Isaías 10:5 - Li Santil hu

⁵ Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Q'eqchi Bible

⁵ “Asiria a'an xk'anjelob'aal linjosq'il, a'an li tz'uum nawoksi naq yo injosq'il.

Isaías 10:5 ပူးပေါင်းရင်းမြစ်များ

Sofonías 2:13

Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 14:25

La̱in tinsach ruheb laj Asiria li cuanqueb saꞌ xnaꞌajeb laj Israel lin tenamit. Tinyekꞌiheb saꞌ cuok aran saꞌ eb lin tzu̱l. Tojoꞌnak tincuisi li a̱lal i̱k li xeꞌxqꞌue saꞌ xbe̱neb laj Israel lin tenamit.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Isaías 66:14

Nak te̱ril Jerusalén la̱ex ta̱sahokꞌ saꞌ e̱chꞌo̱l. Ta̱cua̱nk e̱cacuilal. Chanchanakex li cha̱bil pachꞌayaꞌ. Ut la̱ex te̱nau nak li Ka̱cuaꞌ naxtenkꞌaheb li nequeꞌcꞌanjelac chiru. Ut najoskꞌoꞌ saꞌ xbe̱neb li xicꞌ nequeꞌiloc re.

Isaías 13:5

Najt xeꞌchal chak li soldados. Li Ka̱cuaꞌ yo̱ chi cha̱lc rochbeneb re tixsacheb ru li cuanqueb Babilonia xban nak yo̱ xjoskꞌil saꞌ xbe̱neb.

Isaías 8:4

Toj ma̱jiꞌ ajcuiꞌ naxnau xyebal “at innaꞌ at inyucuaꞌ” li chꞌina al aꞌin nak lix biomaleb li tenamit Damasco ut Samaria ta̱chapekꞌ ut ta̱cꞌamekꞌ xban lix reyeb laj Asiria, chan.

Salmos 125:3

Moco junelic ta cua̱nkeb xcuanquil li incꞌaꞌ useb xnaꞌleb saꞌ xbe̱n lix naꞌajeb lin tenamit. Ma̱re anchal teꞌchꞌina̱nk xchꞌo̱leb li ti̱queb xchꞌo̱l ut teꞌoc xba̱nunquil li ma̱usilal.

Salmos 17:14

Riqꞌuin la̱ cuanquil china̱col chiruheb li sa nequeꞌxnumsi li cutan junju̱nk xban lix biomaleb arin saꞌ ruchichꞌochꞌ. Canabeb chixba̱nunquil li cꞌaꞌru nequeꞌraj toj retal teꞌosokꞌ joꞌqueb ajcuiꞌ li ralal xcꞌajol ut eb li ri xmam.

Génesis 10:11

Nak qui-el saꞌ li naꞌajej aꞌan, laj Nimrod co̱ saꞌ jun nimla naꞌajej Asiria xcꞌabaꞌ. Ut aran quixyi̱b eb li tenamit Nínive, Rehobot, ut Cala.

2 Reyes 19:25

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱uxma̱nk. Najter kꞌe cutan la̱in quincꞌu̱b chak ru chanru ta̱cꞌulma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Isaías 7:17

Raylal tixqꞌue saꞌ e̱be̱n li Ka̱cuaꞌ ut saꞌ xbe̱neb le̱ ralal e̱cꞌajol. Cꞌajoꞌ li raylal teꞌxcꞌul chixjunileb li ralal xcꞌajoleb li rey. Ma̱ jun sut quicꞌulman chi joꞌcan chalen nak eb laj Efraín queꞌxjach ribeb riqꞌuineb laj Judá. Li Ka̱cuaꞌ tixtakla chak lix reyeb laj Asiria che̱rahobtesinquil.

Isaías 7:20

Ut saꞌ eb li cutan aꞌan li Ka̱cuaꞌ tixtakla lix reyeb laj Asiria, li cuan jun pacꞌal li nimaꞌ Éufrates. Li cui̱nk aꞌan chanchan jun aj besonel xban nak tixtakla xbesbal le̱ jolom joꞌ ajcuiꞌ le̱ mach ut le̱ tzelec.

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

Isaías 10:25

Chi se̱b ta̱numekꞌ lin joskꞌil saꞌ e̱be̱n. Tojoꞌnak tincuisi injoskꞌil saꞌ xbe̱neb laj Asiria ut tinsach ruheb, chan.

Isaías 14:24

Ac xye riqꞌuin juramento li nimajcual Dios li a̱tin aꞌin: —Relic chi ya̱l nak ta̱cꞌulma̱nk joꞌ xincꞌu̱b ru la̱in. Ta̱cꞌulma̱nk joꞌ xinye la̱in.

Isaías 23:13

Qꞌuehomak retal li cꞌaꞌru queꞌxba̱nu eb laj Babilonia. Quilajeꞌxpoꞌi li tenamit Tiro. Eb laj Asiria queꞌxyi̱b li naꞌajej chokꞌ reheb li nequeꞌcuan saꞌ li chaki chꞌochꞌ. Queꞌxyi̱beb li cab re xcolbaleb rib ut queꞌxyi̱b li palacio. Abanan anakcuan ma̱cꞌaꞌ na-oc cuiꞌ li tenamit xban nak xpoꞌeꞌ chixjunil.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Isaías 30:27

Lix cuanquil ut lix lokꞌal li Ka̱cuaꞌ nacꞌutun chi najt. Lix joskꞌil nacꞌutun riqꞌuin li xam ut riqꞌuin li sib. Lix tzꞌu̱mal re nacꞌutuc re lix joskꞌil ut li ruꞌuj rakꞌ chanchan li xam li nasachoc.

Isaías 34:2

Xban nak li Ka̱cuaꞌ Dios yo̱ xjoskꞌil saꞌ xbe̱neb li tenamit ut saꞌ xbe̱neb ajcuiꞌ lix soldado, tixkꞌaxtesiheb re nak teꞌcamsi̱k ut re nak teꞌsachekꞌ ruheb chi junaj cua.

Ezequiel 7:10

Xcuulac xkꞌehil nak tex-osokꞌ. Xcuulac xkꞌehil nak te̱toj rix li ma̱usilal xeba̱nu xban nak le̱ ma̱usilal xnumta yalak bar ut xnumta le̱ kꞌetkꞌetil.

Ezequiel 22:31

Joꞌcan nak la̱in tincuisi lin joskꞌil saꞌ xbe̱neb. Chanchanakin li xam nak tinsach ruheb. Aꞌaneb ajcuiꞌ teꞌtojok re li ma̱usilal xeꞌxba̱nu. La̱in li nimajcual Dios ninyehoc re aꞌin.—

Habacuc 1:12

Quixye laj Habacuc: —At Ka̱cuaꞌ, at inDios Santo, ¿Ma incꞌaꞌ ta biꞌ ac cuancat chak chalen saꞌ xticlajic? At Ka̱cuaꞌ, la̱at laj Colol ke. Incꞌaꞌ taxak toa̱qꞌue chi ca̱mc. La̱at tatqꞌuehok reheb laj Caldea chi numta̱c saꞌ kabe̱n re takatoj rix li kama̱c.

Números 24:24

Teꞌcha̱lk chak Quitim saꞌ eb li jucub ut teꞌxrahobtesiheb laj Asiria ut teꞌxrahobtesiheb ajcuiꞌ li ralal xcꞌajol laj Heber. Abanan eb laj Quitim teꞌsachekꞌ ajcuiꞌ ruheb, chan.

2 Reyes 18:25

¿Ma ma̱cuaꞌ ta biꞌ li Ka̱cuaꞌ xtaklan chak cue saꞌ li naꞌajej aꞌin chi pletic? ¿Ma xinchal ta biꞌ chixsachbal ru yal injunes?” chan.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Isaías 30:9

Li tenamit aꞌin kꞌetkꞌeteb ut nequeꞌbalakꞌin. Incꞌaꞌ nequeꞌraj rabinquil lix chakꞌrab li Dios.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Nahum 1:1

Aꞌan aꞌin li hu quixtzꞌi̱ba li profeta Nahum chirix li cꞌaꞌru teꞌxcꞌul saꞌ li tenamit Nínive, joꞌ quicꞌutbesi̱c chiru xban li Dios. Laj Nahum, aꞌan Elcos xtenamit.