Isaías 11:1 - Li Santil hu

¹ Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

Q'eqchi Bible

¹ Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Isaías 11:1 ပူးပေါင်းရင်းမြစ်များ

Jeremías 23:5

Quixye li Ka̱cuaꞌ: —Ta̱cuulak xkꞌehil nak la̱in tinqꞌue chi yoꞌla̱c jun li Rey ti̱c xchꞌo̱l. Aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cua̱nk xnaꞌleb chi takla̱nc. Ut ta̱rakok a̱tin saꞌ ti̱quilal saꞌ ruchichꞌochꞌ.

Apocalipsis 22:16

Ut li Jesús quixye: —La̱in xintakla lin ángel a̱cuiqꞌuin re nak ta̱chꞌolob lix ya̱lal aꞌin reheb laj pa̱banel. La̱in li chanchanin xtux li cheꞌ. Quinyoꞌla saꞌ xya̱nkeb li ralal xcꞌajol li rey David. La̱in chanchanin li cak chahim li nalemtzꞌun chak toj ekꞌela, chan li Jesús.

Zacarías 6:12

Ut ta̱ye re: Joꞌcaꞌin xye li Ka̱cuaꞌ li nimajcual Dios: Li sa̱j cui̱nk li nequeꞌxye “Xtux Cheꞌ” re, aꞌan chanchan jun xtux li cheꞌ li na-el chak saꞌ xya̱nk li xeꞌ. Li cui̱nk aꞌan ta̱yi̱ba̱nk re lix templo li Ka̱cuaꞌ.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Zacarías 3:8

At Josué, la̱at li xbe̱nil laj tij. Chacuabihak la̱at ut cheꞌrabihak ajcuiꞌ eb laj tij li nequeꞌtenkꞌan a̱cue. La̱ex retalil laj cꞌanjel chicuu li tintakla chak, li nequeꞌxye xtux cheꞌ re.

Jeremías 33:15

Saꞌ eb li cutan aꞌan, la̱in tinxakab jun li Rey. Li Rey aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cꞌamok xbe li tenamit saꞌ ti̱quilal ut cua̱nk xcuanquil.

Isaías 53:2

Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Romanos 15:12

Tzꞌi̱banbil ajcuiꞌ saꞌ li Santil Hu li quixye laj Isaías: Saꞌ xya̱nkeb li ralal xcꞌajol laj David li ralal laj Isaí ta̱cꞌulu̱nk laj Colonel, li xakabanbil xban li Dios. Ut aꞌan ta̱cua̱nk xcuanquil saꞌ xbe̱neb li ma̱cuaꞌeb aj judío. Ut aꞌan li yo̱keb chixyoꞌoninquil. (Isa. 11:10)

Isaías 4:2

Ta̱cuulak xkꞌehil nak li Dios tixqꞌue chi yoꞌla̱c jun li chꞌina al chanchan xtux jun li cheꞌ. Cꞌajoꞌak xchakꞌal ru ut cꞌajoꞌak xlokꞌal. Ut kꞌaxal nabal li acui̱mk ta̱e̱lk saꞌ lix chꞌochꞌeb laj Israel li incꞌaꞌ teꞌsachekꞌ ru re xqꞌuebal xlokꞌaleb ut xcuanquilaleb.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

1 Samuel 17:58

Laj Saúl quixye re: —¿Ani la̱ yucuaꞌ? chan. Laj David quixye re: —La̱in ralal laj Isaí, laj cꞌanjel cha̱cuu. Belén xtenamit, chan.

Li xHu LIX RUT 4:17

Ut eb li rech cabal queꞌril aꞌan ut queꞌxye: —Xyoꞌla jun xcꞌulaꞌal lix Noemí, chanqueb. Ut aj Obed queꞌxqꞌue chokꞌ xcꞌabaꞌ li cꞌulaꞌal. Laj Obed, aꞌan lix yucuaꞌ laj Isaí. Ut laj Isaí, aꞌan lix yucuaꞌ laj David.

San Mateo 1:1

Saꞌ li hu aꞌin tzꞌi̱banbil retalil joꞌ qꞌuialeb lix xeꞌ xto̱nal li Jesucristo. Li Jesucristo ralal xcꞌajol li rey David ut ralal xcꞌajol ajcuiꞌ laj Abraham.

Hebreos 7:14

Laj Moisés, nak quia̱tinac chirixeb laj tij, ma̱ jun cua quixye nak saꞌ xya̱nkeb ta li ralal xcꞌajol laj Judá ta̱e̱lk chak junak aj tij. Ut li Jesucristo quiyoꞌla saꞌ xya̱nkeb li ralal xcꞌajol laj Judá.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

Isaías 6:13

Cui toj teꞌcana̱k coꞌxibak tebinsach ajcuiꞌ ruheb aꞌan. Chanchan nak nayoqꞌueꞌ li cheꞌ ji ut caꞌaj chic lix to̱nal nacana, chan li Ka̱cuaꞌ. Abanan lix to̱n li cheꞌ aꞌan ta̱tuxmekꞌ cuiꞌchic. Aꞌan retalil li tenamit li sicꞌbil ru xban li Dios.

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Ezequiel 37:25

Teꞌcua̱nk saꞌ li chꞌochꞌ li quinqꞌue re laj Jacob laj cꞌanjel chicuu, li queꞌcuan cuiꞌ lix xeꞌto̱nil yucuaꞌeb. Eb aꞌan ut chixjunileb li ralal xcꞌajol li teꞌcua̱nk mokon teꞌcua̱nk saꞌ li naꞌajej aꞌan chi junelic. Ut li rey David ta̱takla̱nk saꞌ xbe̱neb chi junelic.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

1 Crónicas 2:12

Laj Booz, aꞌan lix yucuaꞌ laj Obed. Ut laj Obed, aꞌan lix yucuaꞌ laj Isaí.

Salmos 145:11

Cheꞌxyehak ta resil lix lokꞌal la̱ cuanquilal ut cheꞌxyehak ta resil li cꞌaꞌru caba̱nu riqꞌuin xnimal la̱ cuanquil.

Ezequiel 17:22

Aꞌan aꞌin li naxye li nimajcual Dios: —La̱in tinchap li ruꞌuj jun li chacalteꞌ najt xteram. Tinchꞌot lix kꞌunal saꞌ ruꞌuj ut tincuau saꞌ xbe̱n jun li tzu̱l najt xteram.