Isaías 12:5 - Li Santil hu

⁵ Bichahomak xlokꞌal li Ka̱cuaꞌ xban li sachba chꞌo̱lej li nalajxba̱nu. Chi-abi̱k resil li cꞌaꞌru nalajxba̱nu saꞌ chixjunil li ruchichꞌochꞌ.

Q'eqchi Bible

⁵ B'ichanqex chiru li Qaawa' xb'aan naq xb'aanu sachb'ach'oolej li tento taanawmanq sa' chixjunil li ruuchich'och'.

Isaías 12:5 ပူးပေါင်းရင်းမြစ်များ

Salmos 98:1

Bichahomak li acꞌ bich re xlokꞌoninquil li Ka̱cuaꞌ xban li sachba chꞌo̱lej naxba̱nu. Xban nak ti̱c xchꞌo̱l li Ka̱cuaꞌ, aꞌan xnumta saꞌ xbe̱neb chixjunileb li xicꞌ nequeꞌiloc re riqꞌuin lix nimal xcuanquil.

Éxodo 15:1

Laj Moisés rochbeneb laj Israel queꞌbichan re xlokꞌoninquil li Ka̱cuaꞌ Dios. Aꞌin lix bicheb: La̱in tinbicha̱nk chiru li Ka̱cuaꞌ Dios xban nak kꞌaxal nim lix cuanquilal. Quixcanabeb chi osocꞌ saꞌ li haꞌ li cacua̱y joꞌ eb ajcuiꞌ li cuanqueb chirix.

Habacuc 2:14

Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ.

Isaías 40:9

At aj yehol esil, taken saꞌ li nimla tzu̱l re nak chi cau xya̱b a̱cux ta̱ye li cha̱bil esil reheb li tenamit Sión. Ta̱ye reheb laj Jerusalén chi ma̱cꞌaꞌ a̱xiu. Chayehak resil reheb chixjunileb li tenamit li cuanqueb xcue̱nt Judá ut ta̱ye, “cha̱lc re li Ka̱cuaꞌ le̱ Dios.”

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

Apocalipsis 15:3

Yo̱queb chixbichanquil li bich li quixbicha laj Moisés laj cꞌanjel chiru li Dios re xlokꞌoninquil li Jun li chanchan carner. Ut yo̱queb chixyebal: At Ka̱cuaꞌ, at nimajcual Dios, nim a̱cuanquil ut sachba chꞌo̱lej rilbal li nacaba̱nu. Kꞌaxal ti̱c a̱chꞌo̱l ut junelic nacaye li ya̱l. La̱at li tzꞌakal rey. Kꞌaxal nim a̱cuanquil saꞌ xbe̱neb chixjunileb li tenamit.

Salmos 105:2

Chebicha̱k li bich re xqꞌuebal xlokꞌal li Ka̱cuaꞌ. Ut yehomak resil li sachba chꞌo̱lej li naxba̱nu riqꞌuin lix cuanquil.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Isaías 24:14

Eb li incꞌaꞌ teꞌsachekꞌ teꞌbicha̱nk xban xsahil xchꞌo̱leb ut eb li cuanqueb chire li palau teꞌxye nak kꞌaxal nim xcuanquil li Ka̱cuaꞌ.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 42:11

Cheꞌbicha̱nk chixjunileb li cuanqueb saꞌ li chaki chꞌochꞌ joꞌ eb ajcuiꞌ li cuanqueb saꞌ eb li tenamit. Cheꞌsahokꞌ taxak saꞌ xchꞌo̱leb li cuanqueb Cedar. Cheꞌbicha̱nk xban xsahil xchꞌo̱l li cuanqueb Sela. Cheꞌxjapak reheb xban xsahil xchꞌo̱leb saꞌ xbe̱neb li tzu̱l.

Isaías 44:23

Chanchan nak tixjap re chi bicha̱nc li choxa re xqꞌuebal xlokꞌal li Ka̱cuaꞌ. Chanchan nak tixjap re li chamal li ruchichꞌochꞌ, joꞌ ajcuiꞌ li tzu̱l ut chixjunil li cheꞌ li cuan saꞌ qꞌuicheꞌ. Teꞌsahokꞌ saꞌ xchꞌo̱leb xban nak li Ka̱cuaꞌ quixcꞌutbesi lix cuanquilal nak quixcoleb laj Israel li ralal xcꞌajol laj Jacob.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.