka̱cuaꞌ, kꞌaxal nim la̱ cuanquil. Ma̱ ani juntakꞌe̱t a̱cuiqꞌuin. Nim xcuanquil la̱ cꞌabaꞌ ut kꞌaxal lokꞌ.

Ezequiel 35:10

La̱ex queye nak li cuib chi tenamit Judá ut Israel te̱re̱chani joꞌ ajcuiꞌ chixjunil li naꞌajej. Ta̱cana̱k chokꞌ e̱re li naꞌajej, chanquex, usta la̱in lix Dioseb.

Ezequiel 39:7

Riqꞌuin li cꞌaꞌru tinba̱nu tincꞌutbesi chiruheb lin tenamit Israel nak lin cꞌabaꞌ, aꞌan Santo. Incꞌaꞌ chic tinqꞌue chi muxecꞌ lin santil cꞌabaꞌ. Ut chixjunileb li xni̱nkal ru tenamit teꞌxqꞌue retal nak la̱in li Ka̱cuaꞌ lix santil Dioseb laj Israel.

Ezequiel 48:8

Ut li naꞌajej li cuan chixcꞌatk lix chꞌochꞌ laj Judá ta̱cana̱k chokꞌ xnaꞌaj li templo. Naticla saꞌ li este ut nacuulac toj chire li palau. Cablaju kilómetro xnimal ru. Ut lix nimal rok, aꞌan juntakꞌe̱t riqꞌuin li teꞌxcꞌul lix te̱paleb laj Israel. Ut li templo ta̱cua̱nk saꞌ xyi li naꞌajej aꞌan.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Números 23:21

Ma̱cꞌaꞌ raylal yo̱queb chixba̱nunquil laj Israel li ralal xcꞌajol laj Jacob. Eb aꞌan cuanqueb saꞌ xya̱lal. Li Ka̱cuaꞌ lix Dioseb cuan riqꞌuineb. Ut nequeꞌxnau nak aꞌan lix reyeb.

Deuteronomio 23:15

Cui junak li lokꞌbil mo̱s nacuulac e̱riqꞌuin chixcolbal rib, me̱kꞌaxtesi chic re lix patrón.

Salmos 135:21

Cheqꞌuehak taxak xlokꞌal li Ka̱cuaꞌ aran Sión. Cheqꞌuehak taxak xlokꞌal saꞌ lix tenamit Jerusalén. ¡Lokꞌoninbil taxak li nimajcual Dios!

Isaías 33:21

Ut li Ka̱cuaꞌ li kꞌaxal nim xcuanquil cua̱nk kiqꞌuin ut toxcol. Chanchanak jun li nimaꞌ nim ru ut tuktu ru. Ut ma̱ jun li xicꞌ na-iloc ke ta̱ru̱k ta̱xic saꞌ li nimaꞌ aꞌan saꞌ lix jucub chikachꞌiꞌchꞌiꞌinquil.

Joel 2:27

Ut te̱nau nak la̱in cua̱nkin saꞌ e̱ya̱nk, la̱ex aj Israel. Ut te̱nau ajcuiꞌ nak la̱in li Ka̱cuaꞌ le̱ Dios ut ma̱cꞌaꞌ chic junak Dios. Ut incꞌaꞌ chic texincanab chi hobecꞌ la̱ex intenamit.

Zacarías 2:9

Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.