Isaías 12:4 - Li Santil hu

⁴ Ta̱cuulak xkꞌehil nak eb li tenamit teꞌxye: —Bichahomak xlokꞌal li Ka̱cuaꞌ. Cheqꞌuehak xlokꞌal lix cꞌabaꞌ. Yehomak resilal reheb li tenamit li nalajxba̱nu li Ka̱cuaꞌ. Yehomak resilal nak kꞌaxal nim lix cuanquil.

Q'eqchi Bible

⁴ ut teeye sa' li kutan a'an: “Yoxinqex chiru li Qaawa' ut terq'usihomaq li xk'ab'a'; puktesihomaq resil li xninqal xb'aanuhom, ch'olob'omaq reheb' li tenamit naq nim xwankil sa' xb'een chixjunil.

Isaías 12:4 ပူးပေါင်းရင်းမြစ်များ

Salmos 105:1

Cheqꞌuehak xlokꞌal li nimajcual Dios. Yehomak resil lix nimal xcuanquilal. Yehomak resil reheb li tenamit li cꞌaꞌru quilajxba̱nu.

1 Crónicas 29:11

At Ka̱cuaꞌ, a̱cue la̱at li cuanquilal, li lokꞌal ut li lokꞌoni̱c. A̱cꞌulub nak ta̱qꞌuehekꞌ a̱lokꞌal ut ta̱nima̱k a̱cuu. Chixjunil li cꞌaꞌru cuan, a̱cue la̱at, joꞌ li cuan saꞌ choxa, joꞌ ajcuiꞌ li cuan saꞌ ruchichꞌochꞌ. A̱cue la̱at li cuanquilal. La̱at li kꞌaxal nim a̱cuanquil saꞌ xbe̱n chixjunil.

Isaías 25:1

At Ka̱cuaꞌ, la̱at lin Dios. Tinqꞌue a̱lokꞌal ut tinnima la̱ cꞌabaꞌ. Xban nak ti̱c a̱chꞌo̱l, xaba̱nu li sachba chꞌo̱lej li xacꞌu̱b chak ru xba̱nunquil najter.

San Juan 17:26

La̱in xincꞌut chiruheb anihat la̱at ut toj tinchꞌolob cuiꞌchic chiruheb re nak teꞌrahok joꞌ nak niquina̱ra la̱at, ut la̱in tincua̱nk riqꞌuineb, chan li Jesús nak quitijoc.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.

Salmos 57:5

At Ka̱cuaꞌ, nimanbilak taxak a̱cuu saꞌ choxa, ut chicꞌutu̱nk taxak la̱ lokꞌal saꞌ chixjunil li ruchichꞌochꞌ.

Salmos 18:46

Yoꞌyo li Ka̱cuaꞌ. Lokꞌoninbil taxak ru li Ka̱cuaꞌ. Aꞌan chanchan jun nimla sako̱nac bar nincol cuiꞌ cuib. Chinima̱k taxak xlokꞌal li Ka̱cuaꞌ laj Colol cue.

Nehemías 9:5

Laj Jesúa, laj Cadmiel, laj Bani, laj Hasabnías, laj Serebías, laj Hodías, laj Sebanías, ut laj Petaías queꞌxye reheb li tenamit: —Cuaclinkex. Qꞌuehomak xlokꞌal li Ka̱cuaꞌ li kaDios, li kꞌaxal nim xcuanquil. Qꞌuehomak xlokꞌal chi junelic. Chiqꞌuehekꞌ taxak xlokꞌal lix lokꞌlaj cꞌabaꞌ ut chinima̱k taxak ru chi junelic kꞌe cutan.—

Éxodo 33:19

Li Dios quixye: —La̱in tincꞌut cha̱cuu chixjunil li cuusilal ut tinye lin cꞌabaꞌ a̱cue. La̱in li nimajcual Dios. Tincuil xtokꞌoba̱leb ru li ani li tincuaj ut tincuuxta̱naheb ajcuiꞌ ru li ani tincuaj.

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 33:5

Li Ka̱cuaꞌ cuan saꞌ choxa ut kꞌaxal nim lix cuanquil saꞌ xbe̱n chixjunil li cꞌaꞌru cuan. Ut tixqꞌueheb chi cua̱nc saꞌ ti̱quilal ut saꞌ cha̱bilal li cuanqueb Sión.

Isaías 24:15

Cheꞌxqꞌuehak taxak xlokꞌal li Dios li cuanqueb saꞌ li ru takꞌa. Cheꞌxnima̱k ru lix Dioseb laj Israel li cuanqueb chire li palau.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Isaías 2:17

Eb li nequeꞌxnimobresi ribeb ut eb li nequeꞌxkꞌetkꞌeti ribeb ta̱cubsi̱k xcuanquileb. Saꞌ eb li cutan aꞌan caꞌaj cuiꞌ li Ka̱cuaꞌ Dios ta̱nima̱k xcuanquil.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Salmos 113:5

Ma̱ ani chic junak cui̱nk cuan xcuanquil joꞌ lix cuanquil li Ka̱cuaꞌ li kaDios. Aꞌan li rey li cuan saꞌ choxa.

Salmos 107:22

Cheꞌxqꞌuehak taxak lix mayejeb re xbantioxinquil chiru li Ka̱cuaꞌ. Cheꞌbicha̱nk taxak xban xsahil xchꞌo̱leb ut teꞌxye taxak resil li usilal li quilajxba̱nu li Ka̱cuaꞌ reheb.

Salmos 97:9

Nequeꞌsahoꞌ saꞌ xchꞌo̱leb xban nak la̱at, at nimajcual Dios, nim a̱cuanquil saꞌ xbe̱neb chixjunileb li cuanqueb saꞌ ruchichꞌochꞌ. Ut kꞌaxal nim a̱cuanquil saꞌ xbe̱neb chixjunileb li yi̱banbil dios.

Salmos 96:3

Yehomak resil lix lokꞌal reheb chixjunileb li tenamit ut yehomak resil li sachba chꞌo̱lej li nalajxba̱nu.

Salmos 73:28

Abanan chokꞌ cue la̱in kꞌaxal us li cua̱nc a̱cuiqꞌuin, at Ka̱cuaꞌ. At nimajcual Dios, cauhak inchꞌo̱l a̱cuiqꞌuin re nak tinye resil li calaja̱ba̱nu.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

Salmos 40:5

At Ka̱cuaꞌ, at kaDios, numtajenak li usilal xaba̱nu ke. Ma̱ ani naru nacatkajuntakꞌe̱ta cuiꞌ. Junelic yo̱cat chi cꞌoxlac chikix. Nacuaj raj xyebal resil joꞌ qꞌuial xaba̱nu, abanan incꞌaꞌ ninru xyebal xban nak numtajenak cuiꞌchic la̱ cuusilal.

Salmos 34:3

Chikalokꞌonihak li Ka̱cuaꞌ saꞌ comonil. Chikaqꞌuehak xlokꞌal lix cꞌabaꞌ chi junaj kacꞌaꞌux.

Salmos 22:31

Ta̱yehekꞌ ajcuiꞌ resil li Ka̱cuaꞌ reheb li toj teꞌyoꞌla̱k mokon ut ta̱yehekꞌ resil chanru lix ti̱quilal ut chanru nak quixcol lix tenamit.

Salmos 21:13

Tatkalokꞌoni, at Ka̱cuaꞌ, xban nak riqꞌuin xnimal la̱ cuanquilal xoa̱col. Tobicha̱nk chi anchal kachꞌo̱l re a̱lokꞌoninquil.

Salmos 9:11

Bichahomak xlokꞌal li Ka̱cuaꞌ Dios li cuan saꞌ li santil naꞌajej Sión. Ut cheserakꞌihak resil saꞌ eb li tenamit li cꞌaꞌru quixba̱nu li Dios.

1 Crónicas 16:8

—Cheqꞌuehak xlokꞌal li Ka̱cuaꞌ. Cheya̱ba lix cꞌabaꞌ. Yehomak resil reheb chixjunileb li tenamit li cꞌaꞌru quilajxba̱nu.

Salmos 148:13

Cheꞌxqꞌuehak taxak xlokꞌal lix santil cꞌabaꞌ li nimajcual Dios xban nak caꞌaj cuiꞌ aꞌan li kꞌaxal nim xcuanquil. Ut aꞌan li kꞌaxal lokꞌ chiru chixjunil li cuan saꞌ choxa joꞌ ajcuiꞌ saꞌ ruchichꞌochꞌ.

Isaías 26:8

At Ka̱cuaꞌ, yo̱co chixba̱nunquil joꞌ nacacuaj la̱at re xqꞌuebal xlokꞌal la̱ cꞌabaꞌ. Li cꞌaꞌru nakaj, aꞌan oybeni̱nc a̱cuiqꞌuin ut li kacꞌaꞌux cua̱nk a̱cuiqꞌuin.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

Salmos 68:5

Li Dios, aꞌan nacuan junelic saꞌ lix santil ochoch. Aꞌan xyucuaꞌeb li ma̱cꞌaꞌeb xnaꞌ xyucuaꞌeb ut aꞌan ajcuiꞌ na-iloc reheb li xma̱lcaꞌan.