Isaías 10:24 - Li Santil hu

²⁴ Li Ka̱cuaꞌ li nimajcual Dios naxye reheb lix tenamit li cuanqueb Sión: —Ex intenamit, mexxucuac chiruheb laj Asiria usta teꞌxba̱nu raylal e̱re joꞌ queꞌxba̱nu eb laj Egipto.

Q'eqchi Bible

²⁴ Jo'ka'in xyehom li Nimajwal Yos: “Mexxiwak, ex intenamit li wankex Sión. Meexiwa ruheb' laj Asiria, us ta tate'xrahob'tesi rik'in che' ut tz'uum jo' ke'xb'aanu eb' laj Ejiipt.

Isaías 10:24 ပူးပေါင်းရင်းမြစ်များ

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Isaías 37:6

Ut laj Isaías quixye reheb: —Joꞌcaꞌin te̱ye re laj Ezequías. “Li Ka̱cuaꞌ naxye a̱cue nak incꞌaꞌ tatxucuak xban li cꞌaꞌru nequeꞌxye e̱re. Matxucuac xban li cꞌaꞌru xeꞌxye re inmajecuanquil eb li nequeꞌcꞌanjelac chiru lix reyeb laj Asiria.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Isaías 37:22

Li cuanqueb saꞌ li tenamit Jerusalén chanchan jun li tukꞌ ixk yo̱ cha̱seꞌenquil ut yo̱ cha̱hobbal, at Senaquerib. Li cuanqueb saꞌ tenamit Jerusalén nequeꞌrecꞌasi lix jolomeb cha̱hobbal nak yo̱cat chi e̱lelic.

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Isaías 30:19

Relic chi ya̱l la̱ex texcua̱nk cuiꞌchic aran Sión saꞌ li tenamit Jerusalén. Incꞌaꞌ chic texya̱bak. Kꞌaxal nim li ruxta̱n li Ka̱cuaꞌ. Nak te̱ya̱ba lix cꞌabaꞌ, li Ka̱cuaꞌ ta̱rabi le̱ tij.

Isaías 27:7

Li Dios incꞌaꞌ quixrahobtesiheb laj Israel joꞌ quixba̱nu reheb li xicꞌ nequeꞌiloc reheb laj Israel. Incꞌaꞌ quixqꞌueheb chi camsi̱c laj Israel joꞌ quixqꞌueheb chi camsi̱c li jalaneb xtenamit.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Isaías 4:3

Ta̱cuulak xkꞌehil nak li joꞌ qꞌuialeb li tzꞌi̱banbileb xcꞌabaꞌ saꞌ li tenamit Jerusalén, li incꞌaꞌ queꞌsacheꞌ ruheb, teꞌyehekꞌ “Santil Tenamit” reheb. Sión nayeman ajcuiꞌ re li tenamit Jerusalén.

Éxodo 14:9

Eb laj Egipto queꞌxta̱keheb laj Israel. Queꞌco̱eb lix cacua̱y laj faraón joꞌ ajcuiꞌ eb lix carruaje. Queꞌco̱eb chixjunileb lix soldado. Ut coxeꞌxtauheb xmuheba̱l laj Israel jun pacꞌal li naꞌajej Pi-hahirot chire li palau saꞌ xjayal li naꞌajej Baal-zefón.

Éxodo 5:14

Eb laj Israel li cuanqueb chokꞌ aj ilol trabaj queꞌsaqꞌueꞌ xbaneb laj Egipto li nequeꞌtaklan saꞌ xbe̱neb saꞌ xcꞌabaꞌ laj faraón. Eb li nequeꞌtaklan queꞌxpatzꞌ reheb laj ilol re li trabaj: —¿Cꞌaꞌut nak ma̱jiꞌ nequekꞌaxtesi xqꞌuial li xan re ecue̱r ut re anakcuan joꞌ xeba̱nu junxil? chanqueb.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

Isaías 30:32

Nak li Ka̱cuaꞌ tixqꞌue li junju̱nk chi raylal saꞌ xbe̱neb laj Asiria, eb laj Israel yo̱keb chixchꞌeꞌbaleb lix pandero ut lix arpa. Li Ka̱cuaꞌ, aꞌan li ta̱pletik riqꞌuineb laj Asiria.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Miqueas 5:5

Ut aꞌan ta̱cꞌamok chak re li tuktu̱quil usilal saꞌ kaya̱nk la̱o li ralal xcꞌajol. Ut aꞌan ta̱colok ke saꞌ rukꞌeb laj Asiria nak teꞌraj oc saꞌ li katenamit chixjucꞌbal li kapalacio. Ut la̱o takaxakab cuukubak chi cui̱nk re teꞌilok ke ut takaxakab ajcuiꞌ cuakxakibak chi cui̱nk cua̱nkeb xcuanquil re teꞌcꞌamok be chiku.

2 Reyes 19:6

Laj Isaías quixtakla xyebal re laj Ezequías chi joꞌcaꞌin: —Li Ka̱cuaꞌ naxye a̱cue nak incꞌaꞌ tatxucuak xban li cꞌaꞌru nequeꞌxye e̱re. Matxucuac xban li cꞌaꞌru xeꞌxye re inmajecuanquil eb li nequeꞌcꞌanjelac chiru lix reyeb laj Asiria.