Isaías 10:14 - Li Santil hu

¹⁴ La̱in xinchap lix biomaleb li tenamit ut ma̱ ani xchꞌeꞌoc cue. Chanchan nak xinxoqueb li mol li ma̱ ani naa̱tinac chirix ut laj xicꞌanel xul incꞌaꞌ quirecꞌasi xxicꞌ chinseꞌbesinquil, chi moco quixjap re chixcolbal, chan lix reyeb laj Asiria.

Q'eqchi Bible

¹⁴ Xinxok li xb'ihomaleb' li tenamit, xinchap chixjunil li xch'och'eb', jo' naxoke'k junaq kanab'anb'il mol sa' xsuk li xik'anel xul, ut maajun x'eek'ank chi moko xjap re chinxib'esinkil”.

Isaías 10:14 ပူးပေါင်းရင်းမြစ်များ

Li xHu LAJ JOB 31:25

La̱in incꞌaꞌ quisahoꞌ inchꞌo̱l nak nabal lin biomal cuan. Chi moco quisahoꞌ inchꞌo̱l nak nabal li cꞌaꞌru cue nintau.

Nahum 2:9

Kacꞌamak li plata. Kacꞌamak li oro. Kꞌaxal cuiꞌchic nabal lix biomaleb ut cꞌajoꞌ xchakꞌal ru.

Abdías 1:4

Usta nequeyi̱b le̱ naꞌaj toj takecꞌ joꞌ nak naxyi̱b xsoc li cꞌuch, abanan toj aran texintau chak. Ut usta te̱yi̱b le̱ naꞌaj toj saꞌ xya̱nkeb li chahim, abanan toj aran texincubsi chak, chan li Ka̱cuaꞌ.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

Proverbios 18:12

Li ani naxnimobresi rib xjunes naxsach rib. Ut li ani naxcubsi rib naqꞌueheꞌ xlokꞌal.

Isaías 14:6

Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.

Ezequiel 35:13

Xekꞌetkꞌeti e̱rib chicuu nak xeye li incꞌaꞌ us chicuix. Nabal xex-a̱tinac. Ut la̱in xcuabi li cꞌaꞌru xeye nak xine̱hob.

2 Crónicas 32:13

¿Ma incꞌaꞌ ta biꞌ nequenau nak eb lin xeꞌto̱nil yucuaꞌ ut la̱in quike̱chani chixjunileb li tenamit li cuanqueb saꞌ ruchichꞌochꞌ? ¿Ma quiru ta biꞌ queꞌcoleꞌ xban lix Dioseb li tenamit aꞌan? ¿Ma quiru ta biꞌ queꞌcoleꞌ saꞌ cuukꞌ la̱in?

Isaías 37:25

Xinbec xjulel li haꞌ saꞌ jalan tenamit ut xcuucꞌ li haꞌ x-el aran. Riqꞌuin li cuok xinqꞌueheb chi chakic li nimaꞌ li cuanqueb Egipto,” chancat.