Isaías 10:7 - Li Santil hu

⁷ Abanan ma̱cuaꞌ aꞌan li naxcꞌoxla lix reyeb laj Asiria. Li cuan saꞌ xcꞌaꞌux li rey, aꞌan xsachbal nabaleb li tenamit.

Q'eqchi Bible

⁷ Ab'an li awab'ej re Asiria ink'a' naxk'oxla a'an, chi moko nanume'k sa' xch'ool chi jo'kan. Li xk'a'uxl a'an junes xkamsinkil ut xsachb'al naab'aleb' chi tenamit.

Isaías 10:7 ပူးပေါင်းရင်းမြစ်များ

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Hechos 2:23

Li Jesús quikꞌaxtesi̱c saꞌ e̱rukꞌ la̱ex xban nak ac joꞌcan chak saꞌ xchꞌo̱l li Dios nak joꞌcan tixcꞌul. Ut la̱ex quechap ut quekꞌaxtesi saꞌ rukꞌeb li cui̱nk li incꞌaꞌ useb xnaꞌleb. Ut eb aꞌan queꞌxcamsi chiru cruz.

Hechos 2:24

Abanan li Dios quicuaclesin cuiꞌchic re chi yoꞌyo saꞌ xya̱nkeb li camenak. Li Dios quirisi xcuanquil li ca̱mc saꞌ xbe̱n xban nak li ca̱mc incꞌaꞌ naru nanumta saꞌ xbe̱n.

Isaías 10:8

Lix reyeb laj Asiria naxye: —Chixjunileb li cuanqueb chokꞌ rey cuanqueb rubel incuanquil.

Isaías 23:13

Qꞌuehomak retal li cꞌaꞌru queꞌxba̱nu eb laj Babilonia. Quilajeꞌxpoꞌi li tenamit Tiro. Eb laj Asiria queꞌxyi̱b li naꞌajej chokꞌ reheb li nequeꞌcuan saꞌ li chaki chꞌochꞌ. Queꞌxyi̱beb li cab re xcolbaleb rib ut queꞌxyi̱b li palacio. Abanan anakcuan ma̱cꞌaꞌ na-oc cuiꞌ li tenamit xban nak xpoꞌeꞌ chixjunil.

Ezequiel 29:20

La̱in tinkꞌaxtesi li tenamit Egipto saꞌ rukꞌ laj Nabucodonosor chokꞌ xkꞌajca̱munquil xban nak aꞌan quicꞌanjelac chicuu nak quipletic riqꞌuineb laj Tiro.

Nahum 1:11

Saꞌ e̱ya̱nk la̱ex cuan li quicꞌoxlan re xba̱nunquil li incꞌaꞌ us re li Ka̱cuaꞌ. Aꞌan jun aj tacchiꞌ yibru xnaꞌleb.

Isaías 37:19

Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.

Daniel 11:12

Ut kꞌaxal cuiꞌchic tixnimobresi rib li rey li cuan saꞌ li sur nak ta̱numta̱k saꞌ xbe̱neb li cuanqueb saꞌ li norte xban nak ta̱re̱chaniheb. Ut tixqꞌueheb nabal chi camsi̱c. Abanan incꞌaꞌ chic najt ta̱cua̱nk saꞌ lix cuanquil.