Isaías 10:26 - Li Santil hu

²⁶ Ut li nimajcual Dios tixqꞌueheb chixtojbal xma̱queb joꞌ quixba̱nu reheb laj Madián nak quixcamsiheb saꞌ li sako̱nac li cuan aran Oreb. Tixcꞌut lix cuanquil chiruheb laj Asiria joꞌ nak quixcꞌut chiruheb laj Egipto nak queꞌoc chi numecꞌ saꞌ li Caki Palau.

Q'eqchi Bible

²⁶ Li Nimajwal Yos tixk'e reeqaj li rahilal xe'xb'aanu eere, jo' naq kixsacheb' ru laj Madián sa' li tzuul Horeb malaj jo' naq kixte li b'e sa' li palaw rik'in li xxuq' aran Ejiipt.

Isaías 10:26 ပူးပေါင်းရင်းမြစ်များ

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Jueces 7:25

Ut queꞌxchap cuibeb li nequeꞌtaklan saꞌ xya̱nkeb laj Madián. Aꞌaneb laj Oreb ut laj Zeeb. Laj Oreb queꞌxcamsi saꞌ li sako̱nac Oreb xcꞌabaꞌ. Ut queꞌxcamsi laj Zeeb saꞌ li naꞌajej li naxyatzꞌ cuiꞌ lix uvas laj Zeeb. Nak queꞌsukꞌi chak chira̱linanquileb laj Madián, queꞌxcꞌam chak lix jolomeb laj Oreb ut laj Zeeb ut queꞌxkꞌaxtesi re laj Gedeón jun pacꞌal li nimaꞌ Jordán.

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.

Éxodo 14:16

La̱at ta̱taksi la̱ xukꞌ ut ta̱teleb la̱ cuukꞌ saꞌ xbe̱n li palau re nak tixjach rib li haꞌ. Tincanab chi chaki le̱ be re nak texnumekꞌ saꞌ li palau.

Apocalipsis 19:15

Li Ti̱c Xchꞌo̱l cuan jun li kꞌesnal chꞌi̱chꞌ saꞌ re, re xsachbal xcuanquileb li xni̱nkal ru tenamit. Cau ta̱takla̱nk saꞌ xbe̱neb. Chanchan riqꞌuin jun xukꞌ chꞌi̱chꞌ tixtaklaheb. Chanchan nak nayatzꞌeꞌ li ru li uvas nak ta̱rakok a̱tin saꞌ xbe̱neb riqꞌuin xjoskꞌil li Dios.

Apocalipsis 11:18

Cꞌajoꞌ nak queꞌjoskꞌoꞌ li tenamit li xicꞌ nequeꞌiloc a̱cue. Abanan xcuulac xkꞌehil nak ta̱cꞌut la̱ joskꞌil chiruheb. Xcuulac xkꞌehil nak tatrakok a̱tin saꞌ xbe̱neb li camenak. Ut ta̱qꞌueheb xkꞌajca̱munquileb laj cꞌanjel cha̱cuu li queꞌyehoc resil li cꞌaꞌru ta̱cꞌulma̱nk. Ut ta̱qꞌueheb ajcuiꞌ xkꞌajca̱munquileb laj pa̱banel li queꞌqꞌuehoc a̱lokꞌal, usta cuanqueb xcuanquil usta ma̱cꞌaꞌ. Ut la̱at ta̱sach ruheb li queꞌba̱nun raylal reheb li cuanqueb saꞌ ruchichꞌochꞌ, chanqueb.

Isaías 11:16

Nak eb li joꞌ qꞌuial chic li teꞌcolekꞌ teꞌe̱lk Asiria teꞌnumekꞌ saꞌ jun li nimla be joꞌ queꞌxba̱nu eb laj Israel nak queꞌel chak Egipto junxil.

Isaías 10:24

Li Ka̱cuaꞌ li nimajcual Dios naxye reheb lix tenamit li cuanqueb Sión: —Ex intenamit, mexxucuac chiruheb laj Asiria usta teꞌxba̱nu raylal e̱re joꞌ queꞌxba̱nu eb laj Egipto.

Salmos 83:11

Chasach ta ruheb laj cꞌamol be joꞌ caba̱nu reheb laj Oreb ut laj Zeeb. Chasach ta ruheb chixjunileb laj cꞌamol be joꞌ caba̱nu reheb laj Zeba ut laj Zalmuna.

Salmos 35:23

China̱cuabi, at Ka̱cuaꞌ, ut china̱col chiruheb. Chat-oque̱nk chicuix ut china̱col chiruheb, at Ka̱cuaꞌ, at inDios.

Isaías 30:31

Eb laj Asiria cꞌajoꞌ nak queꞌxrahobtesiheb laj Israel. Abanan li Ka̱cuaꞌ tixsacheb ru yal riqꞌuin li ra̱tin.

Isaías 9:3

At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Isaías 30:30

Li Ka̱cuaꞌ li nimajcual Dios tixqꞌue chi abi̱c lix ya̱b lix cux ut tixcꞌutbesi lix joskꞌil chiruheb chixjunileb riqꞌuin xam ut riqꞌuin li cacuil hab ut sakbach ut riqꞌuin ca̱k-sut-ikꞌ.

Isaías 30:32

Nak li Ka̱cuaꞌ tixqꞌue li junju̱nk chi raylal saꞌ xbe̱neb laj Asiria, eb laj Israel yo̱keb chixchꞌeꞌbaleb lix pandero ut lix arpa. Li Ka̱cuaꞌ, aꞌan li ta̱pletik riqꞌuineb laj Asiria.