Isaías 11:8 - Li Santil hu

⁸ Ut junak cꞌulaꞌal toj natuꞌuc ta̱ru̱k ta̱batzꞌu̱nk chire xjul li xnaꞌ cꞌantiꞌ ut ma̱cꞌaꞌ tixcꞌul. Li tojeꞌ xcanab tuꞌuc ta̱ru̱k tixqꞌue li rukꞌ saꞌ xsoc li cꞌambolay ut ma̱cꞌaꞌ tixcꞌul.

Q'eqchi Bible

⁸ Li k'uula'al li toj natu'uk taab'atz'unq chire xjulel li k'anti', ut li toje' xmaq'e'k li xtu' tixch'ik li ruq' sa' xsok li q'anb'olay.

Isaías 11:8 ပူးပေါင်းရင်းမြစ်များ

Isaías 59:5

Li ma̱usilal li nequecꞌu̱b ru xba̱nunquil, aꞌan chanchan xmol li cꞌantiꞌ li nacamsin. Li ani naxtiu li mol aꞌan nacam. Ut nak te̱pucꞌ li mol, na-el jun li cꞌantiꞌ li nacamsin. Le̱ ma̱usilal chanchan lix quem aj am.

Salmos 140:3

Kꞌaxal se̱beb re chi a̱tinac. Chanchaneb li cꞌantiꞌ li nacamsin saꞌ junpa̱t. Li cꞌaꞌru na-el chi xtzꞌu̱mal reheb chanchan xmay li cꞌantiꞌ li nacamsin.

Proverbios 23:32

Cui te̱rucꞌ li vino, aꞌan naqꞌuehoc raylal. Chanchan natiꞌoc li cꞌantiꞌ.

Isaías 11:7

Li cuacax ut li osa cuotz teꞌichajibk. Ut cuotz ajcuiꞌ teꞌhila̱nk li raleb. Ut li cakcoj teꞌcuaꞌak pim joꞌ li bo̱yx.

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Li xHu LAJ JOB 5:23

Eb li pec li cuanqueb saꞌ xya̱nkeb la̱ cuacui̱mk incꞌaꞌ tateꞌxchꞌiꞌchꞌiꞌi. Ut eb li joskꞌ aj xul sahakeb xchꞌo̱l a̱cuiqꞌuin.