Isaías 11:10 - Li Santil hu

¹⁰ Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

Q'eqchi Bible

¹⁰ Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

Isaías 11:10 ပူးပေါင်းရင်းမြစ်များ

San Lucas 2:32

Aꞌan li ta̱cutanobresi̱nk re lix cꞌaꞌuxeb li ma̱cuaꞌeb aj Israel ut aꞌan lix lokꞌaleb la̱ tenamit Israel, chan laj Simeón.

Isaías 11:1

Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

San Juan 12:32

Ut nak tinqꞌuehekꞌ la̱in chiru cruz, nabaleb teꞌpa̱ba̱nk cue, chan.

San Mateo 12:21

Ut chixjunileb li tenamit caꞌaj cuiꞌ riqꞌuin aꞌan teꞌyoꞌoni̱nk. (Isa. 42:2-4)

San Mateo 8:11

Ut la̱in tinye e̱re nak nabaleb li ma̱cuaꞌeb aj judío yalak bar saꞌ ruchichꞌochꞌ teꞌpa̱ba̱nk. Ut eb aꞌan teꞌe̱chani̱nk re lix nimajcual cuanquilal li Dios rochbeneb laj Abraham, laj Isaac, ut laj Jacob.

Hechos 11:18

Nak queꞌrabi li cꞌaꞌru quixye laj Pedro, eb laj cꞌamol be saꞌ xya̱nkeb laj pa̱banel aj judío, queꞌxcanab cuechꞌi̱nc. Queꞌxlokꞌoni li Dios ut queꞌxye: —Li Ka̱cuaꞌ xqꞌue ajcuiꞌ li junelic yuꞌam reheb li ma̱cuaꞌeb aj judío xban nak xeꞌxyotꞌ xchꞌo̱l ut xeꞌxjal xcꞌaꞌux, chanqueb.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Hageo 2:9

Li templo li te̱yi̱b la̱ex aꞌanak li kꞌaxal lokꞌ chiru li quicuan junxil. Ut tinqꞌueheb chi cua̱nc saꞌ tuktu̱quil usilal li cuanqueb saꞌ li naꞌajej aꞌin, chan li nimajcual Dios.

Isaías 49:22

Aꞌan aꞌin li naxye li nimajcual Dios: —La̱in tinye reheb li xni̱nkal ru tenamit nak teꞌxqꞌueheb chi sukꞌi̱c cuiꞌchic le̱ tenamit. Tinye reheb nak teꞌxtaklaheb le̱ ralal e̱cꞌajol. Chanchan pakonbil teꞌxba̱nu reheb nak teꞌxtakla cuiꞌchic saꞌ lix tenamiteb.

Salmos 91:1

Li ani cuan rubel xcuanquil li nimajcual Dios, ma̱cꞌaꞌ tixcꞌoxla xban nak aꞌan ta̱ilok re.

Isaías 60:3

Eb li jalan tenamit ut eb li rey teꞌcha̱lk e̱riqꞌuin chixsicꞌbal li cutan saken. Ut teꞌril le̱ lokꞌal.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.

Hechos 28:28

Joꞌcan nak chenauhak nak li resil li colba-ib li naxqꞌue li Dios quiqꞌueheꞌ reheb li ma̱cuaꞌeb aj judío. Aꞌan eb chic teꞌabi̱nk re, chan laj Pablo.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Isaías 60:5

Cꞌajoꞌak xsahil saꞌ e̱chꞌo̱l nak te̱ril nak yo̱keb chi cha̱lc nabal chi tenamit li cuanqueb chak jun pacꞌal li palau. Ut teꞌxcꞌam chak lix biomaleb li xni̱nkal ru tenamit nak teꞌcha̱lk e̱riqꞌuin.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Isaías 28:12

Li Dios quixye reheb: —Aꞌan aꞌin li naꞌajej li texhila̱nk cuiꞌ. Arin ta̱sahokꞌ e̱chꞌo̱l, chan. Abanan, eb aꞌan incꞌaꞌ queꞌabin chiru.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Salmos 149:5

Chisahokꞌ taxak saꞌ xchꞌo̱leb li ralal xcꞌajol xban nak li Ka̱cuaꞌ quixqꞌueheb xlokꞌal. Cheꞌxqꞌuehak taxak xlokꞌal nak cua̱nkeb saꞌ xcuarib.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Salmos 91:4

Aꞌan ta̱colok a̱cue joꞌ nak naxcoleb li ral li caxlan rubel lix xicꞌ. Ma̱cꞌaꞌ ta̱cꞌul. Xban nak aꞌan kꞌaxal cha̱bil, tatril ut tatxcol. Riqꞌuin li ra̱tin ta̱col a̱cuib joꞌ nak li soldado naxcol rib riqꞌuin lix ramleb chꞌi̱chꞌ.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Isaías 14:3

Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

Zacarías 6:13

Aꞌan ta̱yi̱ba̱nk re lix templo li Ka̱cuaꞌ ut aꞌan ta̱qꞌuehekꞌ xlokꞌal. Aꞌan ta̱cꞌojla̱k saꞌ lix cꞌojariba̱l ut aꞌan chic ta̱takla̱nk saꞌ xbe̱n li ruchichꞌochꞌ. Aꞌanak li tzꞌakal Rey ut aꞌanak ajcuiꞌ li tzꞌakal aj tij. Ma̱cꞌaꞌak chꞌaꞌajquilal saꞌ li cuib chi cꞌanjel li tixba̱nu. Us ta̱e̱lk lix cꞌanjel chiru.

1 Crónicas 2:12

Laj Booz, aꞌan lix yucuaꞌ laj Obed. Ut laj Obed, aꞌan lix yucuaꞌ laj Isaí.

Salmos 145:11

Cheꞌxyehak ta resil lix lokꞌal la̱ cuanquilal ut cheꞌxyehak ta resil li cꞌaꞌru caba̱nu riqꞌuin xnimal la̱ cuanquil.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Isaías 2:3

Ut eb li tenamit teꞌxye: —Quimkex ut takekꞌo saꞌ xbe̱n li tzu̱l cuan cuiꞌ li rochoch li Dios. Toxic saꞌ li rochoch lix Dios laj Jacob. Ut aꞌan tixcꞌut chiku li cꞌaꞌru naraj takaba̱nu. Ut la̱o takaba̱nu li bar cuan tixye ke, xban nak saꞌ li tzu̱l Sión ta̱e̱lk chak li chakꞌrab ut saꞌ li tenamit Jerusalén ta̱cha̱lk li ra̱tin li Ka̱cuaꞌ.—

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.