Isaías 10:4 - Li Santil hu

⁴ Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Q'eqchi Bible

⁴ Wi ink'a' teekub'si eerib' sa' xyanqeb' laj preex, texkamq sa' xyanqeb' li te'kamsiiq. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Isaías 10:4 ပူးပေါင်းရင်းမြစ်များ

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Oseas 9:12

Ut cui ta teꞌni̱nka̱nk li ralal xcꞌajol, la̱in tebinmakꞌ chiruheb. Tokꞌobak ruheb nak tebincanab la̱in, chan li Ka̱cuaꞌ.

Isaías 66:16

Li Ka̱cuaꞌ ta̱rakok a̱tin saꞌ xbe̱neb riqꞌuin xam ut riqꞌuin chꞌi̱chꞌ tixcamsiheb. Kꞌaxal nabalakeb li teꞌcamsi̱k xban li Ka̱cuaꞌ.

Isaías 34:3

Eb li camenak telajeꞌcana̱k chi tꞌantꞌo ut cꞌajoꞌak xchuhaleb. Ut ta̱osokꞌ li tzu̱l saꞌ lix quiqꞌueleb.

Isaías 24:22

Tixchꞌutub ru joꞌ nak nequeꞌchꞌutuba̱c li pre̱x ut teꞌtzꞌapekꞌ saꞌ jun naꞌajej joꞌ nak nequeꞌtzꞌapeꞌ li pre̱x li ni̱nkeb xma̱c. Ut najt teꞌcua̱nk aran toj ta̱cuulak xkꞌehil nak teꞌqꞌuehekꞌ chixtojbal xma̱queb.

Isaías 22:2

¿Ma ma̱cuaꞌex ta biꞌ jun tenamit li junes choki̱nc nequeba̱nu? ¿Ma ma̱cuaꞌ ta biꞌ la̱ex jun tenamit li junelic sa saꞌ e̱chꞌo̱l? ¿Cꞌaꞌut nak eb le̱ comon moco xeꞌcamsi̱c ta chi chꞌi̱chꞌ? ¿Cꞌaꞌut nak incꞌaꞌ xeꞌcamsi̱c saꞌ li ple̱t?

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Isaías 9:17

Joꞌcan nak incꞌaꞌ quixtokꞌoba ruheb li sa̱j cui̱nk li Ka̱cuaꞌ, chi moco quiril xtokꞌoba̱l ruheb li nebaꞌ ut eb li xma̱lcaꞌan. Chixjunileb li tenamit incꞌaꞌ useb xnaꞌlebeb. Incꞌaꞌ nequeꞌxqꞌue xcuanquil li Ka̱cuaꞌ. Junes ma̱usilal nequeꞌxye. Joꞌcan nak li Dios toj ma̱jiꞌ nanumeꞌ xjoskꞌil saꞌ xbe̱neb. Toj tixqꞌue chixtojbal xma̱queb li tenamit.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

Isaías 9:11

Li Ka̱cuaꞌ quixchikꞌ xjoskꞌileb li xicꞌ nequeꞌiloc reheb. Queꞌxchꞌutub ribeb re teꞌxic chi pletic riqꞌuineb laj Israel.

Isaías 9:16

Eb li nequeꞌcꞌamoc be, aꞌaneb li nequeꞌbalakꞌin reheb li tenamit. Ut eb li tenamit nequeꞌxpa̱b li cꞌaꞌru nequeꞌxye. Joꞌcan nak nequeꞌsach.

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Jeremías 15:2

Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.