Isaías 1:5 - Li Santil hu

⁵ ¿Ma toj te̱raj nak texinqꞌue chixtojbal rix le̱ ma̱c? ¿Cꞌaꞌut nak toj yo̱quex chixba̱nunquil le̱ ma̱usilal? Tochꞌol le̱ jolom ut tacuajenakex xban li raylal yo̱quex chixcꞌulbal.

Q'eqchi Bible

⁵ K'a'ut naq toj yookex chi xq'etq'etinkil eerib'? Ma toj teeraj naq texinrahob'tesi? Tiq'b'il chik leejolom ut tawajenaqex chi junwaakaj.

Isaías 1:5 ပူးပေါင်းရင်းမြစ်များ

Ezequiel 24:13

La̱ex aj Jerusalén chanchanex li ucꞌal xban nak xemux e̱rib. La̱in xinyal risinquil le̱ ma̱usilal, abanan incꞌaꞌ x-el xban nak muxbil e̱ru. Le̱ ma̱usilal ta̱e̱lk nak la̱in tincuisi lin joskꞌil saꞌ e̱be̱n nak texinqꞌue chixtojbal e̱ma̱c.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 31:6

La̱ex aj Israel, xexma̱cob chicuu ut xekꞌet li cua̱tin. Abanan sukꞌinkex cuiqꞌuin.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Nehemías 9:34

Eb li karey, ut eb li nequeꞌtaklan saꞌ kaya̱nk, eb laj tij, ut eb li kanaꞌ kayucuaꞌ incꞌaꞌ queꞌxba̱nu li cꞌaꞌru naxye saꞌ li chakꞌrab li caqꞌue ke. Incꞌaꞌ queꞌraj rabinquil li caye reheb ut incꞌaꞌ queꞌxpa̱b la̱ cua̱tin li caqꞌue chokꞌ re xkꞌusbaleb.

Jeremías 5:5

Joꞌcan nak la̱in tinxic riqꞌuineb li cuanqueb xcuanquil ut tina̱tinak riqꞌuineb. Eb aꞌan nequeꞌxnau cꞌaꞌru naraj li Dios. Eb aꞌan nequeꞌxnau cꞌaꞌru quixye li Dios nak tento teꞌxba̱nu, chanquin. Abanan chixjunileb aꞌan queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru quixye.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Isaías 9:21

Eb li ralal xcꞌajol laj Manasés ut eb li ralal xcꞌajol laj Efraín teꞌxpleti ribeb chi ribileb rib. Ut teꞌxjunaji ribeb chi pletic riqꞌuineb li ralal xcꞌajol laj Judá. Usta teꞌxcꞌul chixjunil li raylal aꞌin, abanan toj ma̱jiꞌ nanumeꞌ xjoskꞌil li Ka̱cuaꞌ saꞌ xbe̱neb. Toj tixqꞌue chixtojbal xma̱queb li tenamit.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Isaías 1:23

Eb li nequeꞌcꞌamoc be che̱ru aj kꞌetoleb a̱tin ut nequeꞌxjunaji rib riqꞌuineb laj e̱lkꞌ. Nequeꞌxra ru li tumin ut nequeꞌxqꞌue rib chi tumina̱c. Incꞌaꞌ nequeꞌxba̱nu usilal reheb li ma̱cꞌaꞌeb xnaꞌ xyucuaꞌ chi moco nequeꞌxtenkꞌaheb li xma̱lcaꞌan.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

2 Reyes 1:13

Ut li rey quixtakla rox sut laje̱b roxcꞌa̱l chic li soldado rochben li nataklan saꞌ xbe̱neb. Queꞌtakeꞌ saꞌ li tzu̱l. Li nataklan saꞌ xbe̱neb li soldado quixcuikꞌib rib chiru laj Elías ut quixye re: —At xprofeta li Dios, chacuil taxak xtokꞌoba̱l cuu, la̱in joꞌ eb ajcuiꞌ li soldado. Incꞌaꞌ taxak tina̱qꞌue chi ca̱mc la̱in ut incꞌaꞌ taxak ta̱qꞌueheb chi ca̱mc li laje̱b roxcꞌa̱l chi soldado, li nequeꞌcꞌanjelac cha̱cuu.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Jeremías 17:9

Numtajenak li balakꞌ saꞌ xchꞌo̱leb li cristian ut numtajenak li ma̱usilal. ¿Ma cuan ta biꞌ junak naru ta̱naꞌok re lix cꞌaꞌuxeb?

Jeremías 44:15

Chixjunileb li cuanqueb aran queꞌa̱tinac riqꞌuin laj Jeremías. Saꞌ xya̱nkeb aꞌan cuanqueb li cui̱nk li queꞌxnau nak eb li rixakil queꞌmayejac chiruheb li jalanil dios. Cuanqueb nabaleb li ixk chꞌutchꞌu̱queb aran, joꞌ eb ajcuiꞌ chixjunileb laj judío li cuanqueb Patros, xcue̱nt Egipto. Queꞌxye re laj Jeremías:

Lamentaciones 5:17

Xban li raylal nakacꞌul, xrahoꞌ kachꞌo̱l. Ut incꞌaꞌ chic saken noco-iloc.

Ezequiel 34:4

Incꞌaꞌ quetenkꞌaheb li incꞌaꞌ cauheb rib, chi moco quebaneb li yaj, chi moco quelan ru lix tochꞌolaleb. Ut incꞌaꞌ quesukꞌisiheb li queꞌel saꞌ lix naꞌajeb chi moco quesicꞌ li queꞌsacheꞌ. Cau quextaklan saꞌ xbe̱neb ut saꞌ joskꞌil.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.