Isaías 10:32 - Li Santil hu

³² Saꞌ li cutan aꞌan eb li xicꞌ nequeꞌiloc e̱re teꞌxyi̱b lix muheba̱leb aran Nob. Ut teꞌxic chi pletic saꞌ li tzu̱l Sión li cuan Jerusalén.

Q'eqchi Bible

³² Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Isaías 10:32 ပူးပေါင်းရင်းမြစ်များ

1 Samuel 21:1

Laj David co̱ aran Nob riqꞌuin laj Ahimelec laj tij. Laj Ahimelec quisach xchꞌo̱l chirilbal laj David ut quixye re: —¿Cꞌaꞌut nak xatchal arin a̱junes? chan.

Zacarías 2:9

Joꞌcan nak tinqꞌueheb saꞌ raylal. Ut la̱ex li cuanquex chokꞌ xmo̱seb, texinqꞌue chi numta̱c saꞌ xbe̱neb aꞌan re nak te̱nau nak li nimajcual Dios, aꞌan li quitaklan chak cue.

Isaías 37:22

Li cuanqueb saꞌ li tenamit Jerusalén chanchan jun li tukꞌ ixk yo̱ cha̱seꞌenquil ut yo̱ cha̱hobbal, at Senaquerib. Li cuanqueb saꞌ tenamit Jerusalén nequeꞌrecꞌasi lix jolomeb cha̱hobbal nak yo̱cat chi e̱lelic.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

1 Samuel 22:19

Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

Jeremías 6:23

Ac cuan chak lix chꞌi̱chꞌeb saꞌ rukꞌeb ut lix tzimaj. Kꞌaxal joskꞌeb. Ma̱ ani nequeꞌril xtokꞌoba̱l ruheb. Yo̱queb chi cha̱lc chirix cacua̱y chi pletic riqꞌuineb laj Jerusalén. Nak nequeꞌxjap re chanchan nak na-ecꞌan ru li palau.—

Isaías 13:2

Taksihomak le̱ bandera saꞌ xbe̱n junak li tzu̱l ma̱cꞌaꞌ cheꞌ chiru. Japomak e̱re chixyebal reheb li soldado nak teꞌoc saꞌ li oqueba̱l li cuanqueb cuiꞌ li nequeꞌtaklan saꞌ xbe̱neb li tenamit.

Isaías 11:15

Li Ka̱cuaꞌ Dios riqꞌuin lix nimal xcuanquil tixchakihobresi li palau li cuan Egipto. Ut tixtakla li tikcual ikꞌ saꞌ xbe̱n li nimaꞌ Éufrates. Tixjach ru li nimaꞌ ut teꞌcana̱k cuukub chi cocꞌ nimaꞌ re nak eb li tenamit teꞌnumekꞌ jun pacꞌal chi incꞌaꞌ teꞌrisi lix xa̱beb.

Isaías 10:24

Li Ka̱cuaꞌ li nimajcual Dios naxye reheb lix tenamit li cuanqueb Sión: —Ex intenamit, mexxucuac chiruheb laj Asiria usta teꞌxba̱nu raylal e̱re joꞌ queꞌxba̱nu eb laj Egipto.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Isaías 1:8

Caꞌaj chic li tenamit Sión xcana sutsu xbaneb li xicꞌ nequeꞌiloc re. Nacꞌutun chanchan li chꞌina cab li cuan saꞌ xnaꞌaj li acui̱mk uvas. Chanchan li chꞌina cab saꞌ xnaꞌaj li acui̱mk melón.

Nehemías 11:32

Ut cuan ajcuiꞌ li queꞌcana saꞌ eb li tenamit Anatot, Nob ut Ananías.

1 Samuel 22:9

Cuan aran laj Doeg li nataklan saꞌ xbe̱neb li nequeꞌiloc re lix queto̱mk laj Saúl. Edom xtenamit. Laj Doeg quixye re laj Saúl: —Xcuil nak xcuulac li ralal laj Isaí aran Nob riqꞌuin laj Ahimelec li ralal laj Ahitob.

Isaías 10:31

Eb li cuanqueb aran Madmena queꞌe̱lelic ut eb li cuanqueb Geba queꞌxmuk ribeb.

Isaías 16:1

La̱ex aj Moab, li cuanquex saꞌ li chaki chꞌochꞌ Sela, taklahomakeb li carner re li rey li cuan saꞌ li tzu̱l Sión.

1 Samuel 21:2

Laj David quixye re: —Li rey xqꞌue jun intaklanquil. Ut xye cue nak ma̱ ani aj iqꞌuin tinserakꞌi cꞌaꞌru lin taklanquil. La̱in xinye reheb lin soldado bar tineꞌxcꞌul.

2 Crónicas 32:1

Mokon chic nak ac xcꞌulman chixjunil li cꞌaꞌak re ru aꞌin nak eb laj Israel cuanqueb saꞌ ti̱quilal chiru li Ka̱cuaꞌ, quichal laj Senaquerib lix reyeb laj Asiria ut qui-oc saꞌ xchꞌochꞌeb laj Judá. Quixqꞌue lix naꞌajeb nachꞌ riqꞌuineb li tenamit li sutsu̱queb saꞌ tzꞌac re teꞌxcol cuiꞌ ribeb. Li cuan saꞌ lix cꞌaꞌux, aꞌan re̱chaninquileb li tenamit aꞌan.

2 Crónicas 32:2

Li rey Ezequías quixqꞌue retal nak queꞌcuulac laj Senaquerib ut quixnau nak teꞌraj pletic riqꞌuineb laj Jerusalén.

Isaías 8:8

Teꞌnumta̱k saꞌ xbe̱neb chixjunileb laj Judá. Chanchanakeb li butꞌ li nacuulac toj saꞌ xcuxeb lix chamal ut naxtzꞌap chixjunil la̱ tenamit, at Emanuel, chan li Ka̱cuaꞌ.

Isaías 29:2

Chirix aꞌan li Dios tixqꞌue li raylal saꞌ xbe̱n li tenamit Jerusalén. Teꞌyotꞌekꞌ xchꞌo̱leb ut teꞌya̱bak ut chixjunil li tenamit chanchanak jun li artal li junelic cuan quicꞌ saꞌ xbe̱n.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.