Isaías 12:2 - Li Santil hu

² Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Q'eqchi Bible

² A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Isaías 12:2 ပူးပေါင်းရင်းမြစ်များ

Éxodo 15:2

Li Ka̱cuaꞌ Dios naxqꞌue incuanquilal. Xban aꞌan ninbichan. Li Dios aꞌan quinixcol. Aꞌan lin Dios ut aꞌan tinlokꞌoni. Aꞌan ajcuiꞌ lix Dios lin yucuaꞌ ut aꞌan tinnima ru.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

Salmos 118:14

La̱in ninbichan re xlokꞌoninquil li nimajcual Dios. Aꞌan naqꞌuehoc inmetzꞌe̱u ut aꞌan nacoloc cue.

Apocalipsis 7:10

Ut japjo̱queb re chixyebal: Li kacolbal riqꞌuin li Dios nachal chak, li cꞌojcꞌo saꞌ lix lokꞌlaj cꞌojariba̱l, ut riqꞌuin ajcuiꞌ li Jun li chanchan carner.

Jonás 2:9

Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Jeremías 23:6

Nak cua̱nk saꞌ xcuanquil, eb laj Judá teꞌcua̱nk chi ma̱cꞌaꞌ chꞌaꞌajquilal. Eb laj Israel teꞌcua̱nk chi cꞌojcꞌo xchꞌo̱leb. Ut li rey aꞌan tixcꞌabaꞌin “Li Ka̱cuaꞌ aj qꞌuehol ti̱quilal”.

Jeremías 3:23

Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Salmos 83:18

re nak chixjunileb teꞌxnau nak caꞌaj cuiꞌ la̱at li nimajcual Dios li cuan a̱cuanquil saꞌ xbe̱n chixjunil li ruchichꞌochꞌ.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

Romanos 1:16

Incꞌaꞌ ninxuta̱nac chixchꞌolobanquil xya̱lal li colba-ib xban nak aꞌan lix nimal xcuanquil li Dios re xcolbal chixjunil li teꞌpa̱ba̱nk re. Li colba-ib xbe̱n cua qꞌuebil reheb laj judío ut qꞌuebil ajcuiꞌ reheb li ma̱cuaꞌeb aj judío.

Oseas 1:7

Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.

Isaías 62:11

Li Ka̱cuaꞌ quixye reheb chixjunileb li cuanqueb saꞌ ruchichꞌochꞌ: —Yehomak reheb li cuanqueb Sión nak li Ka̱cuaꞌ ta̱cha̱lk chixcolbaleb. Ut tixcꞌam chak lix kꞌajca̱munquileb li ac xcoleb.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Isaías 7:14

Joꞌcan ut nak li Ka̱cuaꞌ ta̱qꞌuehok e̱re junak retalil. Aꞌan aꞌin li retalil li ta̱qꞌuehekꞌ e̱re: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk xcꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ.

1 Samuel 2:1

Lix Ana quitijoc chiru li Dios ut quixye chi joꞌcaꞌin: —At Ka̱cuaꞌ, la̱in nasahoꞌ saꞌ inchꞌo̱l a̱cuiqꞌuin xban nak la̱at nacaqꞌue incacuilal re nak naru ninsumeheb li xicꞌ nequeꞌiloc cue. Cꞌajoꞌ xsahil inchꞌo̱l xban nak la̱at xattenkꞌan cue, chan lix Ana saꞌ lix tij.

Li xHu LAJ JOB 13:16

Ma̱re xban nak tina̱tinak riqꞌuin tincolekꞌ. ¿Ma ta̱ru̱k ta biꞌ ta̱a̱tinak riqꞌuin li Dios junak li incꞌaꞌ us xnaꞌleb? ¿Ma incꞌaꞌ ta biꞌ ta̱xucuak?

Salmos 112:8

Incꞌaꞌ naxucuac xban nak cꞌojcꞌo xchꞌo̱l riqꞌuin li Dios. Naxnau nak ta̱cuulak xkꞌehil nak teꞌsachekꞌ xcuanquil li xicꞌ nequeꞌiloc re.

Isaías 10:24

Li Ka̱cuaꞌ li nimajcual Dios naxye reheb lix tenamit li cuanqueb Sión: —Ex intenamit, mexxucuac chiruheb laj Asiria usta teꞌxba̱nu raylal e̱re joꞌ queꞌxba̱nu eb laj Egipto.

Isaías 17:10

La̱ex aj Israel, xetzꞌekta̱na li Ka̱cuaꞌ laj colol e̱re. Incꞌaꞌ xepatzꞌ e̱tenkꞌanquil re li Dios li chanchan li sako̱nac li xecol cuiꞌ raj e̱rib. Xerau ban li acui̱mk chꞌinaꞌus re xqꞌuebal xlokꞌal li jalanil dios.

Isaías 27:5

Cui eb li xicꞌ nequeꞌiloc re lin tenamit teꞌraj nak tincoleb, teꞌcha̱lk raj cuiqꞌuin. Teꞌxcꞌam raj ribeb saꞌ usilal cuiqꞌuin, chan li Dios.

Isaías 49:5

Li Ka̱cuaꞌ quiqꞌuehoc cue chi yoꞌla̱c riqꞌuin lin naꞌ re nak tinsukꞌisiheb cuiꞌchic riqꞌuin laj Israel, li ralal xcꞌajol laj Jacob. Chiru li Ka̱cuaꞌ lin Dios la̱in cuan inlokꞌal ut li Ka̱cuaꞌ lin Dios naqꞌuehoc inmetzꞌe̱u.

Isaías 50:10

Abihomak la̱ex li nequexucua ru li Dios ut nequeba̱nu li cꞌaꞌru naxye laj cꞌanjel chiru. Cui cuanquex saꞌ kꞌojyi̱n ut ma̱cꞌaꞌ e̱saken, checacuubresihak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin le̱ Dios.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Isaías 65:18

Chisahokꞌ taxak saꞌ le̱ chꞌo̱l chi junelic xban li cꞌaꞌru tinyi̱b. La̱in tinyi̱b jun acꞌ Jerusalén nujenak chi sahil chꞌo̱lejil. Ut numtajenak xsahileb xchꞌo̱l li teꞌcua̱nk aran.

Daniel 3:28

Tojoꞌnak li rey Nabucodonosor quixye: —Lokꞌoninbil taxak li Dios li nequeꞌxlokꞌoni laj Sadrac, laj Mesac ut laj Abed-nego xban nak aꞌan xtakla chak lix ángel chixcolbaleb li cui̱nk aꞌin li nequeꞌxlokꞌoni ut nequeꞌcꞌanjelac chiru. Incꞌaꞌ queꞌxlokꞌoni li jalam u̱ch joꞌ quintaklaheb. Xeꞌxkꞌaxtesi ribeb chi ca̱mc chiru xcuikꞌibanquil ribeb chixlokꞌoninquil li jalanil dios.

Joel 2:23

Chisahokꞌ taxak saꞌ e̱chꞌo̱l la̱ex li cuanquex Sión. Chisahokꞌ taxak saꞌ e̱chꞌo̱l riqꞌuin li Ka̱cuaꞌ, xban nak aꞌan ta̱qꞌuehok e̱re li cꞌaꞌru nequeraj. Aꞌan tixqꞌue li hab saꞌ xkꞌehil. Tixqꞌue saꞌ sakꞌehil ut tixqꞌue ajcuiꞌ saꞌ habalkꞌe joꞌ quixba̱nu junxil.

Habacuc 3:18

Usta chixjunil li cꞌaꞌak re ru aꞌin ma̱cꞌaꞌak chic, abanan la̱in ta̱sahokꞌ saꞌ inchꞌo̱l riqꞌuin li Ka̱cuaꞌ laj Colol cue.

2 Samuel 7:24

La̱at catsicꞌoc ruheb laj Israel re nak aꞌanakeb la̱ tenamit chi junelic. Ut la̱at, at Ka̱cuaꞌ, la̱atak lix Dioseb.

Salmos 65:6

La̱at xatxakaban reheb li tzu̱l ut cuanqueb saꞌ xnaꞌajeb xban xnimal la̱ cuanquilal.

Salmos 68:20

Li kaDios, aꞌan aj Colol ke ut aꞌan ta̱colok ke re nak incꞌaꞌ tocamsi̱k xbaneb li xicꞌ nequeꞌiloc re li Dios.

Salmos 68:21

Relic chi ya̱l li Ka̱cuaꞌ tixsacheb ru li xicꞌ nequeꞌiloc re. Tixsacheb chi junaj cua xban nak incꞌaꞌ nequeꞌxcanab ma̱cobc.

Salmos 118:21

At Ka̱cuaꞌ, la̱in tinqꞌue a̱lokꞌal xban nak xina̱cuabi nak xintzꞌa̱ma intenkꞌanquil cha̱cuu. Ut la̱at xina̱col.

Isaías 33:22

Li Ka̱cuaꞌ Dios, aꞌan li ta̱rakok a̱tin saꞌ kabe̱n. Aꞌan ta̱qꞌuehok ke li chakꞌrab. Li Ka̱cuaꞌ, aꞌan li karey ut aꞌan ajcuiꞌ li ta̱colok ke.

Isaías 38:20

At Ka̱cuaꞌ, la̱at tatcolok cue. Takachꞌeꞌ li ka-arpa ut takabicha la̱ lokꞌal. Takabicha la̱ lokꞌal saꞌ la̱ templo joꞌ najtil yoꞌyo̱ko, chan laj Ezequías.

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.