Isaías 11:11 - Li Santil hu

¹¹ Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Q'eqchi Bible

¹¹ Chiru ajwi' li kutan a'an li Qaawa' tixk'ut li xnimal xwankil re xkolb'al li rela' li xtenamit: taarisiheb' chaq aran Asiria ut Ejiipt, Patros, Etiopía, Elam, Senahar, Jamat ut sa'eb' li na'ajej sutsuukeb' xb'aan li palaw.

Isaías 11:11 ပူးပေါင်းရင်းမြစ်များ

Miqueas 7:12

Saꞌ eb li cutan aꞌan, nabaleb le̱ rech tenamitil teꞌsukꞌi̱k cuiꞌchic saꞌ le̱ tenamit. Cuan teꞌcha̱lk chak saꞌ li naꞌajej Asiria li cuan saꞌ releb sakꞌe. Ut cuan teꞌcha̱lk chak Egipto li cuan saꞌ li sur. Ut cuan cuiꞌchic teꞌcha̱lk chak saꞌ li norte cuan cuiꞌ li nimaꞌ Éufrates, cuan teꞌcha̱lk chak cuan cuiꞌ li palau ut cuan ajcuiꞌ teꞌcha̱lk chak cuanqueb cuiꞌ li tzu̱l.

Romanos 11:26

Joꞌcan nak teꞌcolekꞌ chixjunileb laj Israel joꞌ tzꞌi̱banbil retalil saꞌ li Santil Hu li quixye li Dios: Aran Sión ta̱cha̱lk chak laj Colonel ut aꞌan tixcuy xma̱queb li ralal xcꞌajol laj Israel. (Isa. 59:20-21)

Isaías 10:20

Saꞌ eb li cutan aꞌan eb laj Israel, li ralal xcꞌajol laj Jacob, li incꞌaꞌ queꞌsach ruheb, incꞌaꞌ chic teꞌxcꞌojob xchꞌo̱l riqꞌuineb li cui̱nk li queꞌsachoc ruheb. Teꞌyoꞌoni̱nk ban riqꞌuin li Ka̱cuaꞌ, li Dios Santo, lix Dioseb laj Israel.

Oseas 11:11

Chanchanakeb laj xicꞌanel xul nak teꞌcha̱lk cuiqꞌuin saꞌ junpa̱t joꞌ nak queꞌel chak Egipto. Ut chanchanakeb li mucuy nak teꞌe̱lk chak Asiria. Ut la̱in tebinqꞌue cuiꞌchic chi cua̱nc saꞌ lix naꞌajeb, chan li Ka̱cuaꞌ.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Isaías 24:15

Cheꞌxqꞌuehak taxak xlokꞌal li Dios li cuanqueb saꞌ li ru takꞌa. Cheꞌxnima̱k ru lix Dioseb laj Israel li cuanqueb chire li palau.

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Génesis 11:2

Li cristian queꞌco̱eb chi cua̱nc saꞌ li naꞌajej li cuan bar na-el cuiꞌ chak li sakꞌe. Queꞌxtau jun chꞌochꞌ helho ru. Li chꞌochꞌ aꞌan cuan xcue̱nt Sinar. Ut aran queꞌcana.

Génesis 10:22

Aꞌaneb aꞌin lix cꞌabaꞌeb li ralal laj Sem: laj Elam, laj Asur, laj Arfaxad, laj Lud, ut laj Aram.

Génesis 10:10

Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

2 Corintios 3:16

Abanan li tꞌicr aꞌan na-el nak junak tixpa̱b li Ka̱cuaꞌ Jesucristo.

Romanos 11:15

Xban nak queꞌtzꞌekta̱na̱c laj judío, li ma̱cuaꞌeb aj judío queꞌcꞌameꞌ saꞌ usilal riqꞌuin li Dios. Ut kꞌaxal numtajenak li xlokꞌal nak eb laj judío teꞌcolekꞌ. Chanchan teꞌcuacli̱k chak chi yoꞌyo saꞌ xya̱nkeb li camenak.

Zacarías 9:2

Ut teꞌtzꞌako̱nk ajcuiꞌ riqꞌuin li raylal li cuanqueb saꞌ li tenamit Hamat li cuan saꞌ li este li na-el cuiꞌ chak li sakꞌe. Joꞌcan ajcuiꞌ li tenamit Tiro ut li tenamit Sidón usta kꞌaxal cuanqueb xnaꞌleb.

Zacarías 5:11

Quichakꞌoc li ángel ut quixye cue: —Yo̱queb chixcꞌambal saꞌ li naꞌajej Sinar. Aran teꞌxyi̱b jun li templo. Nak acak xya̱loꞌ li templo, aran teꞌxxakab saꞌ xnaꞌaj, chan.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Daniel 11:18

Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Daniel 8:2

Nak quicꞌutbesi̱c chicuu cuanquin aran Susa, lix nimal ru tenamit saꞌ li naꞌajej Elam. Xakxo̱quin chire li nimaꞌ Ulai nak quicuil.

Ezequiel 30:14

Tinsach ru li naꞌajej Patros ut tincꞌat li tenamit Zoán. Ut tinqꞌueheb chixtojbal xma̱queb li cuanqueb Tebas.

Ezequiel 27:6

Ut eb li cheꞌ re xberesinquil li jucub queꞌyi̱ba̱c riqꞌuin li ji li quicꞌameꞌ chak Basán. Ut li cheꞌ li yi̱banbil cuiꞌ li tem, aꞌan chaj li quicꞌameꞌ chak Quitim. Qꞌuebil lix sahob ru li tem riqꞌuin marfil.

Jeremías 49:23

Joꞌcaꞌin quixye li Ka̱cuaꞌ chirixeb laj Damasco: —Queꞌsach xchꞌo̱leb li cuanqueb aran Hamat ut eb li cuanqueb Arfad xban nak queꞌrabi resil li raylal li ta̱cha̱lk. Incꞌaꞌ chic cꞌojcꞌo xchꞌo̱leb. Chanchaneb li palau li yo̱ chi ecꞌa̱nc ru.

Jeremías 44:1

Li Ka̱cuaꞌ quia̱tinac riqꞌuin laj Jeremías chirixeb chixjunileb laj judío li cuanqueb Egipto saꞌ eb li tenamit Migdol, Tafnes, Menfis ut saꞌ li naꞌajej Patros.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Jeremías 25:25

Ut teꞌcꞌuluk ajcuiꞌ raylal chixjunileb li rey li cuanqueb Zimri ut eb li cuanqueb Elam ut eb li cuanqueb Media,

Isaías 45:14

Aꞌan aꞌin li quixye li Ka̱cuaꞌ reheb laj Israel: —Li cꞌaꞌru nequeꞌxyi̱b eb laj Egipto ut li cꞌaꞌru nequeꞌxcꞌayi eb laj Etiopía, la̱ex te̱re̱chani. Ut eb li cuanqueb Sabá, li najt rokeb teꞌcana̱k rubel le̱ cuanquil. Bacꞌbo̱keb riqꞌuin cadena nak teꞌxic che̱rix. Teꞌxcuikꞌib ribeb che̱ru ut teꞌxtzꞌa̱ma usilal che̱ru. Teꞌxye, “Relic chi ya̱l li Dios cuan e̱riqꞌuin. Ma̱ jun chic Dios cuan. Caꞌaj cuiꞌ aꞌan.

Isaías 42:12

Cheꞌxqꞌuehak taxak xlokꞌal li Ka̱cuaꞌ ut cheꞌxyehak taxak reheb li cuanqueb saꞌ najtil tenamit nak kꞌaxal nim xcuanquil li Ka̱cuaꞌ.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

Salmos 68:22

Li Ka̱cuaꞌ quixye: —La̱in texcuisi saꞌ li naꞌajej Basán ut texinnumsi saꞌ li palau li kꞌaxal cham ut texincꞌam cuiꞌchic saꞌ le̱ naꞌaj.

Génesis 14:1

Saꞌ eb li cutan aꞌan, laj Amrafel, aꞌan lix reyeb li tenamit Sinar. Laj Arioc, aꞌan lix reyeb li tenamit Elasar. Laj Quedorlaomer, aꞌan lix reyeb li tenamit Elam. Ut laj Tidal, aꞌan lix reyeb li tenamit Goim.

Ester 10:1

Li rey Asuero quixtitzꞌ xtojeb chixjunileb li cuanqueb rubel xcuanquil. Quixtitzꞌ xtojeb li junju̱nk chi tenamit joꞌqueb ajcuiꞌ li naꞌajej li sutsu̱queb xban li palau.

Isaías 1:9

Cui ta incꞌaꞌ quixcanab coꞌxibakeb kacomon nak quixsach ru li katenamit li nimajcual Dios, co-osoꞌ raj joꞌ nak queꞌosoꞌ li tenamit Sodoma ut Gomorra.

Isaías 19:21

Li Ka̱cuaꞌ tixcꞌutbesi rib chiruheb laj Egipto re nak teꞌxqꞌue retal nak aꞌan li Ka̱cuaꞌ ut teꞌxlokꞌoni. Teꞌxqꞌue chokꞌ xmayej li ru li trigo ut teꞌmayejak chiru li Ka̱cuaꞌ. Teꞌxye re li Ka̱cuaꞌ cꞌaꞌru li teꞌxba̱nu ut teꞌxba̱nu li cꞌaꞌru teꞌxyechiꞌi.

Isaías 19:22

Li Ka̱cuaꞌ tixqꞌueheb laj Egipto chixtojbal rix lix ma̱queb. Abanan li Ka̱cuaꞌ tixcuyeb xma̱c ut tixtenkꞌaheb cuiꞌchic ut ta̱rosobtesiheb. Eb laj Egipto teꞌxsicꞌ li Ka̱cuaꞌ ut li Ka̱cuaꞌ ta̱ril xtokꞌoba̱leb ru ut ta̱rosobtesiheb.

Isaías 37:31

Eb li ralal xcꞌajol laj Judá li incꞌaꞌ teꞌca̱mk teꞌta̱mk cuiꞌchic. Chanchanakeb li acui̱mk li naxchap xxeꞌ ut naxqꞌue li ru chi nabal.

Ezequiel 29:14

Ut tincꞌameb cuiꞌchic Egipto saꞌ li naꞌajej Patros li queꞌcuan cuiꞌ lix xeꞌto̱nil yucuaꞌeb. Aran teꞌcana̱k chi ma̱cꞌaꞌak chic xcuanquileb.

Ezequiel 32:24

Lix reyeb laj Elam cuan aran rochbeneb lix qꞌuila soldados. Li soldado cuanqueb chixjun sutam. Chixjunileb queꞌcamsi̱c saꞌ li ple̱t. Aꞌaneb li queꞌqꞌuehoc xxiuheb chixjunileb nak toj yoꞌyo̱queb, abanan anakcuan xuta̱nal queꞌxcꞌul xban nak queꞌco̱eb saꞌ xnaꞌajeb li camenak cuanqueb cuiꞌ li incꞌaꞌ queꞌxpa̱b li Dios.

Ezequiel 38:8

Nak acak xnumeꞌ nabal chihab la̱at tattakla̱k chi pletic saꞌ jun li tenamit colbil chiru li ple̱t. Li tenamit isinbileb chak saꞌ eb li xni̱nkal ru tenamit li queꞌjeqꞌui̱c cuiꞌ ru junxil. Li tenamit aꞌan juqꞌuinbil nak quicuan junxil. Abanan queꞌchꞌutuba̱c cuiꞌchic ruheb aran Israel ut ac queꞌxyi̱b cuiꞌchic lix tenamiteb. Ut cuanqueb saꞌ lix tenamiteb chi ma̱cꞌaꞌeb xcꞌaꞌux.

Daniel 1:2

Ut li Dios quixcanab laj Joacim lix reyeb laj Judá saꞌ rukꞌeb laj Babilonia. Ut cuan li secꞌ li quicꞌanjelac saꞌ rochoch li Dios li quicꞌameꞌ saꞌ li naꞌajej Sinar. Ut laj Nabucodonosor quixcꞌam saꞌ rochoch lix dios ut quixqꞌue saꞌ li naꞌajej bar naxocman cuiꞌ li cꞌaꞌak re ru terto xtzꞌak re lix dioseb.

Génesis 2:13

Li xcab li nimaꞌ Gihón xcꞌabaꞌ. Aꞌan li nanumeꞌ saꞌ li tenamit Cus.

Deuteronomio 9:29

At Ka̱cuaꞌ, aꞌaneb la̱ tenamit. Aꞌaneb li sicꞌbil ruheb a̱ban. La̱at cat-isin reheb Egipto riqꞌuin xnimal la̱ cuanquilal, chanquin re li Dios.

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Isaías 49:12

Cuan li teꞌcha̱lk chak saꞌ najtil tenamit. Teꞌcha̱lk saꞌ li norte ut saꞌ li oeste ut teꞌcha̱lk ajcuiꞌ saꞌ li naꞌajej Sinim.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

Zacarías 8:7

La̱in tincoleb lin tenamit chiruheb li tenamit li cuanqueb saꞌ eb li naꞌajej bar na-el cuiꞌ chak li sakꞌe ut chiruheb li cuanqueb saꞌ li naꞌajej bar na-oc cuiꞌ li sakꞌe.