Isaías 10:27 - Li Santil hu

²⁷ Saꞌ eb li cutan aꞌan tex-isi̱k rubel xcuanquil eb laj Asiria. Incꞌaꞌ chic texrahobtesi̱k xbaneb. Chanchan nak ta̱isi̱k li a̱lal i̱k li cuan saꞌ e̱be̱n. Malaj ut chanchan nak ta̱isi̱k junak yugo saꞌ e̱be̱n. Chanchan nak ta̱tokekꞌ li yugo.

Q'eqchi Bible

²⁷ Sa' li kutan a'an texwisi rub'el xwankileb' laj Asiria ut ink'a' chik texrahob'tesiiq xb'aaneb', tex'ach'ab'aaq b'an chi junajwa”.

Isaías 10:27 ပူးပေါင်းရင်းမြစ်များ

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Isaías 14:25

La̱in tinsach ruheb laj Asiria li cuanqueb saꞌ xnaꞌajeb laj Israel lin tenamit. Tinyekꞌiheb saꞌ cuok aran saꞌ eb lin tzu̱l. Tojoꞌnak tincuisi li a̱lal i̱k li xeꞌxqꞌue saꞌ xbe̱neb laj Israel lin tenamit.

Salmos 105:15

Quixye reheb: —Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb li nequeꞌcꞌanjelac chicuu chokꞌ profeta, chan.

1 Juan 2:20

Ut la̱ex ac santobresinbilex xban li Santil Musikꞌej li qꞌuebil e̱re xban li Jesucristo, ut nequenau chic lix ya̱lal.

Salmos 45:7

La̱at nacara li ti̱quilal ut xicꞌ nacacuil li ma̱usilal. Joꞌcan nak quisiqꞌueꞌ a̱cuu xban li Ka̱cuaꞌ la̱ Dios. Ut kꞌaxal cuiꞌchic nabal li sahil chꞌo̱lej li quixqꞌue a̱cue la̱at chiruheb li quilajeꞌcuan chokꞌ rey.

Salmos 20:6

Ninnau chi tzꞌakal nak li Ka̱cuaꞌ Dios ta̱tenkꞌa̱nk re li rey li sicꞌbil ru xban. Li Dios toj saꞌ li santil choxa tixsume chak li cꞌaꞌru naxtzꞌa̱ma chiru ut riqꞌuin lix nimal xcuanquilal tixtenkꞌa re nak aꞌan ta̱numta̱k saꞌ xbe̱neb li xicꞌ nequeꞌiloc re.

1 Juan 2:27

Abanan incꞌaꞌ tento ta̱cua̱nk junak aj tzolol e̱re re xcꞌutbal che̱ru cꞌaꞌru li ya̱l ut cꞌaꞌru li incꞌaꞌ ya̱l xban nak qꞌuebil e̱re li Santil Musikꞌej xban li Jesucristo. Li Santil Musikꞌej cuan e̱riqꞌuin ut aꞌan li naqꞌuehoc e̱naꞌleb. Li cꞌaꞌru naxcꞌut che̱ru li Santil Musikꞌej tzꞌakal ya̱l. Moco ticꞌtiꞌ ta. Joꞌcan nak chexcua̱nk chi sum a̱tin riqꞌuin li Jesucristo joꞌ naxcꞌut che̱ru li Santil Musikꞌej.

2 Samuel 1:21

La̱ex li tzu̱l li cuanquex Gilboa, incꞌaꞌ ta chic chitꞌanekꞌ li hab saꞌ e̱be̱n, chi moco li xchuꞌque. Ut incꞌaꞌ ta chic chie̱lk li acui̱mk chiru li chꞌochꞌ xban nak saꞌ e̱be̱n la̱ex xeꞌsacheꞌ xcuanquileb lix chꞌi̱chꞌeb li cauheb rib chi pletic. Ut saꞌ e̱be̱n ajcuiꞌ la̱ex quisacheꞌ xcuanquil lix chꞌi̱chꞌ laj Saúl. Chanchan ta li incꞌaꞌ sicꞌbil ru xban li Dios.

Salmos 84:9

At Ka̱cuaꞌ, la̱at laj Colol ke. Chacuosobtesi taxak li rey li sicꞌbil ru a̱ban.

Hechos 4:27

At Ka̱cuaꞌ, ya̱l ajcuiꞌ nak queꞌxchꞌutub ribeb saꞌ li tenamit aꞌin laj Herodes ut laj Poncio Pilato rochbeneb li tenamit aj Israel joꞌqueb ajcuiꞌ li ma̱cuaꞌeb aj Israel ut queꞌxcꞌu̱b ru chanru nak teꞌxba̱nu raylal re li Jesús la̱ Santil Alal li sicꞌbil ru a̱ban xban nak xicꞌ queꞌril.

Isaías 37:35

La̱in tin-ilok re li tenamit ut la̱in ajcuiꞌ tincolok re. Tinba̱nu aꞌin saꞌ incꞌabaꞌ la̱in ut saꞌ xcꞌabaꞌ laj David li quicꞌanjelac chicuu” chan li Ka̱cuaꞌ.—

Salmos 132:10

Saꞌ xcꞌabaꞌ li rey David laj cꞌanjel cha̱cuu, chaba̱nu taxak li cꞌaꞌru cayechiꞌi re xban nak aꞌan sicꞌbil ru a̱ban.

Salmos 2:6

Li Dios quixye: —Xinxakab li Rey li xinsicꞌ ru. La̱in xinxakaban re saꞌ lin santil tenamit Sión.— (Jerusalén nayeman ajcuiꞌ re.)

San Juan 1:41

Nak ac x-a̱tinac riqꞌuin li Jesús, ticto co̱ laj Andrés riqꞌuin laj Simón ut quixye re: —Anakcuan xkatau li Mesías, chan. (Chi jalbil ru naraj naxye “li Cristo li taklanbil chak xban li Dios”.)

Salmos 81:6

Quicuabi jun xya̱b cux ma̱ jun sut cuabiom. Quixye: —Xexcuisi chak saꞌ li raylal aran Egipto. Chanchan nak xcuisi li i̱k saꞌ e̱be̱n nak xexcuisi chak saꞌ li cacuil trabaj li yo̱quex chixba̱nunquil aran Egipto.

Isaías 30:23

Nak la̱ex tex-a̱uk, li Ka̱cuaꞌ tixtakla li hab re xtꞌakresinquil le̱ racui̱mk. Ut nabal ru le̱ racui̱mk tixqꞌue e̱re. Ut tzꞌakalak ajcuiꞌ li pachꞌayaꞌ reheb le̱ queto̱mk.

Isaías 52:2

Cuaclinkex ut chikꞌomak li poks che̱rix. Cꞌojlankex saꞌ le̱ cꞌojariba̱l la̱ex aj Jerusalén. Isihomakeb li cadena li chapcho̱quex cuiꞌ, la̱ex li cuanquex Sión.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Ezequiel 30:18

Chanchan nak ta̱kꞌojyi̱nokꞌ ru li cutan aran Tafnes nak la̱in tinsach lix cuanquileb laj Egipto. Tincuisi lix kꞌetkꞌetil nak tincubsi lix cuanquileb. Chanchan nak ta̱tzꞌapekꞌ li tenamit xban li chok. Ut eb li cuanqueb saꞌ li cocꞌ tenamit teꞌcꞌamekꞌ chi pre̱xil.

Levítico 7:35

Chalen saꞌ li cutan nak queꞌxakaba̱c laj Aarón ut eb li ralal chi cꞌanjelac chokꞌ aj tij, li Ka̱cuaꞌ quixye nak eb aꞌan teꞌtzꞌak li tib nak nequeꞌxcꞌat li mayej chiru li Ka̱cuaꞌ.

Jeremías 30:8

Saꞌ li cutan aꞌan, chan li Ka̱cuaꞌ, la̱in tincuisi li raylal li cuanqueb cuiꞌ. Chanchan nak tintok li yugo ut tincuisi li cadena li bacꞌbo̱queb cuiꞌ. Incꞌaꞌ chic teꞌqꞌuehekꞌ saꞌ cacuil cꞌanjel xbaneb li jalaneb xtenamit.