Isaías 10:25 - Li Santil hu

²⁵ Chi se̱b ta̱numekꞌ lin joskꞌil saꞌ e̱be̱n. Tojoꞌnak tincuisi injoskꞌil saꞌ xbe̱neb laj Asiria ut tinsach ruheb, chan.

Q'eqchi Bible

²⁵ Yal jun k'amok aj chik maa naraqe'k linjosq'il sa' eeb'een, ut sa' xb'eeneb' chik laj Asiria taaq'apliiq.

Isaías 10:25 ပူးပေါင်းရင်းမြစ်များ

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Hebreos 10:37

Joꞌcaꞌin tzꞌi̱banbil saꞌ li Santil Hu: Chi se̱b tol-e̱lk li Cristo. Incꞌaꞌ ta̱ba̱yk chak.

2 Reyes 19:35

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsi jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u ac camenakeb chic chixjunil.

Isaías 54:7

Junpa̱t ajcuiꞌ xexincanab e̱junes. Anakcuan tincuuxta̱na e̱ru ut texincꞌam cuiꞌchic cuiqꞌuin.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Salmos 37:10

Chi se̱b ma̱cꞌaꞌakeb chic li incꞌaꞌ useb xnaꞌleb. Usta tatxic chixsicꞌbaleb saꞌ lix naꞌajeb, incꞌaꞌ chic ta̱tauheb.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Isaías 26:20

Ex intenamit, ocankex saꞌ le̱ rochoch ut tzꞌapomak li oqueba̱l. Mukumak caꞌchꞌinak e̱rib toj ta̱numekꞌ xjoskꞌil li Dios.

Hageo 2:6

Cuulac re xkꞌehil nak la̱in tincuecꞌasi saꞌ xnaꞌaj li choxa ut li ruchichꞌochꞌ ut li palau.

Proverbios 22:8

Li ani naxba̱nu ma̱usilal, ma̱usilal ajcuiꞌ tixcꞌul. Ut ta̱cuulak xkꞌehil nak incꞌaꞌ chic ta̱ru̱k tixcꞌutbesi lix joskꞌil.