Isaías 10:9 - Li Santil hu

⁹ ¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Q'eqchi Bible

⁹ Juntaq'eeteb' li tenamit chiwu laa'in: Kalnó kama' ajwi' Karkemis, Jamat juntaq'eet rik'in Arpad, ut Samaria jo'kan ajwi' Damaask.

Isaías 10:9 ပူးပေါင်းရင်းမြစ်များ

2 Crónicas 35:20

Chirix chic chixjunil aꞌin nak ac yi̱banbil chi us li templo xban laj Josías, laj Necao lix reyeb laj Egipto co̱ chi pletic saꞌ li tenamit Carquemis li cuan chire li nimaꞌ Éufrates. Ut li rey Josías co̱ chi pletic riqꞌuin.

2 Reyes 16:9

Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

Jeremías 46:2

Joꞌcaꞌin quixye li Ka̱cuaꞌ chirix li tenamit Egipto ut chirixeb lix soldado laj faraón Necao lix reyeb laj Egipto. Laj Nabucodonosor, lix reyeb laj Babilonia, quinumta saꞌ xbe̱n aran Carquemis chire li nimaꞌ Éufrates saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá.

Génesis 10:10

Laj Nimrod quicuan xcuanquil saꞌ xbe̱neb li tenamit Babel, Erec, Acad ut Calne. Eb li tenamit aꞌan cuanqueb xcue̱nt Sinar.

Jeremías 49:23

Joꞌcaꞌin quixye li Ka̱cuaꞌ chirixeb laj Damasco: —Queꞌsach xchꞌo̱leb li cuanqueb aran Hamat ut eb li cuanqueb Arfad xban nak queꞌrabi resil li raylal li ta̱cha̱lk. Incꞌaꞌ chic cꞌojcꞌo xchꞌo̱leb. Chanchaneb li palau li yo̱ chi ecꞌa̱nc ru.

Isaías 37:13

¿Ma cuan ta biꞌ xcuanquil lix reyeb laj Hamat, lix reyeb laj Arfad, lix reyeb laj Sefarvaim, Hena ut Iva?” chan laj Senaquerib.

Isaías 36:19

¿Bar cuan lix dioseb li tenamit Hamat ut Arfad? ¿Bar cuan lix dioseb li tenamit Sefarvaim? ¿Ma queꞌxcol ta biꞌ li tenamit Samaria saꞌ cuukꞌ la̱in?

Isaías 17:3

Ma̱cꞌaꞌak chic lix tenamit li ralal xcꞌajol laj Efraín li queꞌxcauresi ribeb. Ut ma̱cꞌaꞌak chic xcuanquil Damasco. Eb laj Siria li incꞌaꞌ queꞌsacheꞌ ruheb xuta̱nal teꞌcana̱k joꞌ eb laj Israel, chan li nimajcual Dios.

Isaías 7:8

Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

2 Samuel 8:9

Ut laj Toi, lix reyeb li cuanqueb saꞌ li tenamit Hamat, quirabi resil nak laj David quinumta saꞌ xbe̱neb chixjunileb lix soldados laj Hadad-ezer.

Números 34:8

Ta̱numekꞌ saꞌ li tzu̱l Hor ut ta̱xic toj Hamat ut ta̱cuulak toj Zedad.

2 Reyes 18:34

¿Bar cuan lix dioseb li tenamit Hamat ut Arfad? ¿Bar cuan lix dioseb li tenamit Sefarvaim ut Hena ut Iva? ¿Ma queꞌxcol ta biꞌ li tenamit Samaria saꞌ cuukꞌ la̱in?

2 Crónicas 32:14

¿Ma cuan ta biꞌ junak dios saꞌ xya̱nkeb li xni̱nkal ru tenamit li quiru raj quicoloc reheb li tenamit aꞌan saꞌ rukꞌeb lin xeꞌto̱nil yucuaꞌ nak queꞌsacheꞌ ruheb? ¿Chanru nak nequecꞌoxla nak texcolekꞌ saꞌ cuukꞌ xban le̱ Dios la̱ex?

Isaías 10:8

Lix reyeb laj Asiria naxye: —Chixjunileb li cuanqueb chokꞌ rey cuanqueb rubel incuanquil.

Isaías 17:1

Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Isaías 37:11

La̱at nacanau cꞌaꞌru nequeꞌxba̱nu lix reyeb laj Asiria. Nequeꞌxsach ruheb chi junaj cua chixjunileb li tenamit li nequeꞌpletic riqꞌuin. ¿Ma texcolekꞌ ta biꞌ la̱ex saꞌ cuukꞌ la̱in?

Ezequiel 47:16

Hamat, Berota, ut Sibraim, li cuan saꞌ li nuba̱l re li tenamit Damasco ut Hamat. Ut nacuulac saꞌ li tenamit Hazar-haticón li cuan saꞌ li nuba̱l re li naꞌajej Haurán.

Habacuc 1:10

Teꞌxrahobtesiheb li acuabej ut teꞌxtzꞌekta̱naheb li nequeꞌcꞌamoc be saꞌ li tenamit. Nak nequeꞌril li cab li nequeꞌxcol cuiꞌ ribeb li tenamit, nequeꞌxseꞌe. Nequeꞌxtu̱b li chꞌochꞌ ut saꞌ xbe̱n aꞌan nequeꞌtakeꞌ re nak ta̱ru̱k teꞌoc saꞌ li tenamit re teꞌre̱chani.

Isaías 33:8

Eb li be poꞌinbileb. Ma̱ ani chic nequeꞌbe̱c saꞌ eb li be. Incꞌaꞌ chic nequeꞌxba̱nu li cꞌaꞌru xeꞌxye saꞌ eb li contrato. Nequeꞌxkꞌet ban li ra̱tineb. Ma̱ ani chic na-oxlokꞌi li ras ri̱tzꞌin.