Isaías 10:16 - Li Santil hu

¹⁶ Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Q'eqchi Bible

¹⁶ Jo'kan naq li Nimajwal Yos tixkanab'eb' li kaweb' rib' chi maak'a'eb' chik xmetz'ew, ut tixk'e xxamlel li neke'xnimob'resi rib' jo' naq nak'ate'k li chaqi si'.

Isaías 10:16 ပူးပေါင်းရင်းမြစ်များ

2 Crónicas 32:21

Ut li Ka̱cuaꞌ Dios quixtakla jun li ángel re tixsach ruheb li cauheb rib chi pletic joꞌ eb ajcuiꞌ li nequeꞌcꞌamoc be saꞌ xya̱nkeb ut li nequeꞌtaklan saꞌ xbe̱neb lix soldado lix reyeb laj Asiria. Ut lix reyeb laj Asiria quisukꞌi saꞌ lix tenamit chi yo̱ xxuta̱n. Nak qui-oc saꞌ lix templo lix dios, eb li ralal queꞌxcamsi chi chꞌi̱chꞌ.

Hechos 12:23

Ut saꞌ ajcuiꞌ li ho̱nal aꞌan, jun x-ángel li Ka̱cuaꞌ quixqꞌue jun yajel saꞌ xbe̱n laj Herodes xban nak quixqꞌue rib chixlokꞌoniheb li tenamit ut incꞌaꞌ quixqꞌue xlokꞌal li Dios. Quimotzoꞌin ut aꞌan quicamsin re.

Salmos 106:15

Li Dios quixqꞌue reheb li cꞌaꞌru queꞌxtzꞌa̱ma. Abanan quixtakla jun li yajel saꞌ xbe̱neb ut nabaleb queꞌcam xban.

Isaías 37:36

Saꞌ ajcuiꞌ li kꞌojyi̱n aꞌan jun x-ángel li Dios quicuulac saꞌ xmuheba̱leb laj Asiria ut quixcamsiheb jun ciento riqꞌuin o̱b roxcꞌa̱l mil (185,000) chi soldado aj Asiria. Joꞌ cuulajak chic nak quisake̱u, ac camenakeb chic chixjunileb.

Isaías 37:29

Xban nak ninnau nak yo̱ a̱joskꞌil ut xakꞌetkꞌeti a̱cuib chicuu, joꞌcan nak la̱in tinram le̱ be. Chanchan nak tinqꞌue jun li chꞌi̱chꞌ saꞌ la̱ cuuꞌuj ut jun li chꞌi̱chꞌ saꞌ a̱cue. Ut tatinqꞌue cuiꞌchic chi sukꞌi̱c saꞌ li xatchal cuiꞌ chak, chan li Ka̱cuaꞌ.

Isaías 17:4

Saꞌ eb li cutan aꞌan ta̱sachekꞌ lix cuanquilaleb li ralal xcꞌajol laj Jacob. Ut ta̱sachekꞌ ajcuiꞌ lix biomaleb.

Isaías 10:18

Tixsach ruheb li cha̱bil chꞌochꞌ ut li qꞌuicheꞌ. Li naꞌajej ta̱cana̱k chi ma̱cꞌaꞌ cuan chi saꞌ. Chanchan junak li yaj li ma̱cꞌaꞌ chic xmetzꞌe̱u.

Isaías 9:5

Ta̱cꞌatekꞌ lix xa̱beb li soldados ut ta̱cꞌatekꞌ ajcuiꞌ li rakꞌeb li osoꞌjenak saꞌ quicꞌ.

Isaías 5:17

Eb li carner teꞌcuaꞌak saꞌ li tenamit jucꞌbil. Ut eb li jalaneb xtenamit teꞌcua̱nk saꞌ lix naꞌajeb li biom li ac juqꞌuinbil.

Isaías 8:7

Joꞌcan nak la̱in li Ka̱cuaꞌ tintakla lix reyeb laj Asiria rochbeneb lix soldado chi numta̱c saꞌ xbe̱neb laj Jerusalén. Nak teꞌcha̱lk riqꞌuin lix cuanquileb laj Asiria chi pletic, chanchan nak nabutꞌun li nimaꞌ Éufrates ut naxic yalak bar.

Salmos 78:31

Xban li numcuaꞌac queꞌxba̱nu, quichal xjoskꞌil li Dios saꞌ xbe̱neb ut quixcanabeb chi ca̱mc eb li cui̱nk li toj sa̱jeb, li cauheb rib saꞌ xya̱nkeb laj Israel.

Isaías 31:9

Lix reyeb laj Asiria ta̱e̱lelik xban xxiu joꞌ eb ajcuiꞌ li nequeꞌtaklan saꞌ xbe̱neb li soldados, chan li nimajcual Dios, li cuan xxam ac cauresinbil Jerusalén re xqꞌuebal chixtojbaleb xma̱queb li xicꞌ nequeꞌiloc reheb laj Israel.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Nahum 1:12

Joꞌcaꞌin quixye li Ka̱cuaꞌ reheb laj Israel: —Usta kꞌaxal nabaleb laj Asiria ut cauheb rib, la̱in tinsach ruheb chi junaj cua. Usta xexinqꞌue chi cꞌuluc nabal raylal saꞌ rukꞌeb aꞌan, abanan anakcuan incꞌaꞌ chic texincanab chi cꞌuluc raylal.

Sofonías 2:13

Li Ka̱cuaꞌ tixqꞌueheb chixtojbal xma̱queb laj Asiria li cuanqueb saꞌ li norte. Ta̱sachekꞌ ru li nimla tenamit Nínive. Ma̱ ani chic ta̱cua̱nk aran. Joꞌ chaki chꞌochꞌ ta̱cana̱k.

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Jeremías 48:14

La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?

Zacarías 7:4

Ut quia̱tinac cuiꞌchic cuiqꞌuin li Ka̱cuaꞌ li kꞌaxal nim xcuanquil ut quixye cue: