Isaías 1:6 - Li Santil hu

⁶ Ma̱cꞌaꞌ chic rusil le̱ tibel. Naticla chak le̱ raylal saꞌ le̱ rok ut toj saꞌ le̱ jolom. Chixjunil le̱ tibel cuan xtochꞌolal ut cuan xyocꞌolal. Teto̱queb chic ru le̱ tochꞌolal. Ut ma̱ ani nabanoc re chi moco naru nequeꞌxlan ru. Ut ma̱ ani naqꞌuehoc li aceite chiru le̱ ra re risinquil lix rahil.—

Q'eqchi Bible

⁶ Chalen cheroq toj chejolom maak'a' chik eerusil: sak'b'ilkex, raxteninkex ut tiq'b'ilex, ut maajun nab'anok eere chi moko naxb'at leetiq'ilal; tik maajun nayalok xkotzb'al b'ayaq leerahilal.

Isaías 1:6 ပူးပေါင်းရင်းမြစ်များ

Jeremías 6:14

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

San Mateo 9:12

Nak quirabi li cꞌaꞌru quipatzꞌeꞌ reheb lix tzolom, li Jesús quixye: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li teꞌraj banecꞌ.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

San Lucas 10:34

Quicuulac riqꞌuin. Quixban lix yocꞌolal riqꞌuin vino ut aceite. Quixbati ru lix tochꞌolal. Quixqꞌue chirix lix cacua̱y ut quixcꞌam saꞌ jun li cab ut aran quixqꞌue chi hila̱nc ut aꞌan qui-iloc re.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Salmos 77:2

Nak cuanquin saꞌ raylal quintijoc chiru li Dios. Quinnumsi li kꞌojyi̱n chi tijoc ut incꞌaꞌ ajcuiꞌ nacꞌojla inchꞌo̱l.

Li xHu LAJ JOB 5:18

Cui li Dios naxqꞌue junak raylal saꞌ kabe̱n, aꞌan ajcuiꞌ ta̱tenkꞌa̱nk ke chixcuybal. Cui aꞌan naqꞌuehoc ke chi cꞌuluc raylal, aꞌan ajcuiꞌ ta̱cꞌojoba̱nk re li kachꞌo̱l.

Nahum 3:19

La̱ex aj Nínive, xex-osoꞌ. Ma̱cꞌaꞌ chic xbanol li raylal li yo̱quex chixcꞌulbal. Chixjunileb li teꞌabi̱nk resil li te̱cꞌul, teꞌxpokꞌpokꞌi li rukꞌeb xban xsahil xchꞌo̱leb. Teꞌsahokꞌ saꞌ xchꞌo̱leb nak tex-osokꞌ xban nak kꞌaxal cuiꞌchic nabal li raylal xeba̱nu reheb.

Jeremías 30:12

Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

2 Samuel 14:25

Ma̱ jun chic cui̱nk cuan Israel joꞌ laj Absalón. Tzꞌakal re ru lix tibel. Ma̱cꞌaꞌ xpaltil. Xban nak cꞌajoꞌ xchakꞌal ru, chixjunileb nequeꞌxqꞌue xlokꞌal.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Jeremías 6:7

Incꞌaꞌ nequeꞌxcanab xba̱nunquil li ma̱usilal. Chanchaneb jun li jul haꞌ li incꞌaꞌ nachakic. Caꞌaj cuiꞌ li rahobtesi̱nc ut li elkꞌa̱c na-abi̱c resil. Junes raylal ut yajel nacuan saꞌ li tenamit aꞌan.

Jeremías 30:15

¿Cꞌaꞌut nak nequejap e̱re xban li raylal li yo̱quex chixcꞌulbal? Ma̱cꞌaꞌ xbanol le̱ raylal. Xexinqꞌue chixcꞌulbal li raylal aꞌin xban nak numtajenak li ma̱c xeba̱nu. Kꞌaxal numtajenak le̱ ma̱usilal.