Isaías 10:1 - Li Santil hu

¹ Raylal ta̱cha̱lk saꞌ e̱be̱n la̱ex li nequeqꞌue li chakꞌrab li moco ti̱c ta re xrahobtesinquileb li tenamit.

Q'eqchi Bible

¹ Ra chaalel sa' xb'eeneb' li neke'k'uub'ank yib' aj chaq'rab' ut neke'teneb'ank rahilal sa' xb'eeneb' li poyanam.

Isaías 10:1 ပူးပေါင်းရင်းမြစ်များ

San Lucas 11:52

Ra cha̱lel saꞌ e̱be̱n la̱ex, aj tzolol chakꞌrab, xban nak nequemuk lix ya̱lal chiruheb li tenamit. La̱ex incꞌaꞌ nequepa̱b li Dios, chi moco nequecanabeb chi pa̱ba̱nc li nequeꞌraj raj pa̱ba̱nc, chan li Jesús reheb.

San Mateo 23:23

Ra cha̱lel saꞌ e̱be̱n la̱ex aj tzꞌi̱b ut ex aj fariseo, ex aj caꞌ pacꞌal u. Nequemayeja lix laje̱tkil li isquiꞌij, li eneldo ut li comino. Ut nequetzꞌekta̱na li kꞌaxal cuan xcuanquil saꞌ li chakꞌrab. Incꞌaꞌ nequeba̱nu li ti̱quilal. Incꞌaꞌ nequex-uxta̱nan u ut incꞌaꞌ nequexpa̱ban. Us nak nequemayeja lix laje̱tkil abanan incꞌaꞌ raj nequecanab xba̱nunquil li kꞌaxal cuan xcuanquil.

San Juan 19:6

Eb li nequeꞌcꞌacꞌalen saꞌ li templo ut eb li xbe̱nil aj tij queꞌril li Jesús ut queꞌxjap reheb ut queꞌxye: —¡Qꞌue chiru cruz! ¡Qꞌue chiru cruz! chanqueb. Ut laj Pilato quixye reheb: —Cꞌamomak la̱ex ut qꞌuehomak chiru cruz cui te̱raj. La̱in ma̱ jun lix ma̱c xintau, chan.

San Juan 9:22

Queꞌxye chi joꞌcan lix naꞌ xyucuaꞌ xban nak queꞌxucuac xbaneb li nequeꞌtaklan saꞌ xya̱nkeb laj judío xban nak ac cꞌu̱banbil ru xbaneb cui ani tixye nak li Jesús, aꞌan li Cristo, li jun aꞌan incꞌaꞌ chic ta̱cꞌulekꞌ saꞌ li cab li nequeꞌxchꞌutub cuiꞌ ribeb laj judío.

Habacuc 2:6

Ta̱cuulak xkꞌehil nak teꞌseꞌe̱k laj Caldea xbaneb li tenamit li ac xeꞌre̱chani. Teꞌbicha̱nk ut teꞌxye: —Ra cha̱lc re saꞌ xbe̱neb li xeꞌbiomoꞌ riqꞌuin li ma̱cuaꞌ reheb. ¿Jokꞌe teꞌxcanab biomocꞌ riqꞌuin li prendas li nequeꞌxcꞌul? chaꞌkeb.

Isaías 5:8

Raylal cha̱lel saꞌ e̱be̱n la̱ex li junes xsicꞌbal xtzꞌakob le̱ rochoch nequeba̱nu. Raylal cha̱lel saꞌ e̱be̱n xban nak junes xsicꞌbal xtzꞌakob le̱ chꞌochꞌ nequeba̱nu toj retal nequechap chixjunil chokꞌ e̱re. ¿Ma caꞌaj cuiꞌ ta biꞌ la̱ex texcua̱nk saꞌ ruchichꞌochꞌ?

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

San Mateo 26:24

Relic chi ya̱l la̱in li Cꞌajolbej tincamsi̱k joꞌ tzꞌi̱banbil retalil chicuix saꞌ li Santil Hu. Abanan raylal cuan saꞌ xbe̱n li cui̱nk aꞌan li ta̱kꞌaxtesi̱nk cue. Kꞌaxal us raj chokꞌ re li cui̱nk aꞌan nak incꞌaꞌ raj quiyoꞌla, chan li Jesús.

San Mateo 23:29

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Nequeyi̱b li queꞌmukeꞌ cuiꞌ li profetas ut nequerutzꞌuꞌuji chak ru li queꞌmukeꞌ cuiꞌ li ti̱queb xchꞌo̱l.

San Mateo 23:27

Ra cha̱lel saꞌ e̱be̱n la̱ex aj tzꞌi̱b ut la̱ex aj fariseo, ex aj caꞌ pacꞌal u. Chanchanex li nequeꞌmukeꞌ cuiꞌ li camenak. Bonbileb rix ut cꞌajoꞌ xchakꞌal eb ru, aꞌut chi saꞌ nujenak chi tzꞌaj ut chi xbakel camenak.

Habacuc 2:12

Ra xchal saꞌ e̱be̱n la̱ex li nequexcamsin ut nequeba̱nu li ma̱usilal. Ut riqꞌuin li cꞌaꞌru nequemakꞌ chiruheb, nequeyi̱b chi cha̱bil le̱ tenamit.

Habacuc 2:9

Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Habacuc 2:15

Ra xchal saꞌ e̱be̱n la̱ex li xerahobtesiheb le̱ ras e̱ri̱tzꞌin. Chanchan xecaltesiheb nak xemakꞌ chiruheb li cꞌaꞌru reheb. Chanchan tꞌustꞌu xecanabeb nak xemakꞌ chiruheb chixjunil li cꞌaꞌru cuan reheb.

Jeremías 22:13

At rey, raylal ta̱cha̱lk saꞌ a̱be̱n xban nak nacayi̱b la̱ palacio ut incꞌaꞌ nacaba̱nu saꞌ ti̱quilal. Nacanimobresi ban a̱cuib riqꞌuin balakꞌi̱c ut nacaqꞌueheb la̱ cuas a̱cui̱tzꞌin chi trabajic ut incꞌaꞌ nacatojeb.

Isaías 5:18

Raylal ta̱cha̱lk saꞌ e̱be̱n la̱ex li nequexcꞌamoc chak ma̱usilal riqꞌuin ticꞌtiꞌ. Chanchan li bacꞌbo che̱rix; joꞌ ajcuiꞌ la̱ex li nequexcꞌamoc chak re li ma̱c li chanchan li yo̱quex chixquelonquil che̱rix.

Isaías 3:11

Abanan eb li incꞌaꞌ useb xnaꞌleb ra teꞌxcꞌul xban nak eb aꞌan teꞌxcꞌul lix kꞌajca̱munquil aꞌ yal chanru lix yehom xba̱nuhomeb.

Salmos 58:2

Incꞌaꞌ. La̱ex junes li incꞌaꞌ us nequecꞌoxla xba̱nunquil. La̱ex junes yoꞌoba̱nc ple̱t nequeba̱nu saꞌ li tenamit.

Isaías 5:11

Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

1 Reyes 21:13

Ut queꞌcuulac li cui̱nk li incꞌaꞌ useb xnaꞌleb. Queꞌchunla chiru laj Nabot ut queꞌxye li ticꞌtiꞌ chiruheb li tenamit. Queꞌxye nak laj Nabot quixmajecua li Dios ut quixmajecua ajcuiꞌ li rey. Ut queꞌxcꞌam laj Nabot chire tenamit ut queꞌxcuti chi pec toj retal quicam.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Isaías 5:23

Nequecol rix li cuanqueb xma̱c xban nak nequeꞌxtumina e̱ru, ut aꞌ chic li ti̱queb xchꞌo̱l nequeye nak cuanqueb xma̱c.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Isaías 59:4

Ma̱ ani na-ajoc rakoc a̱tin saꞌ ti̱quilal. Incꞌaꞌ nequeye li ya̱l saꞌ li rakleb a̱tin. Nequecꞌojob e̱chꞌo̱l riqꞌuin li ticꞌtiꞌ. Junes raylal ut ma̱usilal nequeba̱nu.

Isaías 59:13

La̱o xkatzꞌekta̱na li Ka̱cuaꞌ. Xkaticꞌtiꞌi ut incꞌaꞌ nakaba̱nu li cꞌaꞌru naraj. Junes ma̱usilal ut rahobtesi̱nc nakaba̱nu. Ut nakacꞌu̱b ru chanru nak tobalakꞌi̱nk.

Éxodo 23:3

Chi moco junak nebaꞌ checol rix cui incꞌaꞌ us li yo̱ chixba̱nunquil.

Éxodo 23:6

Chetenkꞌaheb li nebaꞌ re nak us teꞌe̱lk nak ta̱rakekꞌ a̱tin saꞌ xbe̱neb, ut me̱canab xjuneseb.

Amós 2:7

Cꞌajoꞌ nak nequeꞌxrahobtesi li tenamit. Chanchan nak nequeꞌxyekꞌi saꞌ chꞌochꞌ li nebaꞌeb ut chanchan nequeꞌxyocosi ru xbeheb li tu̱laneb nak nequeꞌxram chiruheb li ti̱quilal. Li yucuaꞌbej ut li alalbej nequeꞌma̱cob riqꞌuin li jun chi ixk. Ut riqꞌuin li ma̱usilal nequeꞌxba̱nu, nequeꞌxsach xcuanquil lin santil cꞌabaꞌ.