Isaías 11:9 - Li Santil hu

⁹ Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Q'eqchi Bible

⁹ Sa' chixjunil linsantil tzuul maajun taab'aanunq maa'usilal malaj taarahob'tesinq ras riitz'in, xb'aan naq chixjunileb' te'xnaw chik ru li Qaawa'. Jo' naq li ha' naxtamresi li palaw, jo'kan ajwi' li xraab'al li Qaawa' tixnujob'resi chixjunil li ruuchich'och'.

Isaías 11:9 ပူးပေါင်းရင်းမြစ်များ

Habacuc 2:14

Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ.

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Salmos 72:19

Lokꞌoninbil taxak xcꞌabaꞌ chi junelic kꞌe cutan. Ut chixjunileb taxak li cuanqueb saꞌ ruchichꞌochꞌ teꞌxqꞌue xlokꞌal. Joꞌcan taxak.

Li xHu LAJ JOB 5:23

Eb li pec li cuanqueb saꞌ xya̱nkeb la̱ cuacui̱mk incꞌaꞌ tateꞌxchꞌiꞌchꞌiꞌi. Ut eb li joskꞌ aj xul sahakeb xchꞌo̱l a̱cuiqꞌuin.

Zacarías 14:9

Ut li Ka̱cuaꞌ, aꞌanak chic li tzꞌakal Rey saꞌ chixjunil li ruchichꞌochꞌ. Saꞌ eb li cutan aꞌan, jun ajcuiꞌ li Ka̱cuaꞌ teꞌxlokꞌoni. Aꞌan li Ka̱cuaꞌ Dios. Ut caꞌaj chic lix cꞌabaꞌ aꞌan teꞌxqꞌue xlokꞌal.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Isaías 49:6

Li Ka̱cuaꞌ quixye cue: —Ma̱cuaꞌ caꞌaj cuiꞌ aꞌin li cꞌanjel ta̱ba̱nu. Tinqꞌue ban chic jun li cꞌanjel a̱cue kꞌaxal lokꞌ. Ma̱cuaꞌ caꞌaj cuiꞌ xtenkꞌanquileb li ralal xcꞌajol laj Jacob ta̱ba̱nu re nak teꞌsukꞌi̱k cuiꞌchic cuiqꞌuin. Tatinqꞌue aj ban cuiꞌ chokꞌ xcutan xsakeneb li ma̱cuaꞌeb aj Israel ut la̱at tatyehok resil li colba-ib reheb li cuanqueb saꞌ chixjunil li ruchichꞌochꞌ.—

Isaías 45:6

Tatintenkꞌa re nak chixjunileb li cuanqueb saꞌ ruchichꞌochꞌ teꞌxqꞌue retal nak la̱in li Ka̱cuaꞌ. Saꞌ chixjunil li ruchichꞌochꞌ teꞌxnau nak ma̱cꞌaꞌ chic junak dios chicuu la̱in. Caꞌaj cuiꞌ la̱in li tzꞌakal Dios.

Apocalipsis 21:27

Li ani cuanqueb xma̱c incꞌaꞌ ta̱ru̱k teꞌoc aran. Eb li nequeꞌxba̱nu ma̱usilal chi moco li nequeꞌticꞌtiꞌic, teꞌoc saꞌ li tenamit aꞌan. Li ani teꞌoc aran, caꞌaj cuiꞌ li tzꞌi̱banbileb xcꞌabaꞌ saꞌ lix hu li Jun li chanchan carner, li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic.

Isaías 35:9

Aran ma̱cꞌaꞌak li joskꞌ aj xul ut ma̱cꞌaꞌak li cakcoj. Eb li colbileb teꞌnumekꞌ saꞌ li be aꞌan chi ma̱cꞌaꞌ xcꞌaꞌuxeb.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Isaías 11:13

Eb li ralal xcꞌajol laj Efraín incꞌaꞌ chic teꞌxcakali li ralal xcꞌajol laj Judá. Ut eb laj Judá incꞌaꞌ chic xicꞌ teꞌrileb laj Efraín.

Isaías 2:4

Li Ka̱cuaꞌ ta̱rakok a̱tin saꞌ xbe̱neb li xni̱nkal tenamit li yo̱queb chi pletic ut aꞌan ta̱kꞌusuk reheb nabal chi tenamit. Ut eb aꞌan teꞌxqꞌue lix chꞌi̱chꞌeb chokꞌ xchꞌi̱chꞌul arado. Ut teꞌxqꞌue lix la̱nseb chokꞌ re sabesi̱nc. Ma̱ ani chic tixrahobtesi jalan tenamit riqꞌuin chꞌi̱chꞌ, chi moco teꞌxcauresi chic rib re teꞌxic chi pletic.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

Salmos 78:54

Li Dios quixcꞌameb lix tenamit toj saꞌ li santil naꞌajej li quixyechiꞌi reheb, li cuan cuiꞌ li tzu̱l Sión li quixcol rix riqꞌuin lix cuanquil.

Isaías 11:8

Ut junak cꞌulaꞌal toj natuꞌuc ta̱ru̱k ta̱batzꞌu̱nk chire xjul li xnaꞌ cꞌantiꞌ ut ma̱cꞌaꞌ tixcꞌul. Li tojeꞌ xcanab tuꞌuc ta̱ru̱k tixqꞌue li rukꞌ saꞌ xsoc li cꞌambolay ut ma̱cꞌaꞌ tixcꞌul.

Isaías 33:6

Junelic naxcoleb lix tenamit ut naxqꞌueheb xnaꞌleb. Naxtenkꞌaheb chixtaubal ru lix ya̱lal. Li xxucuanquil ru li Ka̱cuaꞌ, aꞌan li kꞌaxal lokꞌ chiruheb.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Isaías 56:7

la̱in tincꞌameb saꞌ lin santil tzu̱l ut tinqꞌue xsahileb xchꞌo̱l saꞌ lin templo li nequeꞌtijoc cuiꞌ. La̱in tincꞌul lix mayej ut li xul li nequeꞌxcꞌat chiru lin artal. Lin templo, aꞌan li naꞌajej re tijoc re chixjunileb li tenamit, chan li Ka̱cuaꞌ.

Isaías 65:25

Eb laj xoj ut eb li carner cuotz teꞌcuaꞌak. Ut li cakcoj teꞌcuaꞌak pim joꞌ li bo̱yx. Ut li cꞌantiꞌ teꞌxlou li poks ut incꞌaꞌ chic teꞌtiꞌok. Saꞌ li tzu̱l Sión li sicꞌbil ru inban, incꞌaꞌ chic teꞌtiꞌok li xul ut incꞌaꞌ chic teꞌxba̱nu raylal, chan li Dios.

Isaías 66:18

La̱in ninnau cꞌaꞌru nequeꞌxcꞌoxla. La̱in ninqꞌue retal cꞌaꞌru nequeꞌxba̱nu. Ta̱cuulak xkꞌehil nak la̱in tinchꞌutubeb chixjunileb li xni̱nkal ru tenamit li jalan jala̱nk ra̱tinoba̱leb. Nak teꞌcuulak Jerusalén, teꞌril lin lokꞌal.

Isaías 66:20

Ut teꞌxcꞌam chak chixjunileb li ras ri̱tzꞌin li cuanqueb saꞌ eb li najtil tenamit chokꞌ inmayej. Teꞌxcꞌameb saꞌ lin santil tzu̱l aran Jerusalén. Teꞌcha̱lk chirix cacua̱y, chirix bu̱r ut chirix camello. Ut teꞌcha̱lk ajcuiꞌ saꞌ carruaje ut saꞌ carre̱t. Teꞌxcꞌameb chak joꞌ nak eb laj Israel nequeꞌxcꞌam saꞌ lin templo lix mayej saꞌ eb li secꞌ li kꞌaxtesinbil chi cꞌanjelac chicuu.

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Ezequiel 34:25

La̱in tinba̱nu jun li contrato riqꞌuineb re nak teꞌxcꞌam ribeb saꞌ usilal cuiqꞌuin. Tincuisi chixjunileb li joskꞌ aj xul saꞌ lix naꞌajeb re nak naru teꞌcua̱nk yalak bar saꞌ eb li cꞌaleba̱l ut naru teꞌcua̱rk saꞌ eb li qꞌuicheꞌ chi ma̱cꞌaꞌ nachꞌiꞌchꞌiꞌin reheb.

Ezequiel 47:5

Quixbis o̱b ciento metro chic, ut ac cham chic chi us li nimaꞌ. Incꞌaꞌ chic quiru quinnumeꞌ xban nak kꞌaxal cham chic. Ma̱ ani naru nanumeꞌ cui incꞌaꞌ nanau numxic.

Daniel 11:45

Tixyi̱b lix muheba̱l saꞌ xya̱nkeb li cuib chi palau nachꞌ riqꞌuin li tzu̱l bar cuan cuiꞌ lix Templo li Ka̱cuaꞌ. Ut ta̱cuulak xkꞌehil nak ta̱osokꞌ li rey. Ut aran ta̱ca̱mk ut ma̱ ani chic ta̱tenkꞌa̱nk re.

Daniel 12:4

Abanan la̱at, Daniel, cꞌu̱la saꞌ a̱chꞌo̱l li cꞌaꞌru xacuil saꞌ li visión. Ta̱bot ru li hu li yo̱cat xtzꞌi̱banquil ut ta̱qꞌue li sello chiru re nak ma̱ ani ta̱ilok re toj ta̱cuulak xkꞌehil li rosoꞌjiqueb li cutan. Ut nabaleb li tenamit teꞌcha̱lk teꞌxic yalak bar re nak teꞌxtau xtzꞌakob lix naꞌlebeb, chan cue li ángel.

Oseas 2:18

Saꞌ eb li cutan aꞌan la̱in tinba̱nu jun li contrato riqꞌuineb li joskꞌ aj xul li cuanqueb saꞌ qꞌuicheꞌ ut riqꞌuineb li xul li nequeꞌrupupic chiru choxa joꞌ ajcuiꞌ riqꞌuineb li xul li nequeꞌxjucuqui ribeb chiru chꞌochꞌ. Tinba̱nu li contrato riqꞌuineb re nak incꞌaꞌ chic teꞌxchꞌiꞌchꞌiꞌi li tenamit. Ut tincuisi saꞌ ruchichꞌochꞌ li tzimaj ut li chꞌi̱chꞌ re pletic ut eb lin tenamit cua̱nkeb chic saꞌ tuktu̱quil usilal.

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

Isaías 32:16

Ut saꞌ chixjunileb li tenamit teꞌxba̱nu li ti̱quilal ut teꞌcua̱nk saꞌ xya̱lal.

Jeremías 31:23

Li Ka̱cuaꞌ lix Dioseb laj Israel quixye: —La̱in tebincꞌam cuiꞌchic laj Israel saꞌ lix naꞌajeb aran Judá. Nak cua̱nkeb saꞌ lix tenamiteb, teꞌxye, “Li Ka̱cuaꞌ taxak chi-osobtesi̱nk re lix santil tzu̱l li cuan Jerusalén, li santil naꞌajej li nacuan cuiꞌ”.

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—